ਐਂਟਰਟੇਨਮੈਂਟ ਡੈਸਕ - ਰੋਜ਼ਾਨਾ ਫ਼ਿਲਮ ਇੰਡਸਟਰੀ ਤੋਂ ਅਭਿਨੇਤਰੀਆਂ ਦੇ ਲਿੰਕ-ਅੱਪ ਦੀਆਂ ਖ਼ਬਰਾਂ ਆਉਂਦੀਆਂ ਹਨ ਪਰ ਕਈ ਵਾਰ ਇਹ ਖ਼ਬਰਾਂ ਇਸ ਹੱਦ ਤੱਕ ਵੱਧ ਜਾਂਦੀਆਂ ਹਨ ਕਿ ਇਸ ਦਾ ਅਸਰ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ‘ਤੇ ਵੀ ਪੈਂਦਾ ਹੈ। 90 ਦੇ ਦਹਾਕੇ 'ਚ ਇਕ ਅਜਿਹੀ ਅਫਵਾਹ ਜਾਂ ਖ਼ਬਰ ਦਾ ਅਸਰ ਗੋਵਿੰਦਾ ਦੀ ਵਿਆਹੁਤਾ ਜ਼ਿੰਦਗੀ ‘ਤੇ ਵੀ ਪਿਆ ਸੀ। ਮਾਮਲਾ ਇਸ ਹੱਦ ਤੱਕ ਵੱਧ ਗਿਆ ਸੀ ਕਿ ਉਸ ਦਾ ਆਪਣੀ ਪਤਨੀ ਸੁਨੀਤਾ ਨਾਲ ਰਿਸ਼ਤਾ ਖ਼ਤਰੇ 'ਚ ਪੈ ਗਿਆ ਸੀ।
ਰਾਣੀ-ਗੋਵਿੰਦਾ ਵਿਚਾਲੇ ਐਕਸਟਰਾ ਮੈਰਿਟਲ ਅਫੇਅਰ
ਬਾਲੀਵੁੱਡ ਦੀ ਖੂਬਸੂਰਤ ਅਦਾਕਾਰਾ ਰਾਣੀ ਮੁਖਰਜੀ ਅਤੇ ਗੋਵਿੰਦਾ ਵਿਚਾਲੇ ਐਕਸਟਰਾ ਮੈਰਿਟਲ ਅਫੇਅਰ ਦੀਆਂ ਖ਼ਬਰਾਂ ਇਕ ਸਮੇਂ ਕਾਫੀ ਚਰਚਾ 'ਚ ਸਨ। ਗੋਵਿੰਦਾ ਦਾ ਸਟਾਰਡਮ 90 ਦੇ ਦਹਾਕੇ 'ਚ ਸਿਖ਼ਰ 'ਤੇ ਸੀ। ਇੱਕ ਸਮਾਂ ਅਜਿਹਾ ਵੀ ਆਇਆ ਜਦੋਂ ਰਾਣੀ ਮੁਖਰਜੀ ਅਤੇ ਗੋਵਿੰਦਾ ਦੇ ਅਫੇਅਰ ਦੀ ਮੀਡੀਆ 'ਚ ਖੂਬ ਚਰਚਾ ਹੋਈ। ਰਾਣੀ ਮੁਖਰਜੀ ਅਤੇ ਗੋਵਿੰਦਾ ਦੀ ਜੋੜੀ ਨੇ ਕਈ ਸੁਪਰਹਿੱਟ ਫ਼ਿਲਮਾਂ ਦਿੱਤੀਆਂ ਹਨ। 