ਮੁੰਬਈ (ਏਜੰਸ)- ਦੱਖਣ ਭਾਰਤੀ ਫ਼ਿਲਮਾਂ ਦੇ ਮੈਗਾ ਸਟਾਰ ਪ੍ਰਭਾਸ ਦੀ ਫ਼ਿਲਮ 'ਸਪਿਰਿਟ' (Spirit) ਦਾ ਪਹਿਲਾ ਪੋਸਟਰ ਰਿਲੀਜ਼ ਹੋ ਗਿਆ ਹੈ। ਇਸ ਫ਼ਿਲਮ ਦਾ ਨਿਰਦੇਸ਼ਨ ਮਸ਼ਹੂਰ ਨਿਰਦੇਸ਼ਕ ਸੰਦੀਪ ਰੈੱਡੀ ਵਾਂਗਾ ਵੱਲੋਂ ਕੀਤਾ ਜਾ ਰਿਹਾ ਹੈ। ਸੰਦੀਪ ਨੇ ਇੰਸਟਾਗ੍ਰਾਮ 'ਤੇ ਇਸ ਫ਼ਿਲਮ ਦਾ ਪੋਸਟਰ ਸਾਂਝਾ ਕਰਦੇ ਹੋਏ ਪ੍ਰਸ਼ੰਸਕਾਂ ਨੂੰ ਨਵੇਂ ਸਾਲ 2026 ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ ਹਨ।
ਪੋਸਟਰ ਵਿੱਚ ਪ੍ਰਭਾਸ ਦਾ ਇੱਕ ਬੇਹੱਦ ਗੰਭੀਰ ਅਤੇ ਦਮਦਾਰ ਰੂਪ ਦੇਖਣ ਨੂੰ ਮਿਲ ਰਿਹਾ ਹੈ। ਉਹ ਇੱਕ ਖਿੜਕੀ ਦੇ ਕੋਲ ਬਿਨਾਂ ਸ਼ਰਟ ਦੇ ਜ਼ਖਮੀ ਹਾਲਤ ਵਿੱਚ ਖੜ੍ਹੇ ਦਿਖਾਈ ਦੇ ਰਹੇ ਹਨ, ਜਦੋਂ ਕਿ ਅਦਾਕਾਰਾ ਤ੍ਰਿਪਤੀ ਡਿਮਰੀ ਉਨ੍ਹਾਂ ਦੀ ਸਿਗਰਟ ਜਲਾ ਰਹੀ ਹੈ। ਪ੍ਰਭਾਸ ਨੇ ਆਫ-ਵ੍ਹਾਈਟ ਪੈਂਟ ਅਤੇ ਕਾਲਾ ਚਸ਼ਮਾ ਪਹਿਨਿਆ ਹੋਇਆ ਹੈ, ਜਦੋਂਕਿ ਤ੍ਰਿਪਤੀ ਇੱਕ ਦੇਸੀ ਲੁੱਕ ਵਿੱਚ ਨਜ਼ਰ ਆ ਰਹੀ ਹੈ। ਇਸ ਫ਼ਿਲਮ ਵਿੱਚ ਪ੍ਰਭਾਸ ਅਤੇ ਤ੍ਰਿਪਤੀ ਮੁੱਖ ਭੂਮਿਕਾਵਾਂ ਵਿੱਚ ਹਨ, ਜਦੋਂ ਕਿ ਪ੍ਰਕਾਸ਼ ਰਾਜ, ਵਿਵੇਕ ਓਬਰਾਏ ਅਤੇ ਕੰਚਨਾ ਸਹਾਇਕ ਭੂਮਿਕਾਵਾਂ ਵਿੱਚ ਦਿਖਾਈ ਦੇਣਗੇ।
ਇਸ ਫ਼ਿਲਮ ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਹ ਹੈ ਕਿ ਪ੍ਰਭਾਸ ਆਪਣੇ ਕਰੀਅਰ ਵਿੱਚ ਪਹਿਲੀ ਵਾਰ ਇੱਕ ਪੁਲਸ ਅਫ਼ਸਰ ਦੀ ਭੂਮਿਕਾ ਨਿਭਾਉਣ ਜਾ ਰਹੇ ਹਨ। ਚਰਚਾ ਹੈ ਕਿ ਉਹ ਇੱਕ ਅਜਿਹੇ ਸਾਬਕਾ ਆਈ.ਪੀ.ਐਸ (IPS) ਅਧਿਕਾਰੀ ਦਾ ਕਿਰਦਾਰ ਨਿਭਾਉਣਗੇ, ਜਿਸ ਨੂੰ ਕਿਸੇ ਕਾਰਨ ਕਰਕੇ ਨੌਕਰੀ ਤੋਂ ਬਰਖਾਸਤ ਕਰ ਦਿੱਤਾ ਗਿਆ ਹੈ।
KBC-17 ਨੂੰ ਮਿਲਿਆ ਦੂਜਾ ਕਰੋੜਪਤੀ ; CRPF ਇੰਸਪੈਕਟਰ ਨੇ ਕੁਝ ਹੀ ਸੈਕੰਡਾਂ 'ਚ ਦਿੱਤਾ 1 ਕਰੋੜ ਦੇ ਸਵਾਲ ਦਾ ਜਵਾਬ
NEXT STORY 
