ਮੁੰਬਈ (ਬਿਊਰੋ) : ਅਦਾਕਾਰਾ ਰਕੁਲ ਪ੍ਰੀਤ ਸਿੰਘ ਨੇ ਜੈਕੀ ਭਗਨਾਨੀ ਨਾਲ 21 ਫਰਵਰੀ ਨੂੰ ਵਿਆਹ ਕਰਵਾਇਆ ਸੀ। ਇਸ ਜੋੜਾ ਗੋਆ 'ਚ ਸਿੰਧੀ ਅਤੇ ਸਿੱਖ ਰੀਤੀ-ਰਿਵਾਜਾਂ ਨਾਲ ਵਿਆਹ ਕਰਵਾਇਆ ਸੀ। ਰਾਕੁਲ-ਜੈਕੀ ਦੇ ਵਿਆਹ ਨਾਲ ਜੁੜੀਆਂ ਕਈ ਤਸਵੀਰਾਂ ਅਤੇ ਵੀਡੀਓਜ਼ ਇੰਟਰਨੈੱਟ 'ਤੇ ਵਾਇਰਲ ਹੋਈਆਂ ਸਨ।
ਵਿਆਹ ਤੋਂ ਬਾਅਦ ਰਕੁਲ ਕਈ ਵਾਰ ਪਬਲਿਕ ਅਪੀਅਰੈਂਸ ਦੇ ਚੁੱਕੀ ਹੈ ਪਰ ਬੀਤੇ ਦਿਨ ਜਦੋਂ ਅਭਿਨੇਤਰੀ ਨੂੰ ਇਕ ਇਵੈਂਟ 'ਚ ਦੇਖਿਆ ਗਿਆ ਤਾਂ ਹਰ ਕੋਈ ਉਸ ਵੱਲ ਦੇਖਦਾ ਹੀ ਰਹਿ ਗਿਆ। ਉਸ ਨੇ ਇਸ ਦੌਰਾਨ ਕੁਝ ਤਸਵੀਰਾਂ ਵੀ ਇੰਸਟਾ 'ਤੇ ਸ਼ੇਅਰ ਕੀਤੀਆਂ ਹਨ।
ਦਰਅਸਲ, ਵਿਆਹ ਦੇ 14 ਦਿਨ ਬਾਅਦ ਹੀ ਅਦਾਕਾਰਾ ਆਪਣੇ ਪੁਰਾਣੇ ਅੰਦਾਜ਼ 'ਚ ਨਜ਼ਰ ਆਈ। ਜੀ ਹਾਂ, ਇਨ੍ਹਾਂ ਤਸਵੀਰਾਂ 'ਚ ਨਾ ਤਾਂ ਰਕੁਲ ਨੇ ਸਿੰਦੂਰ ਲਾਇਆ ਹੋਇਆ ਸੀ ਅਤੇ ਨਾ ਹੀ ਉਸ ਨੇ ਮੰਗਲਸੂਤਰ ਅਤੇ ਨਾ ਹੀ ਚੂੜਾ ਪਾਇਆ ਸੀ। ਕੁੱਲ ਮਿਲਾ ਕੇ ਰਕੁਲ ਇੱਕ ਨਵ-ਵਿਆਹੀ ਦੁਲਹਨ ਨਹੀਂ ਲੱਗ ਰਹੀ ਸੀ, ਸਗੋਂ ਬਹੁਤ ਹੀ ਕੂਲ ਲੱਗ ਰਹੀ ਸੀ।
ਲੁੱਕ ਦੀ ਗੱਲ ਕਰੀਏ ਤਾਂ ਰਕੁਲ ਨੇ ਬਲੈਕ ਮਿੰਨੀ ਸਕਰਟ ਨਾਲ ਸਫੈਦ ਕਮੀਜ਼ ਅਤੇ ਬਲੈਕ ਸੀਕੁਇਨ ਜੈਕੇਟ ਪਾਈ ਹੈ। ਸਿੰਪਲ ਈਅਰਰਿੰਗਸ, ਗਲੈਮ ਮੇਕਅੱਪ ਅਤੇ ਮੈਟ ਲਿਪਸਟਿਕ ਹਸੀਨਾ ਦੇ ਲੁੱਕ ਨੂੰ ਪਰਫੈਕਟ ਬਣਾ ਰਹੇ ਹਨ। ਰਕੁਲ ਨੇ ਪਰਸ ਅਤੇ ਬੇਬੀ ਹੀਲ ਨਾਲ ਲੁੱਕ ਨੂੰ ਪੂਰਾ ਕੀਤਾ। ਇਨ੍ਹਾਂ ਤਸਵੀਰਾਂ 'ਚ ਰਕੁਲ ਕਿਲਰ ਅੰਦਾਜ਼ 'ਚ ਕੈਮਰੇ ਸਾਹਮਣੇ ਪੋਜ਼ ਦਿੰਦੀ ਨਜ਼ਰ ਆ ਰਹੀ ਹੈ। ਰਕੁਲ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਪ੍ਰਸ਼ੰਸਕਾਂ ਵਲੋਂ ਵੀ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ।
ਕੰਮ ਦੀ ਗੱਲ ਕਰੀਏ ਤਾਂ ਰਕੁਲ ਮਈ ਦੇ ਅੱਧ 'ਚ ਫ਼ਿਲਮ 'ਦੇ ਦੇ ਪਿਆਰ ਦੇ 2' ਦੀ ਸ਼ੂਟਿੰਗ ਸ਼ੁਰੂ ਕਰ ਸਕਦੀ ਹੈ। ਇਸ ਤੋਂ ਇਲਾਵਾ ਖਬਰਾਂ ਹਨ ਕਿ ਰਕੁਲ ਪ੍ਰੀਤ ਸਿੰਘ ਨਿਤੇਸ਼ ਤਿਵਾਰੀ ਦੇ ਨਿਰਦੇਸ਼ਨ 'ਚ ਬਣੀ 'ਰਾਮਾਇਣ' 'ਚ ਨਜ਼ਰ ਆ ਸਕਦੀ ਹੈ। ਖਬਰਾਂ 'ਚ ਕਿਹਾ ਗਿਆ ਹੈ ਕਿ ਅਭਿਨੇਤਰੀ ਰਣਬੀਰ ਕਪੂਰ ਅਤੇ ਸਾਈ ਪੱਲਵੀ ਸਟਾਰਰ ਫ਼ਿਲਮ 'ਚ ਸੂਰਪਨਾਖਾ ਦਾ ਕਿਰਦਾਰ ਨਿਭਾਏਗੀ।
ਇਨ੍ਹਾਂ ਵਿਗਿਆਪਨਾਂ ਦੀ ਪ੍ਰਮੋਸ਼ਨ ਨਹੀਂ ਕਰ ਸਕਣਗੇ ਸੈਲਿਬ੍ਰਿਟੀ, ਜਾਰੀ ਹੋਈ Advisory
NEXT STORY 