90 ਦੇ ਦਹਾਕੇ 'ਚ ਇਸ ਜੋੜੀ ਨੂੰ ਇੰਨਾ ਪਸੰਦ ਕੀਤਾ ਗਿਆ ਸੀ ਕਿ ਉਹ ਫ਼ਿਲਮ ਨਿਰਮਾਤਾਵਾਂ ਦੀ ਪਹਿਲੀ ਪਸੰਦ ਬਣ ਗਏ ਸਨ। ਗੋਵਿੰਦਾ ਆਪਣੇ ਸ਼ਾਨਦਾਰ ਡਾਂਸ ਅਤੇ ਮਜ਼ਾਕੀਆ ਅਦਾਕਾਰੀ ਲਈ ਜਾਣੇ ਜਾਂਦੇ ਹਨ। ਆਪਣੀ ਪ੍ਰੋਫੈਸ਼ਨਲ ਲਾਈਫ ਦੇ ਨਾਲ-ਨਾਲ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਵੀ ਹਮੇਸ਼ਾ ਮੀਡੀਆ ਦੀਆਂ ਸੁਰਖੀਆਂ 'ਚ ਬਣੀ ਰਹਿੰਦੀ ਹੈ।
ਇਹ ਖ਼ਬਰ ਵੀ ਪੜ੍ਹੋ - ਬਾਬਾ ਸਿੱਦੀਕੀ ਕਤਲ ਮਾਮਲਾ : ਪੁਲਸ ਵੱਲੋਂ ਇੱਕ ਹੋਰ ਗ੍ਰਿਫ਼ਤਾਰੀ
ਅਫੇਅਰ ਦੀਆਂ ਖ਼ਬਰਾਂ ਨੇ ਵਿਗਾੜ 'ਤਾ ਸੀ ਖੁਸ਼ਹਾਲ ਵਿਆਹੁਤਾ ਜੀਵਨ
ਗੋਵਿੰਦਾ ਨੇ 1987 'ਚ ਸੁਨੀਤਾ ਆਹੂਜਾ ਨਾਲ ਵਿਆਹ ਕਰਵਾਇਆ ਸੀ ਅਤੇ ਉਨ੍ਹਾਂ ਦੇ 2 ਬੱਚੇ ਵੀ ਹਨ। ਹਾਲਾਂਕਿ, ਅਫਵਾਹਾਂ ਨੇ ਉਨ੍ਹਾਂ ਦੇ ਖੁਸ਼ਹਾਲ ਵਿਆਹੁਤਾ ਜੀਵਨ ਨੂੰ ਵੀ ਵਿਗਾੜ ਦਿੱਤਾ ਸੀ। ਗੋਵਿੰਦਾ ਬਾਰੇ ਕਈ ਅਫਵਾਹਾਂ ਸਨ ਕਿ ਉਨ੍ਹਾਂ ਨੇ ਉਨ੍ਹਾਂ ਨਾਲ ਕੰਮ ਕਰਨ ਵਾਲੀਆਂ ਕਈ ਹੀਰੋਇਨਾਂ ਨੂੰ ਡੇਟ ਕੀਤਾ ਹੈ। ਇਨ੍ਹਾਂ ਅਫਵਾਹਾਂ ਕਾਰਨ ਗੋਵਿੰਦਾ ਦੀ ਵਿਆਹੁਤਾ ਜ਼ਿੰਦਗੀ ‘ਚ ਵੀ ਮੁਸ਼ਕਿਲਾਂ ਆ ਗਈਆਂ ਸਨ। ਇਸ ਸੀਨੀਅਰ ਹੀਰੋ ਬਾਰੇ ਇਹ ਵੀ ਕਿਹਾ ਗਿਆ ਸੀ ਕਿ ਉਹ ਨੀਲਮ ਕੋਠਾਰੀ ਨਾਲ ਵੀ ਰਿਲੇਸ਼ਨਸ਼ਿਪ ‘ਚ ਸੀ, ਜਿਸ ਨੇ ਉਸ ਨਾਲ ਫ਼ਿਲਮ ‘ਇਲਜ਼ਾਮ’ ‘ਚ ਕੰਮ ਕੀਤਾ ਸੀ।
ਇਹ ਖ਼ਬਰ ਵੀ ਪੜ੍ਹੋ - Salman ਨਾਲ ਦੋਸਤੀ ਬਣੀ Baba Siddique ਲਈ ਕਾਲ, ਸ਼ੂਟਰ ਬੋਲੇ- 'ਪਿਓ-ਪੁੱਤ ਸੀ ਨਿਸ਼ਾਨੇ 'ਤੇ ਪਰ...'
