ਐਂਟਰਟੇਨਮੈਂਟ ਡੈਸਕ- 10 ਜੁਲਾਈ ਨੂੰ ਨੈੱਟਫਲਿਕਸ ’ਤੇ ਰਿਲੀਜ਼ ਹੋਣ ਜਾ ਰਹੀ ਫਿਲਮ ‘ਇੱਕਾ’ ਨੂੰ ਲੈ ਕੇ ਦਰਸ਼ਕਾਂ ’ਚ ਜ਼ਬਰਦਸਤ ਉਤਸ਼ਾਹ ਹੈ। ਫਿਲਮ ’ਚ ਕਰੀਬ 30 ਸਾਲ ਬਾਅਦ ਸੰਨੀ ਦਿਓਲ ਅਤੇ ਅਕਸ਼ੈ ਖੰਨਾ ਇਕ ਵਾਰ ਫਿਰ ਇਕੱਠੇ ਨਜ਼ਰ ਆਉਣਗੇ, ਪਰ ਇਸ ਵਾਰ ਦੋਵਾਂ ਦੀਆਂ ਭੂਮਿਕਾਵਾਂ ਬਿਲਕੁਲ ਵੱਖਰੇ ਅੰਦਾਜ਼ ’ਚ ਸਾਹਮਣੇ ਆਉਣਗੀਆਂ। ਇਸੇ ਦੇ ਚੱਲਦਿਆਂ ਫਿਲਮ ਦੇ ਡਾਇਰੈਕਟਰ ਸਿੱਧਾਰਥ ਪੀ. ਮਲਹੋਤਰਾ ਨੇ ਪੰਜਾਬ ਕੇਸਰੀ/ ਨਵੋਦਿਆ ਟਾਈਮਜ਼/ ਜਗਬਾਣੀ/ ਹਿੰਦ ਸਮਾਚਾਰ ਨਾਲ ਖਾਸ ਗੱਲਬਾਤ ਕੀਤੀ ਅਤੇ ਦਿਲਚਸਪ ਗੱਲਾਂ ਸ਼ੇਅਰ ਕੀਤੀਆਂ...
Q ਫਿਲਮ ਨੂੰ ਲੈ ਕੇ ਕਿਹੋ ਜਿਹਾ ਫੀਲ ਕਰ ਰਹੇ ਹੋ?
ਫੈਂਸ ਦੀ ਐਕਸਾਈਟਮੈਂਟ ਅਤੇ ਐਕਸਪੈਕਟੇਸ਼ਨ ਬਹੁਤ ਵਧ ਗਈ ਹੈ ਅਤੇ ਉਸ ਨਾਲ ਥੋੜ੍ਹੀ ਟੈਂਸ਼ਨ ਮੈਨੂੰ ਮਿਲ ਗਈ ਹੈ। ਪਰ ਉਹ ਟੈਂਸ਼ਨ ਚੰਗੀ ਹੈ ਕਿਉਂਕਿ ਇਸ ਦਾ ਮਤਲਬ ਇਹ ਹੈ ਕਿ ਲੋਕ ਫਿਲਮ ਦੇਖਣਾ ਚਾਹ ਰਹੇ ਹਨ। ਹੁਣ ਮੇਰੇ ’ਤੇ ਅਤੇ ਮੇਰੀ ਟੀਮ ’ਤੇ ਨਿਰਭਰ ਹੈ ਕਿ ਅਸੀਂ ਉਨ੍ਹਾਂ ਦੀਆਂ ਉਮੀਦਾਂ ’ਤੇ ਕਿੰਨਾ ਖਰਾ ਉਤਰਾਂਗੇ। ਬਹੁਤ ਸਾਲਾਂ ਤੋਂ ਇਹ ਕਹਾਣੀ ਕਹਿਣੀ ਚਾਹੁੰਦਾ ਸੀ। ਫਾਈਨਲੀ ਕਹਿੰਦੇ-ਕਹਿੰਦੇ 8-9 ਸਾਲ ਹੋ ਗਏ ਕਿ ਮੈਂ ‘ਇੱਕਾ’ ਬਣਾਉਣੀ ਹੈ। ਫਿਰ ਭਗਵਾਨ ਨੇ ਮੈਨੂੰ ਜਦੋਂ ਇਹ ਮੌਕਾ ਦਿੱਤਾ ਤਾਂ ਉਹ ਵੀ ਸੰਨੀ ਦਿਓਲ ਅਤੇ ਅਕਸ਼ੈ ਖੰਨਾ ਨਾਲ, ਉਹ ਵੀ ਇਕ ਅਜਿਹੇ ਵੇਲੇ ਜਦੋਂ ਉਹ ਦੋਵੇਂ ਆਪਣੇ ਕਰੀਅਰ ਦੀ ਉਚਾਈ ’ਤੇ ਹਨ। ਮੈਂ ਕਦੇ ਲਾਈਫ ’ਚ ਸੋਚਿਆ ਨਹੀਂ ਸੀ ਕਿ ਇਸ ਤਰ੍ਹਾਂ ਮੈਨੂੰ ਇਹ ਫਿਲਮ ਬਣਾਉਣ ਨੂੰ ਮਿਲੇਗੀ। ਸੰਨੀ ਸਰ ਮੇਰੇ ਲਈ ਪਿਤਾ ਸਮਾਨ ਹਨ। ਜਦੋਂ ਵੀ ਮੈਂ ਉਨ੍ਹਾਂ ਨੂੰ ਮਿਲਦਾ ਹਾਂ, ਦਿਲ ਤੋਂ ਉਨ੍ਹਾਂ ਦੇ ਪੈਰ ਛੂਹੰਦਾ ਹਾਂ। ਕਿਉਂਕਿ ਉਹ ਇਕ ਬਹੁਤ ਵੱਡੇ ਸਟਾਰ ਹਨ ਇਸ ਲਈ ਨਹੀਂ, ਸਗੋਂ ਇਸ ਲਈ ਕਿਉਂਕਿ ਉਹ ਇਨਸਾਨ ਕਮਾਲ ਦੇ ਹਨ। ਜਦੋਂ 30 ਸਾਲ ਪਹਿਲਾਂ ਉਹ ਸਕ੍ਰੀਨ ’ਤੇ ਆਏ ਸਨ ਤਾਂ ਦੋਵੇਂ ਇਕੱਠੇ ਸਨ ਪਰ ਇਸ ਵਾਰ ਉਹ ਆਹਮੋ-ਸਾਹਮਣੇ ਹਨ।
Q 30 ਸਾਲ ਬਾਅਦ ਸੰਨੀ ਅਤੇ ਅਕਸ਼ੈ ਫਿਰ ਇਕੱਠੇ ਨਜ਼ਰ ਆ ਰਹੇ ਹਨ। ਦੋਵਾਂ ਦੀ ਕੈਮਿਸਟਰੀ ਅਤੇ ਪੁਨਰ-ਮਿਲਣ ਦਾ ਤਜਰਬਾ ਕਿਹੋ ਜਿਹਾ ਰਿਹਾ?
