ਮੁੰਬਈ- ਬਾਲੀਵੁੱਡ ਅਦਾਕਾਰ ਪੁਲਕਿਤ ਸਮਰਾਟ ਆਪਣੀ ਆਉਣ ਵਾਲੀ ਫਿਲਮ ‘ਰਾਹੂ ਕੇਤੂ’ ਨੂੰ ਲੈ ਕੇ ਸੁਰਖ਼ੀਆਂ ’ਚ ਹਨ। ਉਹ ਸ਼ੂਟਿੰਗ ਲੋਕੇਸ਼ਨ ਨਾਲ ਸੋਸ਼ਲ ਮੀਡੀਆ ’ਤੇ ਅਕਸਰ ਤਸਵੀਰਾਂ ਸਾਂਝੀਆਂ ਕਰਦੇ ਰਹਿੰਦੇ ਹਨ। ਇਸ ਫਿਲਮ ਨੂੰ ਵਿਪੁਲ ਵਿਗ ਨਿਰਦੇਸ਼ਤ ਕਰ ਰਹੇ ਹਨ। ਫਿਲਮ ’ਚ ਪੁਲਕਿਤ ਸਮਰਾਟ, ਵਰੁਣ ਸ਼ਰਮਾ ਅਤੇ ਸ਼ਾਲਿਨੀ ਪਾਂਡੇ ਨੇ ਅਹਿਮ ਭੂਮਿਕਾ ਨਿਭਾਈ ਹੈ। ਫਿਲਮ ਬਾਰੇ ਪੁਲਕਿਤ ਸਮਰਾਟ ਨੇ ਪੰਜਾਬ ਕੇਸਰੀ/ਨਵੋਦਿਆ ਟਾਈਮਜ਼/ਜਗਬਾਣੀ/ਹਿੰਦ ਸਮਾਚਾਰ ਨਾਲ ਵਿਸ਼ੇਸ਼ ਗੱਲਬਾਤ ਕੀਤੀ ਤੇ ਕੁਝ ਦਿਲਚਸਪ ਗੱਲਾਂ ਸਾਂਝੀਆਂ ਕੀਤੀਆਂ...
ਪ੍ਰ. ਫਿਲਮ ਦੀ ਸ਼ੂਟਿੰਗ ਖ਼ੂਬਸੂਰਤ ਅਤੇ ਸਕੂਨ ਭਰੀਆਂ ਵਾਦੀਆਂ ’ਚ ਹੋ ਰਹੀ ਹੈ, ਹੁਣ ਤੱਕ ਦਾ ਤਜ਼ਰਬਾ ਕਿਵੇਂ ਦਾ ਰਿਹਾ? ਕੀ ਲੋਕੇਸ਼ਨ ਨੇ ਤੁਹਾਡੇ ਕਿਰਦਾਰ ਨੂੰ ਸਮਝਣ ਜਾਂ ਮਹਿਸੂਸ ਕਰਨ ’ਚ ਮਦਦ ਕੀਤੀ?
