ਨਵੀਂ ਦਿੱਲੀ (ਬਿਊਰੋ) : ਆਸਥਾ ਦੇ ਅਨੋਖੇ ਤਿਉਹਾਰ ਛਠ 'ਚ ਸੂਰਜ ਦੀ ਪਹਿਲੀ ਕਿਰਨ ਅਤੇ ਸ਼ਾਮ ਨੂੰ ਆਖ਼ਰੀ ਕਿਰਨ ਨੂੰ ਅਰਗ ਦੇ ਕੇ ਸੂਰਜ ਨੂੰ ਮੱਥਾ ਟੇਕਿਆ ਜਾਂਦਾ ਹੈ। ਛਠ ਦਾ ਤਿਉਹਾਰ ਸੂਰਜ ਦੇਵਤਾ ਨੂੰ ਸਮਰਪਿਤ ਹੈ। ਔਰਤਾਂ ਪਰਿਵਾਰ ਦੀ ਚੰਗੀ ਸਿਹਤ ਅਤੇ ਆਰਥਿਕ ਸਥਿਤੀ ਦੀ ਕਾਮਨਾ ਨਾਲ ਇਹ ਵਰਤ ਰੱਖਦੀਆਂ ਹਨ। ਇਹ ਵਰਤ ਭੋਜਪੁਰੀ ਗੀਤਾਂ ਤੋਂ ਬਿਨਾਂ ਅਧੂਰਾ ਹੈ।
ਛਠ ਗੀਤ ਨੇ ਧਮਾਲ ਮਚਾ ਦਿੱਤੀ
ਛਠ ਪੂਜਾ ਦੇ ਮੌਕੇ 'ਤੇ ਪਦਮਸ਼੍ਰੀ ਸ਼ਾਰਦਾ ਸਿਨਹਾ ਦੀ ਆਵਾਜ਼ 'ਚ 'ਪਹਿਲੇ ਪਹਿਲ ਛੱਠ ਮਾਈਆ' ਗੀਤ ਅੱਜ ਵੀ ਬਹੁਤ ਸੁਣਨ ਨੂੰ ਮਿਲਦਾ ਹੈ। ਸਾਲ 2016 'ਚ ਰਿਲੀਜ਼ ਹੋਏ ਇਸ ਗੀਤ ਨੂੰ ਹੁਣ ਤਕ 42 ਮਿਲੀਅਨ ਤੋਂ ਵੱਧ ਵਾਰ ਦੇਖਿਆ ਜਾ ਚੁੱਕਾ ਹੈ। ਗੀਤ 'ਚ ਵਿਦੇਸ਼ੀ ਨੂੰਹ ਨੂੰ ਛਠ ਪੂਜਾ ਕਰਦੇ ਦਿਖਾਇਆ ਗਿਆ ਹੈ ਅਤੇ ਗੁਆਂਢੀ ਭਾਰਤੀ ਤੇ ਵਿਦੇਸ਼ੀ ਉਸ ਦੇ ਘਰ ਆਉਂਦੇ ਹਨ। ਇਸ ਗੀਤ ਨੂੰ ਅਦਾਕਾਰਾ ਕ੍ਰਿਸਟੀਨ ਜੇਡੇਕ ਅਤੇ ਅਦਾਕਾਰ ਕ੍ਰਾਂਤੀ ਪ੍ਰਕਾਸ਼ ਝਾਅ 'ਤੇ ਫ਼ਿਲਮਾਇਆ ਗਿਆ ਹੈ। ਇਸ ਗੀਤ 'ਚ ਅਭਿਨੇਤਰੀ ਕ੍ਰਿਸਟੀਨ ਜੇਡੇਕ ਪਹਿਲੀ ਵਾਰ ਵਰਤ ਰੱਖਦੀ ਹੈ ਅਤੇ ਆਪਣੇ ਪਰਿਵਾਰ ਦੀ ਖੁਸ਼ੀ ਅਤੇ ਸ਼ਾਂਤੀ ਲਈ ਮਾਇਆ ਅੱਗੇ ਪ੍ਰਾਰਥਨਾ ਕਰਦੀ ਹੈ।
ਦੱਸਣਯੋਗ ਹੈ ਕਿ ਇਸ ਗੀਤ ਨੂੰ ਪਦਮਸ਼੍ਰੀ ਸ਼ਾਰਦਾ ਸਿਨਹਾ ਦੇ ਗੀਤ ਨਾਲ ਵੀ ਕੰਪੋਜ਼ ਕੀਤਾ ਗਿਆ ਹੈ। ਇਸ ਨੂੰ ਸੰਗੀਤ ਆਦਿਤਿਆ ਦੇਵ ਨੇ ਦਿੱਤਾ ਹੈ। ਇਸ ਵਰਤ ਦੀ ਨਹਾਏ-ਖਾਏ ਨਾਲ ਛਠ ਮਹਾਪਰਵ ਦੀ ਸ਼ੁਰੂਆਤ ਹੁੰਦੀ ਹੈ ਅਤੇ ਤੀਜੇ ਦਿਨ ਸੂਰਜ ਡੁੱਬਣ ਨਾਲ ਇਸ ਵਰਤ ਦੀ ਸਮਾਪਤੀ ਹੁੰਦੀ ਹੈ। ਇਸ ਤੋਂ ਪਹਿਲਾਂ ਹੀ ਲੋਕਾਂ ਦੇ ਘਰਾਂ 'ਚ ਛਠ ਦੇ ਗੀਤਾਂ ਦੀ ਗੂੰਜ ਸੁਣਾਈ ਦੇਣ ਲੱਗ ਪੈਂਦੀ ਹੈ।
ਨੋਟ - ਇਸ ਖ਼ਬਰ ਸਬੰਧੀ ਆਪਣੀ ਰਾਏ, ਕੁਮੈਂਟ ਬਾਕਸ 'ਚ ਸਾਂਝੀ ਕਰੋ।
ਅਹਿਮਦਾਬਾਦ ਦੀਆਂ ਸੜਕਾਂ ’ਤੇ ਗੂੰਜਿਆ ਕਾਰਤਿਕ ਆਰੀਅਨ ਦਾ ਨਾਂ, ਪ੍ਰਸ਼ੰਸਕਾਂ ਦੀ ਭੀੜ ਵੀਡੀਓ ’ਚ ਆਈ ਨਜ਼ਰ
NEXT STORY 