ਇਕ ਦਿਨ ਅਕਸ਼ੈ ਨੇ ਕਿਹਾ ਕਿ ‘ਸੰਨੀ 30 ਯੀਅਰਸ ਨਾ’, ਮੈਂ ਕਿਹਾ 30 ਯੀਅਰਸ ਮਤਲਬ, ਤਾਂ ਉਨ੍ਹਾਂ ਨੇ ਕਿਹਾ ਕਿ 30 ਸਾਲ ਹੋ ਗਏ ਸਾਨੂੰ ‘ਬਾਰਡਰ’ ਸ਼ੂਟ ਕੀਤੇ ਹੋਏ, ਤਾਂ ਮੈਂ ਕਿਹਾ-‘ਵਾਓ 30 ਯੀਅਰਸ’, ਦੋਵੇਂ ਸਮਾਈਲ ਕਰਨ ਲੱਗੇ। ਉਹ ਦੋਵੇਂ ਇਕ-ਦੂਜੇ ਨੂੰ ਦੇਖ ਕੇ ਯਾਦਾਂ ’ਚ ਚਲੇ ਗਏ ਸਨ, ਹੱਸ ਰਹੇ ਸਨ। ਜਦੋਂ ਪਹਿਲੀ ਵਾਰ ਮਿਲੇ, ਦੋ-ਤਿੰਨ ਮਿੰਟ ਲਈ ਇਕ-ਦੂਜੇ ਨੂੰ ਛੱਡਿਆ ਨਹੀਂ, ਬਸ ਗਲੇ ਮਿਲਦੇ ਰਹੇ, ਤਾਂ ਉਹ ਇਕ ਵਾਰਮਥ ਵੱਖਰਾ ਹੀ ਹੈ, ਉਹ ਤਾਂ ਇਕ ਜਾਦੂ ਵੱਖਰਾ ਹੈ, ਕਿਉਂਕਿ ਉਹ ਓਲਡ ਸਕੂਲ ਐਕਟਰਸ ਹਨ।
Q ‘ਤਾਰੀਖ ਪਰ ਤਾਰੀਖ, ਤਾਰੀਖ ਪਰ ਤਾਰੀਖ’ ਤਾਂ ਹੁਣ ਤੱਕ ਚੱਲ ਰਿਹਾ ਹੈ ਪਰ ਕੀ ਉਸ ਨੂੰ ਫੇਡ ਕਰਨ ਲਈ ‘ਇੱਕਾ’ ’ਚੋਂ ਕੁਝ ਨਵਾਂ ਨਿਕਲੇਗਾ?
ਬਿਲਕੁਲ ਅਤੇ ਉਹ ਨਿਕਲਣਾ ਹੀ ਚਾਹੀਦਾ ਹੈ। ਜੇਕਰ ਉਹ ਕੱਢ ਕੇ ਨਾ ਦਿੱਤਾ ਤਾਂ ਕੀ ਹੀ ਕੀਤਾ।
Q ਅਕਸ਼ੈ ਖੰਨਾ ਦਾ ਵੀ ‘ਧੁਰੰਧਰ’ ਤੋਂ ਬਾਅਦ ਇਕ ਅਲੱਗ ਹੀ ਫੈਨ ਬੇਸ ਹੈ। ਉਸ ’ਤੇ ਕੀ ਕਹੋਗੇ?
ਜਦੋਂ ਅਸੀਂ ਸ਼ੂਟ ਸ਼ੁਰੂ ਕੀਤਾ ਸੀ, ਉਸ ਵੇਲੇ ‘ਧੁਰੰਧਰ’ ਰਿਲੀਜ਼ ਨਹੀਂ ਹੋਈ ਸੀ। ‘ਧੁਰੰਧਰ’ ਦੀ ਸ਼ੂਟਿੰਗ ਚੱਲ ਰਹੀ ਸੀ। ਸਾਡੀ ਸ਼ੂਟਿੰਗ ਦੌਰਾਨ ਹੀ ‘ਧੁਰੰਧਰ’ ਰਿਲੀਜ਼ ਹੋਈ। ਮੇਰੇ ਸੈੱਟ ’ਤੇ ਹਰ ਕੋਈ ਜੋ ਆਉਂਦਾ ਸੀ ਤਾਂ ਬੋਲਦਾ ਅਕਸ਼ੈ ਸਰ ਧੁਰੰਧਰ, ਅਕਸ਼ੇ ਸਰ ਧੁਰੰਧਰ, ਤੇ ਉਹ ਵੀ ਬਹੁਤ ਖੁਸ਼ ਸਨ ਕਿਉਂਕਿ ਜਿਸ ਤਰ੍ਹਾਂ ਦਾ ਪਿਆਰ ਲੋਕਾਂ ਨੇ ਉਨ੍ਹਾਂ ਨੂੰ ਦਿੱਤਾ ਹੈ, ਇਸ ਫਿਲਮ ’ਚ ਕਿਸ ਐਕਟਰ ਨੂੰ ਖੁਸ਼ੀ ਨਹੀਂ ਹੋਵੇਗੀ। ਉਹ ਐਕਸਪੈਕਟੇਸ਼ਨ ਮੈਂ ਵੀ ਦੇਖ ਰਿਹਾ ਹਾਂ। ਲੋਕਾਂ ਨੂੰ ਜੋ ਅਕਸ਼ੈ ਤੋਂ ਇਕ ਉਮੀਦ ਹੈ, ਮੈਂ ਵੀ ਵਾਪਸ ਉਹੀ ਉਮੀਦ ਕਰ ਰਿਹਾ ਹਾਂ। ਅਜਿਹਾ ਹੀ ਸੰਨੀ ਸਰ ਨਾਲ ਹੈ। ਉਨ੍ਹਾਂ ਤੋਂ ਵੀ ਬਹੁਤ ਉਮੀਦਾਂ ਹਨ ਅਤੇ ਉਹ ਪੂਰੀਆਂ ਵੀ ਹੋਣਗੀਆਂ।
Q ‘ਦਾਮਿਨੀ’ ’ਚ ਸੰਨੀ ਦਿਓਲ ਦੇ ਵਕੀਲ ਵਾਲੇ ਕਿਰਦਾਰ ਨੂੰ ਅੱਜ ਵੀ ਲੋਕ ਯਾਦ ਕਰਦੇ ਹਨ। ਇਸ ਵਾਰ ਦਰਸ਼ਕਾਂ ਦੀਆਂ ਵੱਡੀਆਂ ਉਮੀਦਾਂ ਨੂੰ ਲੈ ਕੇ ਤੁਸੀਂ ਕਿੰਨਾ ਤਿਆਰ ਹੋ?
ਇਸ ਚੀਜ਼ ਦੇ ਲਈ ਮੈਂ ਪੂਰੀ ਤਰ੍ਹਾਂ ਤਿਆਰ ਹਾਂ। ਜੇਕਰ ਮੈਂ ਸੰਨੀ ਦਿਓਲ ਨੂੰ ਵਕੀਲ ਬਣਾ ਕੇ ਲੈ ਕੇ ਆ ਰਿਹਾ ਹਾਂ ਤਾਂ ਮੈਨੂੰ ਉਸ ਗੱਲ ’ਤੇ ਖਰਾ ਉਤਰਨਾ ਹੀ ਪਵੇਗਾ। ਮੇਰੀ ਕੋਸ਼ਿਸ਼ ਹੈ ਕਿ ਮੈਂ ਉਨ੍ਹਾਂ ਨੂੰ ਇਸ ਤਰ੍ਹਾਂ ਪੇਸ਼ ਨਾ ਕਰਾਂ, ਜਿਸ ਤਰ੍ਹਾਂ ਉਨ੍ਹਾਂ ਨੂੰ ‘ਦਾਮਿਨੀ’ ’ਚ ਲੋਕ ਦੇਖ ਚੁੱਕੇ ਹਨ। ਉਨ੍ਹਾਂ ਦਾ ਜੋ ਫੈਨਡਮ ਹੈ ਇਕ ਵਕੀਲ ਦੀ ਤਰ੍ਹਾਂ, ਉਸ ਨੂੰ ਮੈਂ ਗਲੋਰੀਫਾਈ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਮੈਂ ‘ਦਾਮਿਨੀ ਪਾਰਟ ਟੂ’ ਤਾਂ ਨਹੀਂ ਬਣਾ ਰਿਹਾ ਹਾਂ। ਮੈਂ ਤਾਂ ‘ਇੱਕਾ’ ਬਣਾ ਰਿਹਾ ਹਾਂ। ਇਕ ‘ਦਾਮਿਨੀ’ ’ਚ ਉਹ ਦਾਮਿਨੀ ਲਈ ਲੜਦਾ ਹੈ ਪਰ ਜੋ ਕਿਰਦਾਰ ਇਥੇ ਹੈ, ਉਨ੍ਹਾਂ ’ਚ ਸੰਨੀ ਦਿਓਲ ਇਕ ਵਕੀਲ ਵਜੋਂ ਜੋ ਕੇਸ ਫੜ ਰਹੇ ਹਨ, ਉਸ ਨੂੰ ਉਹ ਲੜਨਾ ਹੀ ਨਹੀਂ ਚਾਹੁੰਦੇ ਪਰ ਲੜਨਾ ਪੈ ਰਿਹਾ ਹੈ। ਜਦੋਂ ਸੰਨੀ ਦਿਓਲ ਇਕ ਆਮ ਨਾਗਰਿਕ ਲਈ ਲੜਦੇ ਹਨ ਤਾਂ ‘ਤਾਰੀਖ ਪਰ ਤਾਰੀਖ’ ਆਵੇਗੀ ਪਰ ਇਸ ’ਚ ਸੰਨੀ ਦਿਓਲ, ਅਕਸ਼ੈ ਖੰਨਾ ਲਈ ਕੇਸ ਲੜਦੇ ਹਨ ਜੋ ਕਾਮਨ ਮੈਨ ਨਹੀਂ, ਇਕ ਅਮੀਰ ਬਾਪ ਦੀ ਔਲਾਦ ਹੈ। ਉਨ੍ਹਾਂ ਦਾ ਇਕ ਚੰਗਾ ਰਿਲੇਸ਼ਨ ਰਿਹਾ ਹੈ ਤਾਂ ‘ਤਾਰੀਖ ਪਰ ਤਾਰੀਖ’ ਨਹੀਂ ਆਵੇਗੀ ਕੁਝ ਹੋਰ ਆਵੇਗਾ।
‘ਇੱਕਾ’ ਸਿਰਫ਼ ਲੀਗਲ ਡਰਾਮਾ ਨਹੀਂ, ਜਜ਼ਬਾਤਾਂ ਦੀ ਕਹਾਣੀ ਹੈ
Q ਅਕਸ਼ੈ ਅਤੇ ਸੰਨੀ ਦੋ ਇੰਨੇ ਸ਼ਾਨਦਾਰ ਐਕਟਰ ਅਤੇ ਇੰਨੀ ਸ਼ਾਨਦਾਰ ਕਹਾਣੀ, ਤਾਂ ਇਹ ਓ.ਟੀ.ਟੀ. ’ਤੇ ਕਿਉਂ? ਥੀਏਟਰਸ ’ਚ ਕਿਉਂ ਨਹੀਂ?
ਥੀਏਟਰਸ ’ਚ ਲਿਆਉਣ ਦਾ ਫੈਸਲਾ ਮੇਰਾ ਤਾਂ ਹੋ ਹੀ ਨਹੀਂ ਸਕਦਾ ਕਿਉਂਕਿ ਨੈੱਟਫਲਿਕਸ ਓਰਿਜਨਲ ਫਿਲਮ ਹੈ। ਨੈੱਟਫਲਿਕਸ ਸਟੂਡੀਓ ਹੈ ਇਸ ਪਿਕਚਰ ਦੀ। ਤਾਂ ਇਹ ਉਨ੍ਹਾਂ ਦਾ ਫੈਸਲਾ ਸੀ। ਮੈਂ ਇਹ 8-9 ਸਾਲਾਂ ਤੋਂ ਬਣਾਉਣ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ। 8-9 ਸਾਲ ਪਹਿਲਾਂ ਓ.ਟੀ.ਟੀ. ਨਹੀਂ ਸੀ। ਪਰ ਇਹ ਸ਼ਾਇਦ ਉੱਪਰ ਵਾਲੇ ਦਾ ਹੀ ਫੈਸਲਾ ਹੈ ਜੋ ਫਿਲਮ ਇੰਨੇ ਵੱਡੇ ਅਦਾਕਾਰਾਂ ਨਾਲ ਬਣੀ ਅਤੇ ਹੁਣ 190 ਦੇਸ਼ਾਂ ’ਚ ਰਿਲੀਜ਼ ਹੋਵੇਗੀ।
Q ਅੱਜਕੱਲ ਲੀਗਲ ਡਰਾਮੇ ਬਹੁਤ ਚੱਲ ਰਹੇ ਹਨ ਅਤੇ ਨੋ ਡਾਊਟ ਇਸ ’ਚ ਇਕ ਵੱਖਰੇ ਲੈਵਲ ਦਾ ਇੰਟਰਸਟ ਹੁੰਦਾ ਹੈ ਸਭ ਨੂੰ, ਤਾਂ ਹੁਣ ‘ਇੱਕਾ’ ਬਾਕੀ ਲੀਗਲ ਡਰਾਮਿਆਂ ਤੋਂ ਕਿਵੇਂ ਵੱਖ ਹੋਵੇਗੀ?
