ਮੁੰਬਈ (ਏਜੰਸੀ) : ਦੱਖਣੀ ਭਾਰਤੀ ਅਤੇ ਬਾਲੀਵੁੱਡ ਫ਼ਿਲਮਾਂ ਦੀ ਮਸ਼ਹੂਰ ਅਦਾਕਾਰਾ ਰਸ਼ਮਿਕਾ ਮੰਦਾਨਾ ਦੇ ਜਨਮਦਿਨ ਦੇ ਮੌਕੇ 'ਤੇ ਉਨ੍ਹਾਂ ਦੀ ਆਉਣ ਵਾਲੀ ਫ਼ਿਲਮ 'ਰਾਣਾਬਾਲੀ' ਦੇ ਮੇਕਰਸ ਨੇ ਇੱਕ ਖ਼ਾਸ ਵੀਡੀਓ ਸਾਂਝੀ ਕਰਕੇ ਉਨ੍ਹਾਂ ਨੂੰ ਵਧਾਈ ਦਿੱਤੀ ਹੈ। ਇਸ ਵੀਡੀਓ ਵਿੱਚ ਰਸ਼ਮਿਕਾ ਦੇ ਕਿਰਦਾਰ ‘ਜਾਇੰਮਾ’ ਦੇ ਬਣਨ ਦੀ ਪ੍ਰਕਿਰਿਆ ਅਤੇ ਪਰਦੇ ਦੇ ਪਿੱਛੇ ਦੀ ਮਿਹਨਤ ਦੀਆਂ ਝਲਕੀਆਂ ਦਿਖਾਈਆਂ ਗਈਆਂ ਹਨ।
ਕਿਰਦਾਰ ਲਈ ਦਿਖਾਈ ਸਖ਼ਤ ਮਿਹਨਤ
ਵੀਡੀਓ ਵਿੱਚ ਸਾਫ਼ ਨਜ਼ਰ ਆ ਰਿਹਾ ਹੈ ਕਿ ਰਸ਼ਮਿਕਾ ਨੇ ਇਸ ਇਤਿਹਾਸਕ ਕਿਰਦਾਰ ਨੂੰ ਨਿਭਾਉਣ ਲਈ ਕਿੰਨੀ ਲਗਨ ਦਿਖਾਈ ਹੈ। ਚਾਹੇ ਉਹ ਉਨ੍ਹਾਂ ਦਾ ਲੁੱਕ ਹੋਵੇ ਜਾਂ ਕਿਰਦਾਰ ਦੀ ਭਾਵਨਾਤਮਕ ਡੂੰਘਾਈ, ਰਸ਼ਮਿਕਾ ਨੇ ਇਸ ਪ੍ਰਦਰਸ਼ਨ ਵਿੱਚ ਆਪਣੀ ਜਾਨ ਫੂਕ ਦਿੱਤੀ ਹੈ। ਮੇਕਰਸ ਨੇ ਵੀਡੀਓ ਸਾਂਝੀ ਕਰਦੇ ਹੋਏ ਲਿਖਿਆ, "ਉਸ ਇਨਸਾਨ ਲਈ ਜੋ ਆਪਣੀ ਚਮਕ ਅਤੇ ਪਿਆਰੀ ਮੁਸਕਾਨ ਨਾਲ ਦੁਨੀਆ ਵਿੱਚ ਰੰਗ ਭਰ ਦਿੰਦੀ ਹੈ, ਸਾਡੀ ‘ਜਾਇੰਮਾ’ ਉਰਫ਼ ਰਸ਼ਮਿਕਾ ਮੰਦਾਨਾ ਨੂੰ ਜਨਮਦਿਨ ਦੀਆਂ ਬਹੁਤ-ਬਹੁਤ ਮੁਬਾਰਕਾਂ।"
ਵਿਜੇ ਦੇਵਰਕੋਂਡਾ ਨਾਲ ਪਰਦੇ 'ਤੇ ਵਾਪਸੀ
ਖ਼ਾਸ ਗੱਲ ਇਹ ਹੈ ਕਿ ਇਸ ਫ਼ਿਲਮ ਰਾਹੀਂ ਰਸ਼ਮਿਕਾ ਆਪਣੇ ਅਸਲ ਜ਼ਿੰਦਗੀ ਦੇ ਸਾਥੀ ਵਿਜੇ ਦੇਵਰਕੋਂਡਾ ਨਾਲ ਪਰਦੇ 'ਤੇ ਵਾਪਸੀ ਕਰ ਰਹੀ ਹੈ, ਜਿਨ੍ਹਾਂ ਨਾਲ ਉਨ੍ਹਾਂ ਨੇ ਹਾਲ ਹੀ ਵਿੱਚ ਵਿਆਹ ਕੀਤਾ ਹੈ। ਫ਼ਿਲਮ 'ਰਾਣਾਬਾਲੀ' ਇੱਕ ਇਤਿਹਾਸਕ ਡਰਾਮਾ ਹੈ, ਜੋ ਬ੍ਰਿਟਿਸ਼ ਰਾਜ ਦੇ ਪਿਛੋਕੜ 'ਤੇ ਅਧਾਰਤ ਹੈ। ਇਸ ਵਿੱਚ ਵਿਜੇ ਇੱਕ ਖ਼ੌਫ਼ਨਾਕ ਯੋਧੇ ਦੇ ਰੂਪ ਵਿੱਚ ਨਜ਼ਰ ਆਉਣਗੇ, ਜਦਕਿ ਰਸ਼ਮਿਕਾ ਉਨ੍ਹਾਂ ਦੀ ਪਤਨੀ ਦਾ ਕਿਰਦਾਰ ਨਿਭਾਅ ਰਹੀ ਹੈ।
ਇਹ ਫਿਲਮ ਰਾਹੁਲ ਸੰਕ੍ਰਿਤੀਅਨ ਦੁਆਰਾ ਨਿਰਦੇਸ਼ਤ ਅਤੇ ਟੀ-ਸੀਰੀਜ਼ ਦੇ ਸਹਿਯੋਗ ਨਾਲ ਮਿਥਰੀ ਮੂਵੀ ਮੇਕਰਸ ਦੇ ਵਾਈ. ਰਵੀ ਸ਼ੰਕਰ ਅਤੇ ਨਵੀਨ ਯੇਰਨੇਨੀ ਦੁਆਰਾ ਨਿਰਮਿਤ ਹੈ। ਇਸ ਫਿਲਮ ਵਿੱਚ ਅੰਤਰਰਾਸ਼ਟਰੀ ਅਦਾਕਾਰ ਅਰਨੋਲਡ ਵੋਸਲੂ ਵੀ ਸ਼ਾਮਲ ਹਨ। "ਰਾਣਾਬਲੀ" 11 ਸਤੰਬਰ, 2026 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਲਈ ਤਿਆਰ ਹੈ।
ਵਿਆਹ ਦੇ 4 ਸਾਲਾਂ ਬਾਅਦ ਮਸ਼ਹੂਰ ਅਦਾਕਾਰਾ ਨੇ ਸੁਣਾਈ Good News, ਇਸ ਮਹੀਨੇ ਆਵੇਗਾ ਨੰਨ੍ਹਾ ਮਹਿਮਾਨ
NEXT STORY 