-ਇੰਝ ਲੱਗ ਰਿਹਾ ਹੈ ਜਿਵੇਂ ਕਿਸੇ ਛੁੱਟੀ ’ਤੇ ਆਇਆ ਹਾਂ। ਬਸ ਮੇਰੇ ਨਾਲ ਕੈਮਰਾ ਗ਼ਲਤੀ ਨਾਲ ਆ ਗਿਆ। ਨਿੱਤ ਦਿਨ ਲਗਦਾ ਹੈ ਜਿਵੇਂ ਕੋਈ ਨਵੀਂ ਪੇਂਟਿੰਗ ਵਿਚਕਾਰ ਸ਼ੂਟਿੰਗ ਕਰ ਰਿਹਾ ਹਾਂ। ਇਹ ਜਗ੍ਹਾ ਇੰਨੀ ਸੁਕੂਨ ਦੇਣ ਵਾਲੀ ਹੈ ਕਿ ਕਿਰਦਾਰ ’ਚ ਉੱਤਰਨਾ ਆਪਣੇ ਆਪ ਆਸਾਨ ਹੋ ਗਿਆ। ਇੱਥੋਂ ਦੀ ਹਵਾ, ਇੱਥੋਂ ਦੀ ਖ਼ਾਮੋਸ਼ੀ, ਸਭ ਕੁਝ ਕਿਰਦਾਰ ਨੂੰ ਹੋਰ ਡੂੰਘਾਈ ਦਿੰਦਾ ਹੈ।
ਪ੍ਰ. ਕਸੋਲ ’ਚ ਕਿਸੇ ਖ਼ਾਸ ਸਥਾਨਕ ਖਾਣੇ ਜਾਂ ਕੈਫੇ ਦੇ ਤਜ਼ਰਬੇ ਨੇ ਤੁਹਾਨੂੰ ਹੈਰਾਨ ਕੀਤਾ ਜਾਂ ਦਿਲ ਜਿੱਤ ਲਿਆ ਹੋਵੇ? ਕੋਈ ਖ਼ਾਸ ਟੇਸਟ ਜਾਂ ਜਗ੍ਹਾ ਜੋ ਹਮੇਸ਼ਾ ਯਾਦ ਰਹੇਗੀ?
- ਮਨਾਲੀ ’ਚ ਇਕ ਆਂਟੀ ਦਾ ਤੰਦੂਰੀ ਮੋਮੋਜ਼ ਦਾ ਸਟਾਲ ਮਿਲਿਆ। ਉਨ੍ਹਾਂ ਨੇ ਬਹੁਤ ਪਿਆਰ ਨਾਲ ਕਿਹਾ ਕਿ ਸਿਰਫ਼ ਇਕ ਪਲੇਟ ਖਾ ਲਓ ਤੇ ਯਕੀਨ ਮੰਨੋ ਮੈਂ ਤਿੰਨ ਪਲੇਟਾਂ ਖਾ ਗਿਆ। ਸਿੱਡੂ ਖਾਧਾ ਤੇ ਸੱਚਮੁੱਚ ਦਿਲ ਖ਼ੁਸ਼ ਹੋ ਗਿਆ ਅਤੇ ਸਬਲੀ ਨਾਂ ਦੀ ਇਕ ਜਰਮਨ ਬੇਕਰੀ ’ਚ ਗਿਆ, ਜਿੱਥੇ ਉਨ੍ਹਾਂ ਨੇ ਮੇਰੇ ਲਈ ਖ਼ਾਸ ਤੌਰ ’ਤੇ ਸ਼ੂਗਰ ਫ੍ਰੀ ਪਾਈ ਬਣਾਇਆ। ਇੰਝ ਲੱਗਾ ਜਿਵੇਂ ਇਹ ਕੋਈ ਮਠਿਆਈ ਨਹੀਂ ਸਗੋਂ ਇਕ ਯਾਦ ਬਣ ਗਈ ਹੋਵੇ।
ਪ੍ਰ. ਆਪਣੇ ਕਿਰਦਾਰ ਬਾਰੇ ਥੋੜ੍ਹਾ ਵਿਸਥਾਰ ਨਾਲ ਦੱਸੋ। ਉਸ ’ਚ ਅਜਿਹੀ ਕਿਹੜੀ ਗੱਲ ਹੈ, ਜੋ ਤੁਹਾਨੂੰ ਸਭ ਤੋਂ ਵੱਧ ਜੁੜਿਆ ਮਹਿਸੂਸ ਕਰਾਉਂਦੀ ਹੈ?