ਕਿਉਂਕਿ ਇਹ ਸਿਰਫ਼ ਇਕ ਲੀਗਲ ਡਰਾਮਾ ਨਹੀਂ ਹੈ, ਇਹ ਇਕ ਪ੍ਰਸਨਲ ਡਰਾਮਾ ਹੈ। ਜਜ਼ਬਾਤਾਂ ਦੀ ਕਹਾਣੀ ਹੈ। ਦੋਸਤਾਂ ਦੀ ਕਹਾਣੀ ਹੈ। ਇਕ ਬਾਪ ਦੀ ਕਹਾਣੀ ਹੈ।
ਸਭ ਤੋਂ ਪਹਿਲਾਂ ਦਰਸ਼ਕ ਕਹਾਣੀ ਅਤੇ ਕਿਰਦਾਰਾਂ ਨਾਲ ਜੁੜਦੇ ਹਨ। ਜਦੋਂ ਉਨ੍ਹਾਂ ਨੂੰ ਕਿਰਦਾਰ ਪਸੰਦ ਆਉਣ ਲੱਗਦੇ ਹਨ, ਉਦੋਂ ਹੀ ਉਹ ਉਨ੍ਹਾਂ ਨਾਲ ਭਾਵਨਾਤਮਕ ਰੂਪ ’ਚ ਜੁੜ ਜਾਂਦੇ ਹਨ ਅਤੇ ਚਾਹੁੰਦੇ ਹਨ ਕਿ ਆਖਿਰ ’ਚ ਉਨ੍ਹਾਂ ਦੀ ਜਿੱਤ ਹੋਵੇ। ਜਦੋਂ ਤੱਕ ਤੁਹਾਨੂੰ ਇਹ ਨਹੀਂ ਲੱਗਦਾ, ਫਿਰ ਉਹ ਕੋਰਟ ਰੂਮ ਹੋਵੇ ਜਾਂ ਐਕਸ਼ਨ ਹੋਵੇ ਜਾਂ ਕਾਮੇਡੀ ਹੋਵੇ, ਤੁਹਾਨੂੰ ਫਰਕ ਨਹੀਂ ਪੈਂਦਾ। ਤੁਸੀਂ ਪਹਿਲਾਂ ਤਾਂ ਬੋਲੋਗੇ, ਕੀ ਮੈਂ ਇਸ ਕਿਰਦਾਰ ਨਾਲ ਜੁੜਨਾ ਚਾਹੁੰਦਾ ਹਾਂ? ਕੀ ਮੈਨੂੰ ਇਹ ਇਨਸਾਨ ਚੰਗਾ ਲੱਗਦਾ ਹੈ ਕਿ ਨਹੀਂ? ਕੀ ਮੈਨੂੰ ਲੱਗਦਾ ਹੈ ਕਿ ਇਹ ਇਨਸਾਨ ਜਿੱਤੇ ਕਿ ਨਹੀਂ? ਇਹ ਜਿਸ ਪ੍ਰਾਬਲਮ ’ਚ ਹੈ, ਜੇਕਰ ਮੈਂ ਇਸ ਪ੍ਰਾਬਲਮ ’ਚ ਆ ਗਿਆ ਜਾਂ ਆ ਗਈ ਤਾਂ ਮੈਂ ਕੀ ਕਰਦੀ? ਤਾਂ ਪਹਿਲਾਂ ਤਾਂ ਇਸ ਲਈ ਇਹ ਕੋਰਟ ਰੂਮ ਡਰਾਮਾ ਮੇਰਾ ਡਿਵਾਈਸ ਹੋ ਗਿਆ। ਅੱਜਕੱਲ ਕੋਰਟ ਰੂਮ ਡਰਾਮੇ ਬਹੁਤ ਲੋਕਾਂ ਨੇ ਦੇਖੇ ਹਨ। ਇਹ ਹੋਰ ਇੰਟਰਸਟਿੰਗ ਹੋਵੇ, ਤਾਂ ਉਹ ਦਾਅ-ਪੇਚ ਰੱਖੇ ਹਨ ਅਤੇ ਫਿਰ ਲਾਇਰਸ ਨਾਲ ਵੀ ਕੰਸਲਟ ਕੀਤਾ, ਉਨ੍ਹਾਂ ਨੂੰ ਦਿਖਾਇਆ ਵੀ। ਲਾਇਰਸ ਨੂੰ ਸਕ੍ਰਿਪਟ ਵੀ ਸੁਣਾਈ। ਕੋਰਟ ਵੀ ਗਏ, ਰਿਸਰਚ ਵੀ ਕੀਤੀ।
