ਚੰਡੀਗੜ੍ਹ (ਬਿਊਰੋ)– ਸੁੱਖ ਖਰੌੜ ਆਪਣੀ ਗੀਤਕਾਰੀ ਤੇ ਗਾਇਕੀ ਦੇ ਨਾਲ-ਨਾਲ ਸੋਸ਼ਲ ਮੀਡੀਆ ’ਤੇ ਲੋਕਾਂ ਦਾ ਮਨੋਰੰਜਨ ਕਰਨ ਲਈ ਵੀ ਜਾਣੇ ਜਾਂਦੇ ਹਨ। ਇੰਸਟਾਗ੍ਰਾਮ ’ਤੇ ਸੁੱਖ ਦੀਆਂ ਕਈ ਅਜਿਹੀਆਂ ਵੀਡੀਓਜ਼ ਹਨ, ਜੋ ਤੁਹਾਡੇ ਢਿੱਡੀਂ ਪੀੜਾਂ ਪਾ ਦੇਣਗੀਆਂ।
ਹਾਲ ਹੀ ’ਚ ਜੋ ਵੀਡੀਓ ਸੁੱਖ ਨੇ ਜੋ ਸਾਂਝੀ ਕੀਤੀ ਹੈ, ਉਹ ਬੇਹੱਦ ਮਜ਼ੇਦਾਰ ਹੈ। ਦਰਅਸਲ ਇਸ ਵੀਡੀਓ ’ਚ ਸੁੱਖ ਖਰੌੜ ਕਹਿ ਰਹੇ ਹਨ ਕਿ ਉਹ ਇੰਡਸਟਰੀ ’ਚ ਐਲਬਮ ਦੇ ਦੌਰ ਨੂੰ ਦੇਖਦਿਆਂ ਆਪਣੀ ਵੀ ਇਕ ਐਲਬਮ ਰਿਲੀਜ਼ ਕਰਨਗੇ।
ਸੁੱਖ ਇਸ ਤੋਂ ਬਾਅਦ ਆਪਣੇ ਵਿਆਹ ਦੀ ਐਲਬਮ ਦਿਖਾਉਂਦੇ ਹਨ ਤੇ ਉਹ ਕਹਿੰਦੇ ਹਨ ਕਿ ਉਹ ਆਪਣੇ ਵਿਆਹ ਦੀ ਐਲਬਮ ਦੀ ਵੀਡੀਓ ਰਿਲੀਜ਼ ਕਰਨਗੇ। 4 ਘੰਟੇ ਦੀ ਇਹ ਵੀਡੀਓ ਉਸ ਦੇ ਚਾਹੁਣ ਵਾਲੇ ਦੇਖਦੇ ਰਹਿਣ।
ਸੁੱਖ ਦੀ ਇਸ ਵੀਡੀਓ ’ਤੇ ਕੁਮੈਂਟਸ ਵੀ ਮਜ਼ੇਦਾਰ ਆ ਰਹੇ ਹਨ। ਲੋਕ ਸੁੱਖ ਦੀ ਇਹ ਵੀਡੀਓ ਦੇਖ ਕੇ ਹੱਸ-ਹੱਸ ਦੂਹਰੇ ਹੋ ਰਹੇ ਹਨ।
ਇਹੀ ਨਹੀਂ, ਇਸ ਤੋਂ ਪਹਿਲਾਂ ਸੁੱਖ ਦੀ ਚਾਦਰੇ ਵਾਲੀ ਵੀਡੀਓ ਵੀ ਬੇਹੱਦ ਵਾਇਰਲ ਹੋਈ ਸੀ, ਜਿਸ ’ਚ ਸੁੱਖ ਇਹ ਕਹਿੰਦੇ ਸਨ ਕਿ ਲੌਕਡਾਊਨ ਚਾਦਰੇ ਵਰਗਾ ਲੱਗਾ ਹੈ, ਉਪਰੋਂ ਤਾਂ ਬੰਦ ਹੈ ਪਰ ਥੱਲਿਓਂ ਸਾਰਾ ਖੁੱਲ੍ਹਾ ਹੈ।
ਨੋਟ– ਇਹ ਵੀਡੀਓ ਤੁਹਾਨੂੰ ਕਿਵੇਂ ਦੀ ਲੱਗੀ? ਕੁਮੈਂਟ ਕਰਕੇ ਜ਼ਰੂਰ ਦੱਸੋ।
ਕੋਰੋਨਾ ਪੀੜਤਾਂ ਦੀ ਮਦਦ ਲਈ ਮੁੜ ਅੱਗੇ ਆਏ ਅਮਿਤਾਭ ਬੱਚਨ, ਸ਼ੁਰੂ ਕੀਤਾ ਕੋਵਿਡ ਸੈਂਟਰ (ਤਸਵੀਰਾਂ)
NEXT STORY 
