ਨੈਸ਼ਨਲ ਡੈਸਕ- ਕੇਰਲਮ ਦੇ ਕੋਚੀਨ ਕੌਮਾਂਤਰੀ ਹਵਾਈ ਅੱਡੇ ਦੇ ਨੇੜੇ ਘੱਟ ਉਚਾਈ ’ਤੇ ਉੱਡ ਰਹੇ ਇਕ ਜਹਾਜ਼ ਦੇ ਹਵਾ ਦੇ ਦਬਾਅ ਕਾਰਨ ਇਕ ਸਕੂਲੀ ਇਮਾਰਤ ਦੀ ਛੱਤ ਦੀਆਂ ਕਈ ਟਾਈਲਾਂ ਉੱਖੜ ਗਈਆਂ। ਇਹ ਘਟਨਾ ਹਵਾਈ ਅੱਡੇ ਦੇ ਨੇੜੇ ਓਕਲ ਸਥਿਤ ਸ਼੍ਰੀ ਨਾਰਾਇਣ ਹਾਇਰ ਸੈਕੰਡਰੀ ਸਕੂਲ ’ਚ ਵਾਪਰੀ। ਸਥਾਨਕ ਨਿਵਾਸੀਆਂ ਅਨੁਸਾਰ, ਜਹਾਜ਼ ਹਵਾਈ ਅੱਡੇ ’ਤੇ ਲੈਂਡਿੰਗ ਲਈ ਆ ਰਿਹਾ ਸੀ ਅਤੇ ਉਹ ਆਮ ਨਾਲੋਂ ਕਾਫੀ ਘੱਟ ਉਚਾਈ ’ਤੇ ਉੱਡ ਰਿਹਾ ਸੀ।
ਇਹ ਘਟਨਾ ਰਾਤ ਦੇ ਸਮੇਂ ਵਾਪਰੀ, ਜਿਸ ਨਾਲ ਇਕ ਵੱਡਾ ਹਾਦਸਾ ਟਲ ਗਿਆ ਕਿਉਂਕਿ ਉਸ ਸਮੇਂ ਸਕੂਲ ਕੰਪਲੈਕਸ ’ਚ ਕੋਈ ਵਿਦਿਆਰਥੀ ਜਾਂ ਭੀੜ ਮੌਜੂਦ ਨਹੀਂ ਸੀ। ਹਾਲਾਂਕਿ, ਤੇਜ਼ ਹਵਾ ਦੇ ਬੁੱਲੇ ਨਾਲ ਸਕੂਲ ਇਮਾਰਤ ਦੀ ਛੱਤ ਨੂੰ ਕਾਫੀ ਨੁਕਸਾਨ ਪਹੁੰਚਿਆ ਹੈ। ਸਥਾਨਕ ਨਿਵਾਸੀਆਂ ਨੇ ਦੱਸਿਆ ਕਿ ਕੁਝ ਮਹੀਨੇ ਪਹਿਲਾਂ ਵੀ ਅਜਿਹੀ ਹੀ ਇਕ ਘਟਨਾ ਵਾਪਰੀ ਸੀ, ਜਦੋਂ ਘੱਟ ਉਚਾਈ ’ਤੇ ਉੱਡ ਰਹੇ ਜਹਾਜ਼ ਕਾਰਨ ਨੇੜੇ ਦੇ ਇਕ ਘਰ ਦੀ ਛੱਤ ਨੁਕਸਾਨੀ ਗਈ ਸੀ।
HPV ਟੀਕਾਕਰਨ 'ਤੇ ਸੁਪਰੀਮ ਕੋਰਟ ਨੇ ਖਾਰਿਜ ਕੀਤੀ ਜਨਹਿੱਤ ਪਟੀਸ਼ਨ, ਕਿਹਾ-ਲੱਖਾਂ ਧੀਆਂ ਦੀ ਸਿਹਤ ਦਾ ਸਵਾਲ
NEXT STORY 