-ਮੈਂ ‘ਕੇਤੂ’ ਦਾ ਕਿਰਦਾਰ ਨਿਭਾਅ ਰਿਹਾ ਹਾਂ। ਥੋੜ੍ਹਾ ਵੱਖਰਾ, ਥੋੜ੍ਹਾ ਅਜੀਬ, ਕਦੇ ਗੁਆਚਿਆ ਜਿਹਾ ਅਤੇ ਕਦੇ ਕਮਾਲ ਦੇ ਦਿਮਾਗ਼ ਵਾਲਾ। ਜੇ ਸਾਡੀ ਫਿਲਮ ਇਕ ਕਾੱਸਮਿਕ ਸਰਕਸ ਹੈ ਤਾਂ ਮੈਂ ਉਹ ਜੋਕਰ ਹਾਂ, ਜੋ ਪੂਰੀ ਬਾਜ਼ੀ ਪਲਟ ਸਕਦਾ ਹੈ। ਮੇਰੇ ਨਾਲ ਹਨ ਵਰੁਣ ਸ਼ਰਮਾ, ਜੋ ‘ਰਾਹੂ’ ਦੀ ਭੂਮਿਕਾ ਨਿਭਾਅ ਰਹੇ ਹਨ ਅਤੇ ਜਦੋਂ ਅਸੀਂ ਦੋਵੇਂ ਇਕੱਠੇ ਸਕ੍ਰੀਨ ’ਤੇ ਆਉਂਦੇ ਹਾਂ ਤਾਂ ਮਸਤੀ, ਦੋਸਤੀ ਤੇ ਥੋੜ੍ਹਾ ਜਿਹਾ ਪਾਗ਼ਲਪਣ ਆਪਣੇ ਆਪ ਭਰ ਜਾਂਦਾ ਹੈ ਫਰੇਮ ’ਚ। ਬਾਕੀ ਹੁਣ ਜ਼ਿਆਦਾ ਕੁਝ ਨਹੀਂ ਦੱਸਾਂਗਾ।
ਸਭ ਕੁਝ ਥੀਏਟਰ ’ਚ ਦੇਖਣਾ, ਉਹ ਵੀ ਪੌਪਕੋਰਨ ਦੇ ਨਾਲ
ਜਦੋਂ ਧੁੰਦ ਛਾਈ ਤਾਂ ਡਾਇਰੈਕਟਰ ਨੇ ਕਿਹਾ- ਕੱਟ ਨਾ ਕਰੋ, ਇਹ ਜਾਦੂ ਵਰਗਾ ਲੱਗ ਰਿਹਾ
ਪ੍ਰ. ਸ਼ੂਟਿੰਗ ਦੌਰਾਨ ਅਜਿਹਾ ਕਿਹੜਾ ਦ੍ਰਿਸ਼ ਜਾਂ ਪਲ ਸੀ, ਜਿਸ ਨੂੰ ਤੁਸੀਂ ਸਭ ਤੋਂ ਜ਼ਿਆਦਾ ਯਾਦਗਾਰੀ ਮੰਨਦੇ ਹੋ ਅਤੇ ਕਿਉਂ?
