ਐਂਟਰਟੇਨਮੈਂਟ ਡੈਸਕ- ਹੜ੍ਹ ਪ੍ਰਭਾਵਿਤ ਖੇਤਰਾਂ ਵਿੱਚ ਰਾਹਤ ਕਾਰਜਾਂ ਵਿੱਚ ਲੱਗੇ ਮਸ਼ਹੂਰ ਪੰਜਾਬੀ ਗਾਇਕ ਕਰਨ ਔਜਲਾ ਨੇ ਪੀੜਤ ਪਰਿਵਾਰਾਂ ਦਾ ਹਾਲ ਦੇਖ ਕੇ ਬੇਹੱਦ ਭਾਵੁਕ ਹੋਏ ਹਨ। 'ਜਗ ਬਾਣੀ' ਦੇ ਸੀਨੀਅਰ ਪੱਤਰਕਾਰ ਰਮਨਦੀਪ ਸਿੰਘ ਸੋਢੀ ਨਾਲ ਗੱਲਬਾਤ ਦੌਰਾਨ ਔਜਲਾ ਨੇ ਆਪਣੇ ਦੁੱਖ ਨੂੰ ਨਿੱਜੀ ਦੱਸਿਆ ਅਤੇ ਕਿਹਾ ਕਿ ਇਨ੍ਹਾਂ ਪਰਿਵਾਰਾਂ ਦਾ ਦੁੱਖ ਦੇਖ ਕੇ ਉਨ੍ਹਾਂ ਨੂੰ ਆਪਣੇ ਮਾਂ-ਬਾਪ ਚੇਤੇ ਆ ਗਏ।
ਇਹ ਵੀ ਪੜ੍ਹੋ- ਅਚਾਨਕ ਵਿਗੜ ਗਈ ਮਸ਼ਹੂਰ ਅਦਾਕਾਰਾ ਦੀ ਸਿਹਤ ! ਲਿਜਾਣਾ ਪਿਆ ਹਸਪਤਾਲ, ਤਸਵੀਰਾਂ ਨੇ ਵਧਾਈ ਫੈਨਜ਼ ਦੀ ਚਿੰਤਾ
ਘਰ ਗੁਆਉਣ ਦਾ ਦਰਦ : ਕਰਨ ਔਜਲਾ ਨੇ ਘਰ ਢਹਿ ਜਾਣ ਦੇ ਦਰਦ ਨੂੰ ਬਿਆਨ ਕਰਦੇ ਹੋਏ ਕਿਹਾ ਕਿ ਜਦੋਂ ਘਰ ਢਹਿ ਜਾਵੇ ਤਾਂ ਬੰਦੇ ਨੂੰ ਇਉਂ ਲੱਗਦਾ ਹੈ ਕਿ ਜ਼ਿੰਦਗੀ ਮੁੱਕ ਗਈ। ਉਨ੍ਹਾਂ ਨੇ ਯਾਦ ਕਰਵਾਇਆ ਕਿ ਮਾਂ-ਪਿਓ ਸਾਰੀ ਉਮਰ ਘਰ ਬਣਾਉਣ ਲਈ ਜੋੜਦੇ ਰਹਿੰਦੇ ਹਨ। ਉਨ੍ਹਾਂ ਦੇ ਪਿਤਾ ਜੀ ਕਹਿੰਦੇ ਹੁੰਦੇ ਸਨ ਕਿ ਤੀਜੀ ਪੀੜ੍ਹੀ ਘਰ ਬਣਾਉਂਦੀ ਹੈ।
ਔਜਲਾ ਨੇ ਇੱਕ ਪਿਓ ਦੇ ਪਿਆਰ ਬਾਰੇ ਦੱਸਿਆ ਜੋ ਹੜ੍ਹ ਦੌਰਾਨ ਵੀ ਘਰ ਛੱਡ ਕੇ ਨਹੀਂ ਜਾਣਾ ਚਾਹੁੰਦਾ ਸੀ, ਭਾਵੇਂ ਕਿ ਉੱਥੇ ਤਿੰਨ-ਤਿੰਨ ਚਾਰ-ਚਾਰ ਫੁੱਟ ਪਾਣੀ ਆ ਗਿਆ ਸੀ। ਉਹਨਾਂ ਨੂੰ ਡਰ ਸੀ ਕਿ ਕੋਈ ਆ ਨਾ ਜਾਵੇ, ਕੋਈ ਲੁੱਟ ਨਾ ਲਵੇ, ਕਿਉਂਕਿ ਉਹਨਾਂ ਦਾ ਉਸ ਜਗ੍ਹਾ ਨਾਲ ਪਿਆਰ ਸੀ ਜਿੱਥੇ ਉਨ੍ਹਾਂ ਨੇ ਸਾਰੀ ਉਮਰ ਕਮਾਈ ਕਰਕੇ ਘਰ ਬਣਾਇਆ ਸੀ। ਔਜਲਾ ਨੇ ਭਾਵੁਕ ਹੁੰਦਿਆਂ ਕਿਹਾ ਕਿ ਜਦੋਂ ਉਹੀ ਘਰ ਖੜ੍ਹੇ-ਖੜ੍ਹੇ ਰੁੜ੍ਹ ਗਏ, ਤਾਂ ਪਿੱਛੇ ਕੀ ਰਹਿ ਗਿਆ।
ਆਪਣੀ 'ਹੱਡ ਬੀਤੀ' ਲੱਗੀ: ਗਾਇਕ ਨੇ ਕਿਹਾ ਕਿ ਜਦੋਂ ਉਹ ਦੁਖੀ ਲੋਕਾਂ ਨੂੰ ਦੇਖਦੇ ਹਨ, ਤਾਂ ਉਨ੍ਹਾਂ ਨੂੰ ਆਪਣੀ 'ਹੱਡ ਬੀਤੀ ਲੱਗਦੀ' ਹੈ ਅਤੇ ਉਹਨਾਂ ਨੂੰ ਇਉਂ ਲੱਗਦਾ ਹੈ ਕਿ ਉਨ੍ਹਾਂ ਨੂੰ 'ਆਪਾ ਦਿਸਦਾ' ਹੈ। ਉਨ੍ਹਾਂ ਨੇ ਜ਼ੋਰ ਦਿੱਤਾ ਕਿ ਉਹ ਇਹੋ ਜਿਹੇ ਟਾਈਮਾਂ ਵਿੱਚੋਂ ਲੰਘੇ ਹਨ ਅਤੇ ਇਹੋ ਜਿਹੇ ਪਰਿਵਾਰਾਂ ਵਿੱਚੋਂ ਹਨ। ਔਜਲਾ ਨੇ ਇੱਕ ਪਰਿਵਾਰ ਦੇ ਚਾਰ ਭੈਣਾਂ-ਭਰਾਵਾਂ ਦੀ ਸਟੋਰੀ ਦਾ ਜ਼ਿਕਰ ਕੀਤਾ, ਜਿਸ ਵਿੱਚ ਉਨ੍ਹਾਂ ਨੂੰ ਇੱਕ ਜਵਾਕ ਵਿੱਚ ਆਪਣਾ ਹੀ ਮੂੰਹ ਦਿਖਾਈ ਦਿੱਤਾ। ਉਨ੍ਹਾਂ ਨੂੰ ਪਤਾ ਹੈ ਕਿ ਜਦੋਂ ਰਾਤ ਨੂੰ ਹਨੇਰਾ ਪੈ ਜਾਂਦਾ ਹੈ ਅਤੇ ਇਕੱਲਾ-ਇਕੱਲਾ ਬੰਦਾ ਮੰਜੇ 'ਤੇ ਪਿਆ ਹੁੰਦਾ ਹੈ, ਤਾਂ ਉਹ ਕੀ ਸੋਚਦਾ ਹੈ।
ਕਰਨ ਔਜਲਾ ਨੇ ਆਖੀ ਵੱਡੀ ਗੱਲ, "ਕੋਸ਼ਿਸ਼ ਆ ਕੇ ਅੱਗੇ ਤੋਂ ਪੱਗ ਹੀ ਬੰਨਿਆ ਕਰੀਏ"
ਜ਼ਿੰਮੇਵਾਰੀਆਂ ਦਾ ਅਹਿਸਾਸ: ਔਜਲਾ ਨੇ ਕਿਹਾ ਕਿ ਅਜਿਹੇ ਸਮੇਂ ਵਿੱਚ ਜਵਾਕ ਨੂੰ ਮੂਹਰੇ ਆ ਕੇ ਰਿਸਪੌਂਸੀਬਿਲਿਟੀ (ਜ਼ਿੰਮੇਵਾਰੀ) ਲੈਣੀ ਪੈਂਦੀ ਹੈ ਅਤੇ ਉਹ ਉਮਰ ਤੋਂ ਵੱਡਾ ਹੋ ਜਾਂਦਾ ਹੈ। ਉਨ੍ਹਾਂ ਨੇ ਇਨ੍ਹਾਂ ਚਾਰ ਭੈਣਾਂ-ਭਰਾਵਾਂ ਦੀ ਸਥਿਤੀ ਬਾਰੇ ਗੱਲ ਕਰਦੇ ਹੋਏ ਕਿਹਾ ਕਿ ਹਾਲੇ ਕਿੰਨਾ ਟਾਈਮ ਪਿਆ ਹੈ ਅਤੇ ਉਨ੍ਹਾਂ ਦੀ ਭੈਣ ਅਤੇ ਭਰਾਵਾਂ ਨੂੰ ਕਿਹੜੇ-ਕਿਹੜੇ ਫਰਜ਼ ਅਦਾ ਕਰਨੇ ਪੈਣੇ ਹਨ, ਇਹ ਉਹ ਹੀ ਜਾਣਦੇ ਹਨ।
ਅੰਤ ਵਿੱਚ ਕਰਨ ਔਜਲਾ ਨੇ ਪਰਮਾਤਮਾ ਅੱਗੇ ਅਰਦਾਸ ਕੀਤੀ ਕਿ ਉਨ੍ਹਾਂ ਉੱਤੇ ਮਿਹਰ ਭਰਿਆ ਹੱਥ ਰੱਖੋ ਅਤੇ ਉਨ੍ਹਾਂ ਨੂੰ ਤੱਤੀ ਹਵਾ ਨਾ ਲੱਗੇ।
ਇਹ ਵੀ ਪੜ੍ਹੋ- ਹੜ੍ਹ ਪੀੜਤਾਂ ਲਈ ਮਦਦ ਲਈ ਕਰਨ ਔਜਲਾ ਦੀ ਭਾਵੁਕ ਅਪੀਲ: 'ਦੁੱਖ ਹੁਣ ਵੀ ਓਨਾ ਹੀ ਹੈ...'
ਜਿਨਸੀ ਸੋਸ਼ਣ ਦੇ ਦੋਸ਼ 'ਚ ਗਾਇਕ-ਸੰਗੀਤਕਾਰ ਸਚਿਨ ਗ੍ਰਿਫਤਾਰ
NEXT STORY 