Q ‘ਇੱਕਾ’ ਦੀ ਕਾਸਟਿੰਗ ਨੂੰ ਲੈ ਕੇ ਕੋਈ ਸ਼ੱਕ ਸੀ ਜਾਂ ਪਹਿਲਾਂ ਹੀ ਤੈਅ ਹੋ ਚੁੱਕਾ ਸੀ ਕਿ ਸੰਨੀ ਦਿਓਲ ਦੇ ਅਪੋਜ਼ਿਟ ਅਕਸ਼ੈ ਖੰਨਾ ਨੂੰ ਹੀ ਕਾਸਟ ਕੀਤਾ ਜਾਵੇਗਾ?
ਮੈਂ ਅਕਸ਼ੇ ਖੰਨਾ ਨਾਲ ਆਲਮੋਸਟ 6-8 ਸਾਲਾਂ ਤੋਂ ਕੰਮ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹਾਂ। ਮੈਂ ਕੁਝ ਫਿਲਮਾਂ ਅਤੇ ਕੁਝ ਸ਼ੋਅਜ਼ ਪ੍ਰੋਡਿਊਸ ਕੀਤੇ ਹਨ। ਮੈਂ ਹਮੇਸ਼ਾ ਅਕਸ਼ੈ ਕੋਲ ਜਾਂਦਾ ਸੀ ਕਿ ਅਕਸ਼ੈ ਇਹ ਸੁਣ ਲੈਣ, ਤਾਂ ਅਕਸ਼ੈ ਤੇ ਮੇਰੀ ਗੱਲ ਪਹਿਲਾਂ ਤੋਂ ਚੱਲ ਰਹੀ ਸੀ।
ਫਿਰ ਜਦੋਂ ਇਹ ਫਿਲਮ ਅਪਰੂਵ ਹੋਈ ਨੈੱਟਫਲਿਕਸ ਤੇ ਸੰਨੀ ਦਿਓਲ ਤੋਂ, ਤਾਂ ਉਨ੍ਹਾਂ ਨੇ ਕਿਹਾ ਇਹ ਕੌਣ ਕਰੇਗਾ? ਸ਼ੌਰਿਆਮਨ ਗੌਰ ਦਾ ਕਿਰਦਾਰ, ਉਹ ਇਕ ਬਹੁਤ ਹੀ ਮਹੱਤਵਪੂਰਨ ਕਿਰਦਾਰ ਹੈ। ਤਾਂ ਮੈਂ ਬੋਲਿਆ ਮੈਂ ਅਕਸ਼ੈ ਕੋਲ ਹੀ ਜਾਵਾਂਗਾ। ਮੈਂ ਉਨ੍ਹਾਂ ਕੋਲ ਗਿਆ ਤਾਂ ਇਸ ਵਾਰ ਉਨ੍ਹਾਂ ਨੂੰ ਕਹਾਣੀ ਚੰਗੀ ਲੱਗੀ। 2 ਦਿਨਾਂ ’ਚ ਉਨ੍ਹਾਂ ਨੇ ਹਾਂ ਕਹਿ ਦਿੱਤੀ, ਇਕ ਹਫ਼ਤੇ ’ਚ ਉਨ੍ਹਾਂ ਨੇ ਕਾਂਟ੍ਰੈਕਟ ਸਾਈਨ ਕੀਤਾ।
ਨਿਰਦੇਸ਼ਕ ਐਟਲੀ ਨੇ ਰਣਵੀਰ ਸਿੰਘ ਨੂੰ ਦਿੱਤੀਆਂ ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ
NEXT STORY 
