ਮੁੰਬਈ (ਬਿਊਰੋ)– ਟੀ. ਵੀ. ਸੀਰੀਅਲ ‘ਭਾਬੀ ਜੀ ਘਰ ਪਰ ਹੈਂ’ ਕਾਫ਼ੀ ਮਸ਼ਹੂਰ ਸ਼ੋਅ ਹੈ। ਇਸ ਦਾ ਹਰ ਕਿਰਦਾਰ ਲੋਕਾਂ ਨੂੰ ਯਾਦ ਹੈ। ਇਨ੍ਹਾਂ ’ਚੋਂ ਇਕ ਕਿਰਦਾਰ ਅੰਗੂਰੀ ਭਾਬੀ ਵੀ ਲੋਕਾਂ ’ਚ ਕਾਫ਼ੀ ਮਸ਼ਹੂਰ ਹੈ। ਸ਼ੁਭਾਂਗੀ ਅਤਰੇ ਇਸ ਕਿਰਦਾਰ ਨੂੰ ਨਿਭਾਅ ਕੇ ਹਰ ਘਰ ’ਚ ਜਗ੍ਹਾ ਬਣਾ ਚੁੱਕੀ ਹੈ। ਉਨ੍ਹਾਂ ਨੇ ਆਪਣੀ ਅਦਾਕਾਰੀ ਦੇ ਦਮ ’ਤੇ ਦਰਸ਼ਕਾਂ ਦੇ ਦਿਲਾਂ ’ਤੇ ਰਾਜ ਕੀਤਾ ਹੈ। ਪਰਦੇ ’ਤੇ ਸਾਰਿਆਂ ਨੂੰ ਹਸਾਉਣ ਤੇ ਗੁੰਝਲਦਾਰ ਬਣਾਉਣ ਵਾਲੀ ਸ਼ੁਭਾਂਗੀ ਆਪਣੀ ਨਿੱਜੀ ਜ਼ਿੰਦਗੀ ’ਚ ਕਾਫ਼ੀ ਇਕੱਲੀ ਹੈ। 42 ਸਾਲ ਦੀ ਉਮਰ ’ਚ ਇਹ ਅਦਾਕਾਰਾ ਇਕ ਧੀ ਦੀ ਮਾਂ ਹੈ। ਅਜਿਹੇ ’ਚ ਉਸ ਨੇ ਹਾਲ ਹੀ ’ਚ ਆਪਣੇ ਪਤੀ ਨਾਲ ਟੁੱਟੇ ਰਿਸ਼ਤੇ ਬਾਰੇ ਗੱਲ ਕੀਤੀ ਹੈ।
ਸ਼ੁਭਾਂਗੀ ਅਤਰੇ ਦਾ ਵਿਆਹ ਛੋਟੀ ਉਮਰ ’ਚ ਹੀ ਹੋ ਗਿਆ ਸੀ। ਉਸ ਦਾ ਵਿਆਹ 20 ਸਾਲ ਦੀ ਉਮਰ ’ਚ ਪੀਯੂਸ਼ ਪੂਰੇ ਨਾਲ ਹੋਇਆ ਸੀ ਤੇ 19 ਸਾਲਾਂ ਬਾਅਦ ਉਸ ਤੋਂ ਵੱਖ ਹੋ ਗਈ ਸੀ। ਜਦੋਂ ਉਸ ਨੇ ਆਪਣਾ ਵਿਆਹ ਤੋੜਨ ਦਾ ਐਲਾਨ ਕੀਤਾ ਤਾਂ ਸੁਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਇਸ ਸਭ ਦੇ ਵਿਚਕਾਰ ਹਾਲ ਹੀ ’ਚ ਅਦਾਕਾਰਾ ਨੇ ਆਪਣੇ ਟੁੱਟੇ ਰਿਸ਼ਤੇ ਬਾਰੇ ਈ-ਟਾਈਮਜ਼ ਨਾਲ ਗੱਲ ਕੀਤੀ। ਉਸ ਨੇ ਦੱਸਿਆ ਕਿ ਇਹ ਸਮਾਂ ਉਸ ਲਈ ਭਾਵੁਕ ਰੋਲਰ-ਕੋਸਟਰ ਵਰਗਾ ਸੀ। ਜਦੋਂ ਉਹ 20 ਸਾਲ ਦੀ ਸੀ ਤਾਂ ਉਸ ਦਾ ਵਿਆਹ ਹੋ ਗਿਆ। ਉਹ ਮੰਨਦੀ ਹੈ ਕਿ ਇਹ ਉਸ ਲਈ ਆਸਾਨ ਨਹੀਂ ਸੀ ਪਰ ਹੁਣ ਉਨ੍ਹਾਂ ਨੂੰ ਰਾਹਤ ਮਿਲੀ ਹੈ ਕਿ ਇਹ ਹੋ ਚੁੱਕਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ‘ਫਾਈਟਰ’ ’ਚ ਦੀਪਿਕਾ ਦੇ ਕਿਸਿੰਗ ਤੇ ਬਿਕਨੀ ਸੀਨ ਨੂੰ ਦੇਖ ਭੜਕੇ ਲੋਕ, ਕਿਹਾ– ‘ਮਹਿਲਾ ਲੜਾਕਿਆਂ ਨੂੰ ਬਦਨਾਮ ਨਾ ਕਰੋ’
ਕੀ ਸ਼ੁਭਾਂਗੀ ਅਤਰੇ ਦਾ ਦੂਜਾ ਵਿਆਹ ਹੋਵੇਗਾ?