-ਇਕ ਵਾਰ ਲੋਕੇਸ਼ਨ ’ਤੇ ਇੰਨੀ ਸੰਘਣੀ ਧੁੰਦ ਛਾ ਗਈ ਸੀ ਕਿ ਸਾਹਮਣੇ ਵਾਲਾ ਅਦਾਕਾਰ ਦਿਸ ਹੀ ਨਹੀਂ ਸੀ ਰਿਹਾ ਪਰ ਡਾਇਰੈਕਟਰ ਨੇ ਕਿਹਾ ਕਿ ਕੱਟ ਨਾ ਕਰੋ। ਇਹ ਤਾਂ ਜਾਦੂ ਵਾਂਗ ਲੱਗ ਰਿਹਾ ਹੈ ਅਤੇ ਉਹੀ ਸੀਨ ਹੁਣ ਫਿਲਮ ਦਾ ਸਭ ਤੋਂ ਸਿਨੇਮੈਟਿਕ ਅਤੇ ਖ਼ੂਬਸੂਰਤ ਪਲ ਬਣ ਗਿਆ। ਇੰਝ ਲੱਗਾ ਜਿਵੇਂ ਕੁਦਰਤ ਨੇ ਸਾਡੇ ਲਈ ਇਕ ਪ੍ਰਫੈਕਟ ਫਰੇਮ ਬਣਾ ਦਿੱਤਾ ਹੋਵੇ ਬਿਨਾਂ ਕਿਸੇ ਤਕਨੀਕ ਤੋਂ।
ਟ੍ਰੈਕਿੰਗ ’ਚ ਸਮਾਰਟ ਪਹਾੜੀ ਕੁੱਤਾ ਬਣਿਆ ਗਾਈਡ
ਉਹ ਕਿਸੇ ਜੀ.ਪੀ.ਐੱਸ. ਤੋਂ ਘੱਟ ਨਹੀਂ ਸੀ
ਪ੍ਰ. ਤੁਸੀਂ ਸ਼ੂਟਿੰਗ ਦੌਰਾਨ ਕਸੋਲ ਦੀਆਂ ਵਾਦੀਆਂ ਨੂੰ ਨੇੜਿਓਂ ਮਹਿਸੂਸ ਕੀਤਾ? ਕੀ ਕੋਈ ਇਕ ਚੀਜ਼ ਹੈ ਜੋ ਤੁਹਾਨੂੰ ਉੱਥੇ ਸਭ ਤੋਂ ਵੱਧ ਪਸੰਦ ਆਈ?
-ਕਸੋਲ ਦੀ ਹਵਾ ’ਚ ਹੀ ਕੁਝ ਵੱਖਰੀ ਗੱਲ ਹੈ। ਇਕ ਆਜ਼ਾਦੀ, ਇਕ ਸ਼ਾਂਤੀ, ਜੋ ਸ਼ਹਿਰਾਂ ’ਚ ਨਹੀਂ ਮਿਲਦੀ। ਇੱਥੋਂ ਦੇ ਲੋਕ ਇੰਨੇ ਸਿੱਧੇ ਅਤੇ ਦਿਲ ਨਾਲ ਜੁੜੇ ਹੋਏ ਹਨ ਕਿ ਚਾਹ ਨਾਲ ਤੁਹਾਨੂੰ ਜ਼ਿੰਦਗੀ ਦੀਆਂ ਗੱਲਾਂ ਵੀ ਪਰੋਸ ਦਿੰਦੇ ਹਨ ਤੇ ਸਭ ਤੋਂ ਖ਼ਾਸ ਪਲ ਉਹ ਸੀ ਜਦੋਂ ਇਕ ਪਹਾੜੀ ਕੁੱਤਾ ਸਾਨੂੰ ਟ੍ਰੈਕਿੰਗ ’ਤੇ ਆਪਣੇ ਆਪ ਹੀ ਗਾਈਡ ਕਰਨ ਲੱਗ ਪਿਆ। ਉਹ ਇੰਨਾ ਸਮਾਰਟ ਸੀ ਕਿ ਇੰਝ ਲੱਗਦਾ ਸੀ ਜਿਵੇਂ ਉਸ ਤੋਂ ਵਧੀਆ ਕੋਈ ਜੀ.ਪੀ.ਐੱਸ. ਹੋ ਹੀ ਨਹੀਂ ਸਕਦਾ!
ਧੀ ਦੀ ਪ੍ਰਾਰਥਨਾ ਸਭਾ 'ਚ ਫੁੱਟ-ਫੁੱਟ ਕੇ ਰੋਏ ਪਿਤਾ, ਅੱਖਾਂ 'ਚ ਹੰਝੂ ਲਏ ਸਹੁਰੇ ਨੂੰ ਸੰਭਾਲਦੇ ਦਿਖੇ ਪਰਾਗ
NEXT STORY