ਮੁੰਬਈ - ਫਿਲਮ ‘ਦ ਪੈਰਾਡਾਈਜ਼’ (The Paradise) ਇਨੀਂ ਦਿਨੀਂ ਆਪਣੀ ਸ਼ਾਨਦਾਰ ਮੇਕਿੰਗ ਨੂੰ ਲੈ ਕੇ ਸੁਰਖੀਆਂ ਵਿੱਚ ਹੈ। ਹਾਲ ਹੀ ਵਿੱਚ ਰਿਲੀਜ਼ ਹੋਏ ਫਿਲਮ ਦੇ ਗੀਤ ‘ਆਇਆ ਸ਼ੇਰ’ ਨੇ ਆਪਣੀ ਜ਼ਬਰਦਸਤ ਐਨਰਜੀ ਅਤੇ ਕਮਾਲ ਦੇ ਵਿਜ਼ੂਅਲਸ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਹੈ। ਇਸ ਗੀਤ ਨੂੰ ਇੰਨਾ ਵਿਸ਼ਾਲ ਅਤੇ ਅਸਲੀ ਰੂਪ ਦੇਣ ਲਈ ਫਿਲਮ ਦੇ ਆਰਟ ਡਿਪਾਰਟਮੈਂਟ ਨੇ ਦਿਨ-ਰਾਤ ਇੱਕ ਕਰਕੇ 2.5 ਏਕੜ ਵਿੱਚ ਫੈਲਿਆ ਇੱਕ ਵਿਸ਼ਾਲ ‘ਸਲੱਮ ਸੈੱਟ’ ਤਿਆਰ ਕੀਤਾ ਹੈ।
ਗੀਤ ਵਿੱਚ ਦਿਖਾਇਆ ਗਿਆ ‘ਹੀਰੋ ਹਾਊਸ’ (ਕਮਾਨ ਸੈੱਟ) ਖਿੱਚ ਦਾ ਮੁੱਖ ਕੇਂਦਰ ਹੈ। ਇਹ 60 ਫੁੱਟ ਚੌੜਾ, 45 ਫੁੱਟ ਉੱਚਾ ਅਤੇ 25 ਫੁੱਟ ਡੂੰਘਾ ਇੱਕ ਵਿਸ਼ਾਲ ਢਾਂਚਾ ਹੈ, ਜਿਸ ਨੂੰ 25 ਮਜ਼ਦੂਰਾਂ ਨੇ 20 ਦਿਨਾਂ ਦੀ ਮਿਹਨਤ ਨਾਲ ਤਿਆਰ ਕੀਤਾ ਹੈ। ਇੰਨਾ ਹੀ ਨਹੀਂ, ਗੀਤ ਵਿੱਚ ਬਿਰਯਾਨੀ ਦੇ ਇੱਕ ਵੱਡੇ ਕਟੋਰੇ ਵਰਗਾ ਢਾਂਚਾ ਵੀ ਦਿਖਾਇਆ ਗਿਆ ਹੈ, ਜਿਸ ਨੂੰ ਤਾਂਬੇ ਦੀ ਫਿਨਿਸ਼ ਅਤੇ ਪੁਰਾਣਾ ਲੁੱਕ ਦਿੱਤਾ ਗਿਆ ਹੈ ਤਾਂ ਜੋ ਇਹ ਬਿਲਕੁਲ ਅਸਲੀ ਲੱਗੇ। ਪ੍ਰੋਡਕਸ਼ਨ ਨੂੰ ਵੱਡੇ ਪੱਧਰ 'ਤੇ ਦਿਖਾਉਣ ਲਈ 2.5 ਏਕੜ ਵਿੱਚ ਇੱਕ ਪਿੰਡ ਵਸਾਇਆ ਗਿਆ, ਜਿਸ ਵਿੱਚ ਡਮੀ ਦੀ ਬਜਾਏ 60 ਅਸਲੀ ਘਰ ਬਣਾਏ ਗਏ ਸਨ। ਲੱਗਭਗ 50 ਵਰਕਰਜ਼ ਨੇ 30 ਦਿਨਾਂ ਤੱਕ ਮਿਹਨਤ ਕਰ ਕੇ ਇਸ ਪਿੰਡ ਨੂੰ ਬਣਾਇਆ, ਜਿਸ ਨੂੰ ਇਸ ਤਰ੍ਹਾਂ ਡਿਜ਼ਾਈਨ ਕੀਤਾ ਗਿਆ ਸੀ ਕਿ ਇਸ ’ਚ ਇਕੋ ਵਾਰ ਤਕਰੀਬਨ 500 ਲੋਕ ਆ ਸਕਣ। ਪਾਣੀ ਦਾ ਦ੍ਰਿਸ਼ ਫਿਲਮਾਉਣ ਲਈ 100 ਟੈਂਕਰ ਪਾਣੀ ਮੰਗਵਾਇਆ ਗਿਆ ਅਤੇ ਪਾਣੀ ਜਮ੍ਹਾ ਕਰਨ ਲਈ 20 ਫੁੱਟ ਡੂੰਘਾ ਤਲਾਬ ਬਣਾਇਆ ਗਿਆ ਸੀ।
'ਇੱਕ-ਇੱਕ ਕਰਕੇ ਸਭ ਜਾ ਰਹੇ...'; ਕਰੀਬੀ ਦੋਸਤ ਦੀ ਮੌਤ ਨਾਲ ਟੁੱਟੇ ਅਮਿਤਾਭ ਬੱਚਨ
NEXT STORY 