ਇੰਝ ਸ਼ੁਰੂ ਹੋਈਆਂ ਡੇਟਿੰਗ ਦੀਆਂ ਖ਼ਬਰਾਂ
ਗੋਵਿੰਦਾ ਅਤੇ ਰਾਣੀ ਮੁਖਰਜੀ ਦੀ ਮੁਲਾਕਾਤ ਫ਼ਿਲਮ 'ਹਦ ਕਰ ਦੀ ਆਪਨੇ' ਦੀ ਸ਼ੂਟਿੰਗ ਦੌਰਾਨ ਹੋਈ ਸੀ। ਸਵਿਟਜ਼ਰਲੈਂਡ ਅਤੇ ਅਮਰੀਕਾ ਵਰਗੇ ਦੇਸ਼ਾਂ 'ਚ ਸ਼ੂਟਿੰਗ ਦੌਰਾਨ ਦੋਵੇਂ ਚੰਗੇ ਦੋਸਤ ਬਣ ਗਏ। ਫ਼ਿਲਮ ਦੀ ਸ਼ੂਟਿੰਗ ਖ਼ਤਮ ਹੋਣ ਤੋਂ ਬਾਅਦ ਵੀ ਉਹ ਅਕਸਰ ਇਕੱਠੇ ਨਜ਼ਰ ਆਉਂਦੇ ਸਨ। ਇਸ ਦੌਰਾਨ ਉਨ੍ਹਾਂ ਦੇ ਡੇਟਿੰਗ ਦੀਆਂ ਖ਼ਬਰਾਂ ਸਾਹਮਣੇ ਆਈਆਂ।
ਦਰਅਸਲ, ਇੱਕ ਵਾਰ ਇੱਕ ਪੱਤਰਕਾਰ ਰਾਣੀ ਨੂੰ ਮਿਲਣ ਆਇਆ ਤਾਂ ਉਸਨੇ ਗੋਵਿੰਦਾ ਨੂੰ ਰਾਤ ਦੇ ਕੱਪੜਿਆਂ 'ਚ ਅਭਿਨੇਤਰੀ ਦੇ ਕਮਰੇ ਤੋਂ ਬਾਹਰ ਆਉਂਦੇ ਦੇਖਿਆ। ਇੱਥੋਂ ਹੀ ਇਹ ਖ਼ਬਰ ਮੀਡੀਆ ਦੇ ਗਲਿਆਰਿਆਂ 'ਚ ਲੀਕ ਹੋਈ ਅਤੇ ਇਸ ਖ਼ਬਰ ਦੀ ਭਣਕ ਪਤਨੀ ਤੱਕ ਪਹੁੰਚ ਗਈ। ਗੋਵਿੰਦਾ ਦੀ ਪਤਨੀ ਸੁਨੀਤਾ ਉਨ੍ਹਾਂ ਦੇ ਅਫੇਅਰ ਦੀ ਖ਼ਬਰ ਸੁਣ ਕੇ ਭੜਕ ਗਈ ਸੀ।
ਇਹ ਖ਼ਬਰ ਵੀ ਪੜ੍ਹੋ - ਸਾਰਾ ਗੁਰਪਾਲ ਨੇ ਪੰਜਾਬੀ ਇੰਡਸਟਰੀ 'ਤੇ ਲਾਏ ਗੰਭੀਰ ਦੋਸ਼, ਪੋਸਟ ਨੇ ਛੇੜੀ ਚਰਚਾ
ਇੰਟਰਵਿਊ 'ਚ ਰਾਣੀ ਨੇ ਖੋਲ੍ਹੇ ਰਾਜ਼