ਆਪਣੀ ਗੱਲ ਨੂੰ ਅੱਗੇ ਵਧਾਉਂਦਿਆਂ ਸ਼ੁਭਾਂਗੀ ਅਤਰੇ ਦਾ ਕਹਿਣਾ ਹੈ ਕਿ ਉਹ ਨਹੀਂ ਸੋਚਦੀ ਕਿ ਉਹ ਆਪਣੀ ਜ਼ਿੰਦਗੀ ’ਚ ਦੁਬਾਰਾ ਕਿਸੇ ਨੂੰ ਪਿਆਰ ਕਰ ਸਕੇਗੀ। ਉਸ ਦਾ ਮੰਨਣਾ ਹੈ ਕਿ ਹੁਣ ਉਹ ਅਜਿਹਾ ਨਹੀਂ ਕਰ ਸਕੇਗੀ। ਅਦਾਕਾਰਾ ਦਾ ਕਹਿਣਾ ਹੈ ਕਿ ਹੁਣ ਉਸ ਦਾ ਸਾਥੀ ਸਿਰਫ਼ ਉਸ ਦਾ ਕੰਮ ਹੈ। ਉਸ ਨੇ ਰਿਸ਼ਤੇ ਲਈ ਆਪਣੀ ਜ਼ਿੰਦਗੀ ਦੇ ਸਾਰੇ ਰਸਤੇ ਬੰਦ ਕਰ ਦਿੱਤੇ ਹਨ। ਇਸ ਗੱਲਬਾਤ ਦੌਰਾਨ ਉਨ੍ਹਾਂ ਆਪਣੀ ਧੀ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਖ਼ੁਸ਼ੀ ਹੈ ਕਿ ਉਹ ਛੋਟੀ ਉਮਰ ’ਚ ਹੀ ਧੀ ਦੀ ਮਾਂ ਬਣ ਗਈ ਹੈ। ਉਸ ਦੀ ਧੀ ਦੀ ਉਮਰ 18 ਸਾਲ ਹੈ ਤੇ ਉਹ ਅਮਰੀਕਾ ’ਚ ਪੜ੍ਹ ਰਹੀ ਹੈ।
ਸ਼ੁਭਾਂਗੀ ਅਤਰੇ ਆਪਣੀ ਧੀ ਨੂੰ ਆਪਣੀ ਸਭ ਤੋਂ ਵੱਡੀ ਆਲੋਚਕ ਤੇ ਸਭ ਤੋਂ ਚੰਗੀ ਦੋਸਤ ਮੰਨਦੀ ਹੈ। ਟੀ. ਵੀ. ਅਦਾਕਾਰਾ ਦਾ ਮੰਨਣਾ ਹੈ ਕਿ ਉਹ ਤੇ ਉਸ ਦੀ ਧੀ ਇਕੱਠੇ ਵੱਡੇ ਹੋਏ ਹਨ।
ਹਾਲਾਂਕਿ ਇਸ ਤੋਂ ਇਲਾਵਾ ਜੇਕਰ ਸ਼ੁਭਾਂਗੀ ਅਤਰੇ ਦੀ ਗੱਲ ਕਰੀਏ ਤਾਂ ਉਸ ਨੇ ਏਕਤਾ ਕਪੂਰ ਦੇ ਸ਼ੋਅ ‘ਕਸੌਟੀ ਜ਼ਿੰਦਗੀ ਕੇ’ ਨਾਲ ਟੀ. ਵੀ. ’ਤੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਇਸ ’ਚ ਉਸ ਨੇ ਪਲਚਿਨ ਬਾਸੂ ਦਾ ਕਿਰਦਾਰ ਨਿਭਾਇਆ ਸੀ। ਇਸ ਤੋਂ ਬਾਅਦ ਅਦਾਕਾਰਾ ਨੇ ‘ਕਸਤੂਰੀ’ ਤੇ ‘ਦੋ ਹੰਸੋਂ ਕਾ ਜੋੜਾ’ ਵਰਗੇ ਸ਼ੋਅਜ਼ ’ਚ ਕੰਮ ਕੀਤਾ ਤੇ ਫਿਰ ਉਹ ‘ਭਾਬੀ ਜੀ ਘਰ ਪਰ ਹੈਂ’ ’ਚ ਨਜ਼ਰ ਆਈ। ਇਸ ਕਾਰਨ ਉਹ ਅੰਗੂਰੀ ਭਾਬੀ ਬਣ ਕੇ ਹਰ ਘਰ ’ਚ ਆਪਣੀ ਪਛਾਣ ਬਣਾਉਣ ’ਚ ਸਫਲ ਰਹੀ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਅੰਕਿਤਾ ਲੋਖੰਡੇ ਨੇ ਤੋੜੇ ਘਰ ਦੇ ਨਿਯਮ, ਮੁਨੱਵਰ ਨੇ ਦਿੱਤੀ ਸਜ਼ਾ, ਫੁੱਟ-ਫੁੱਟ ਕੇ ਰੋਣ ਲੱਗੀ ਅਦਾਕਾਰਾ
NEXT STORY 
