ਨਵੀਂ ਦਿੱਲੀ (ਬਿਊਰੋ) : ਸੁਪਰਸਟਾਰ ਸਲਮਾਨ ਖ਼ਾਨ ਦਾ ਸਭ ਤੋਂ ਚਰਚਿਤ ਅਤੇ ਵਿਵਾਦਿਤ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 15' 2 ਅਕਤੂਬਰ ਤੋਂ ਸ਼ੁਰੂ ਹੋਣ ਵਾਲਾ ਹੈ। ਸ਼ੋਅ 'ਚ ਇਸ ਵਾਰ ਥੀਮ ਨੂੰ ਕਾਫ਼ੀ ਹੱਟ ਕੇ ਚੁਣਿਆ ਗਿਆ ਹੈ। 'ਬਿੱਗ ਬੌਸ 15' ਦੇ ਮੁਕਾਬਲੇਬਾਜ਼ ਕਿਸੇ ਆਲੀਸ਼ਾਨ ਘਰ 'ਚ ਨਹੀਂ ਸਗੋਂ ਜੰਗਲ 'ਚ ਰਹਿਣ ਵਾਲੇ ਹਨ।
'ਬਿੱਗ ਬੌਸ 15' ਦੇ ਆਪਣੇ ਨਵੇਂ ਨਿਯਮ ਹੋਣਗੇ ਅਤੇ ਇਥੇ ਜੰਗਲ 'ਚ ਰਹਿੰਦੇ ਹੋਏ ਮੁਕਾਬਲੇਬਾਜ਼ਾਂ ਨੂੰ ਮੁਕਸ਼ਿਲਾਂ ਦਾ ਸਾਹਮਣਾ ਕਰਨਾ ਪਵੇਗਾ। ਇਹ ਰਿਐਲਿਟੀ ਸ਼ੋਅ ਇਕ ਤਰ੍ਹਾਂ ਨਾਲ ਸਰਵਾਈਵਲ 'ਤੇ ਆਧਾਰਿਤ ਹੋਵੇਗਾ।
ਦੱਸ ਦਈਏ ਕਿ ਹਾਲ ਹੀ 'ਬਿੱਗ ਬੌਸ 15' ਦੇ ਘਰ ਦੀਆਂ ਕੁਝ ਤਸਵੀਰਾਂ ਸਾਹਮਣੇ ਆਈਆਂ ਹਨ, ਜੋ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਹੀਆਂ ਹਨ।
ਇਨ੍ਹਾਂ ਤਸਵੀਰਾਂ 'ਬਿੱਗ ਬੌਸ' ਦੇ ਘਰ ਦਾ ਹਰ ਇਕ ਹਿੱਸਾ ਦਿਖਾਇਆ ਗਿਆ ਹੈ, ਜੋ ਕਿ ਵੇਖਣ 'ਚ ਕਾਫ਼ੀ ਆਲੀਸ਼ਾਨ ਲੱਗ ਰਿਹਾ ਹੈ। ਇਸ ਤੋਂ ਇਲਾਵਾ ਘਰ 'ਚ ਕਾਫ਼ੀ ਕੁਝ ਨਵਾਂ ਵੀ ਵੇਖਣ ਨੂੰ ਮਿਲ ਰਿਹਾ ਹੈ।
ਬੀਤੇ ਵੀਰਵਾਰ ਨੂੰ ਮੱਧ ਪ੍ਰਦੇਸ਼ 'ਚ 'ਬਿੱਗ ਬੌਸ 15' ਨੂੰ ਲੈ ਕੇ ਪ੍ਰੈੱਸ ਕਾਨਫਰੈਂਸ ਰੱਖੀ ਗਈ, ਜਿਸ ਨੂੰ 'ਬਿੱਗ ਬੌਸ' ਸਾਬਕਾ ਮੁਕਾਬਲੇਬਾਜ਼ ਅਤੇ ਅਦਾਕਾਰਾ ਦੇਵੋਲੀਨਾ ਭੱਟਾਚਾਰਜੀ ਤੇ ਆਰਤੀ ਸਿੰਘ ਨੇ ਹੋਸਟ ਕੀਤਾ।
ਇਸ ਪ੍ਰੈੱਸ ਕਾਨਫਰੈਂਸ 'ਚ ਹੀ ਉਨ੍ਹਾਂ ਨਾਮਾਂ ਤੋਂ ਪਰਦਾ ਚੁੱਕਿਆ ਗਿਆ, ਜੋ ਇਸ ਸਾਲ ਸ਼ੋਅ 'ਚ ਐਂਟਰੀ ਕਰਨਗੇ।
ਦੱਸਣਯੋਗ ਹੈ ਕਿ ਇਸ ਵਾਰ 'ਬਿੱਗ ਬੌਸ 15' ਦੀ ਥੀਮ 'ਜੰਗਲ 'ਚ ਦੰਗਲ' ਹੈ।
ਘਰ ਨੂੰ ਇਸ ਵਾਰ ਜੰਗਲ ਦੀ ਤਰ੍ਹਾਂ ਸਜਾਇਆ ਗਿਆ ਹੈ। ਸ਼ੋਅ ਦੇ ਕਈ ਪ੍ਰੋਮੋ ਵੀ ਰਿਲੀਜ਼ ਕੀਤੇ ਜਾ ਚੁੱਕੇ ਹਨ, ਜਿਸ 'ਚ ਸਲਮਾਨ ਖ਼ਾਨ ਜੰਗਲ 'ਚ ਨਜ਼ਰ ਆ ਰਹੇ ਹਨ, ਹੁਣ ਦੇਖਣਾ ਹੋਵੇਗਾ ਕਿ ਸਲਮਾਨ ਖ਼ਾਨ ਦੇ ਸ਼ੋਅ 'ਚ ਇਸ ਵਾਰ ਕੀ ਨਵਾਂ ਹੋਣ ਵਾਲਾ ਹੈ।
ਅਕਸ਼ੇ ਕੁਮਾਰ ਦੀਆਂ 5 ਫ਼ਿਲਮਾਂ ਦੀ ਰਿਲੀਜ਼ਿੰਗ ਡੇਟ ਆਈ ਸਾਹਮਣੇ
NEXT STORY 