ਅਜਿਹੇ ਸਮੇਂ 'ਚ ਰਾਣੀ ਮੁਖਰਜੀ ਨੇ ਇਕ ਇੰਟਰਵਿਊ 'ਚ ਹੈਰਾਨ ਕਰਨ ਵਾਲਾ ਬਿਆਨ ਦਿੱਤਾ ਸੀ। ਉਨ੍ਹਾਂ ਕਿਹਾ ਸੀ, ''ਜੇਕਰ ਕੋਈ ਅਭਿਨੇਤਰੀ ਗੋਵਿੰਦਾ ਨਾਲ ਤਿੰਨ-ਚਾਰ ਫ਼ਿਲਮਾਂ ‘ਚ ਕੰਮ ਕਰਦੀ ਹੈ ਤਾਂ ਮੀਡੀਆ ਝੱਟ ਇਹ ਮੰਨ ਲੈਂਦਾ ਹੈ ਕਿ ਉਸ ਦਾ ਗੋਵਿੰਦਾ ਨਾਲ ਅਫੇਅਰ ਹੈ। ਮੇਰੇ ਤੋਂ ਪਹਿਲਾਂ ਵੀ ਉਹ ਗੋਵਿੰਦਾ ਨਾਲ ਕਈ ਅਭਿਨੇਤਰੀਆਂ ਦੇ ਨਾਂ ਜੋੜ ਚੁੱਕੇ ਹਨ। ਮੇਰੀ ਜਾਣਕਾਰੀ ਅਨੁਸਾਰ, ਗੋਵਿੰਦਾ ਵਰਗਾ ਚੰਗਾ ਦੋਸਤ ਅਤੇ ਮਜ਼ੇਦਾਰ ਵਿਅਕਤੀ ਲੱਭਣਾ ਬਹੁਤ ਮੁਸ਼ਕਿਲ ਹੈ। ਹਾਲਾਂਕਿ ਉਨ੍ਹਾਂ ਨੇ ਹੋਟਲ ਦੇ ਕਮਰੇ 'ਚ ਇਕੱਠੇ ਹੋਣ ਦੇ ਦੋਸ਼ਾਂ ਤੋਂ ਇਨਕਾਰ ਨਹੀਂ ਕੀਤਾ। ਇਸ ਨਾਲ ਅਫਵਾਹਾਂ ਹੋਰ ਵੀ ਵਧ ਗਈਆਂ। ਇਸ ਇੰਟਰਵਿਊ ਤੋਂ ਬਾਅਦ ਸੁਨੀਤਾ ਗੋਵਿੰਦਾ ਨੂੰ ਛੱਡ ਕੇ ਆਪਣੇ ਪੇਕੇ ਘਰ ਚਲੀ ਗਈ। ਬਾਅਦ 'ਚ ਗੋਵਿੰਦਾ ਅਤੇ ਸੁਨੀਤਾ ਨੇ ਆਪਣੇ ਮਤਭੇਦਾਂ ਨੂੰ ਸੁਲਝਾ ਲਿਆ ਅਤੇ ਦੁਬਾਰਾ ਵਿਆਹੁਤਾ ਜੀਵਨ ਸ਼ੁਰੂ ਕੀਤਾ ਅਤੇ ਹੁਣ ਦੋਵੇਂ ਕਈ ਸਾਲਾਂ ਤੋਂ ਖੁਸ਼ਹਾਲ ਜੀਵਨ ਬਤੀਤ ਕਰ ਰਹੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਸ਼ੋਅ ਬਿਗ ਬੌਸ ’ਚ ਤੀਜਾ ਐਲੀਮੀਨੇਸ਼ਨ, ਇਸ ਮਸ਼ਹੂਰ ਕੰਟੈਸਟੈਂਟ ਨੂੰ ਘਰ ਤੋਂ ਕੱਢਿਆ ਬਾਹਰ
NEXT STORY 
