ਮੁੰਬਈ- ਮਸ਼ਹੂਰ ਮਲਿਆਲਮ ਫਿਲਮ ਅਦਾਕਾਰ ਟੀਪੀ ਮਾਧਵਨ ਦਾ ਅੱਜ, ਬੁੱਧਵਾਰ, 9 ਅਕਤੂਬਰ ਨੂੰ ਕੋਲਮ ਦੇ ਇੱਕ ਨਿੱਜੀ ਹਸਪਤਾਲ 'ਚ ਦਿਹਾਂਤ ਹੋ ਗਿਆ। ਉਹ 88 ਸਾਲ ਦੇ ਸਨ। ਖਬਰਾਂ ਮੁਤਾਬਕ ਅਦਾਕਾਰ ਪੇਟ ਨਾਲ ਜੁੜੀਆਂ ਬੀਮਾਰੀਆਂ ਕਾਰਨ ਵੈਂਟੀਲੇਟਰ 'ਤੇ ਸਨ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਵੀਰਵਾਰ, 10 ਅਕਤੂਬਰ ਨੂੰ ਤਿਰੂਵਨੰਤਪੁਰਮ ਦੇ ਸ਼ਾਂਤੀ ਕਵਡਮ ਵਿਖੇ ਕੀਤਾ ਜਾਵੇਗਾ।
ਬੀਮਾਰੀ ਤੋਂ ਬਾਅਦ ਕੰਮ ਤੋਂ ਬਣਾਈ ਦੂਰੀ
ਟੀਪੀ ਮਾਧਵਨ ਦਾ ਇਕ ਪੁੱਤਰ ਰਾਜਾ ਕ੍ਰਿਸ਼ਨ ਮੇਨਨ ਅਤੇ ਧੀ ਦੇਵਿਕਾ ਹਨ। ਅਦਾਕਾਰ ਨੇ ਆਪਣੇ ਆਖਰੀ ਪਲ ਪਠਾਨਪੁਰਮ ਦੇ ਗਾਂਧੀ ਭਵਨ 'ਚ ਬਿਤਾਏ। ਕੁਝ ਸਾਲ ਪਹਿਲਾਂ, ਮਾਧਵਨ ਨੇ ਆਪਣੇ ਐਕਟਿੰਗ ਕਰੀਅਰ ਨੂੰ ਐਮਨੇਸ਼ੀਆ ਦਾ ਪਤਾ ਲੱਗਣ ਤੋਂ ਬਾਅਦ ਖਤਮ ਕਰ ਦਿੱਤਾ ਸੀ। ਇੰਨਾ ਹੀ ਨਹੀਂ ਉਹ 2015 ਤੋਂ ਸਟ੍ਰੋਕ ਦਾ ਇਲਾਜ ਵੀ ਕਰਵਾ ਰਹੇ ਸਨ।
600 ਤੋਂ ਵੱਧ ਫਿਲਮਾਂ 'ਚ ਕੀਤਾ ਕੰਮ
ਰਿਪੋਰਟਾਂ ਅਨੁਸਾਰ, ਟੀਪੀ ਮਾਧਵਨ ਪ੍ਰਸਿੱਧ ਪ੍ਰੋਫੈਸਰ ਐਨ.ਪੀ. ਪਿੱਲੈ ਦੇ ਪੁੱਤਰ ਸਨ, ਜਿਸ ਨੇ ਸਮਾਜ ਸ਼ਾਸਤਰ 'ਚ ਮਾਸਟਰ ਡਿਗਰੀ ਕੀਤੀ ਸੀ। ਆਪਣੇ ਅਦਾਕਾਰੀ ਕਰੀਅਰ ਤੋਂ ਪਹਿਲਾਂ, ਉਨ੍ਹਾਂ ਨੇ ਕੋਲਕਾਤਾ ਅਤੇ ਮੁੰਬਈ 'ਚ ਇੱਕ ਵਿਗਿਆਪਨ ਕਾਰੋਬਾਰ ਚਲਾਇਆ। ਅਦਾਕਾਰ ਨੇ 40 ਸਾਲ ਦੀ ਉਮਰ 'ਚ ਅਦਾਕਾਰੀ ਸ਼ੁਰੂ ਕੀਤੀ ਸੀ। ਉਨ੍ਹਾਂ ਦੀ ਪਹਿਲੀ ਡੈਬਿਊ ਫਿਲਮ ਰਾਗਮ ਸੀ, ਜੋ 1975 'ਚ ਰਿਲੀਜ਼ ਹੋਈ ਸੀ। ਆਪਣੇ ਸਫਲ ਕਰੀਅਰ ਦੌਰਾਨ ਉਨ੍ਹਾਂ ਨੇ 600 ਤੋਂ ਵੱਧ ਫਿਲਮਾਂ 'ਚ ਕੰਮ ਕੀਤਾ। ਮਾਧਵਨ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਇੱਕ ਖਲਨਾਇਕ ਦੇ ਰੂਪ 'ਚ ਕੀਤੀ ਪਰ ਬਾਅਦ 'ਚ ਉਹ ਕਾਮਿਕ ਭੂਮਿਕਾਵਾਂ 'ਚ ਚਲੇ ਗਏ ਅਤੇ ਆਪਣੀ ਸ਼ਾਨਦਾਰ ਅਦਾਕਾਰੀ ਲਈ ਜਾਣੇ ਜਾਂਦੇ ਹਨ।
ਅਦਾਕਾਰ ਟੀਵੀ ਸ਼ੋਅਜ਼ ਦਾ ਵੀ ਬਣੇ ਹਿੱਸਾ
ਇਸ ਤੋਂ ਇਲਾਵਾ ਐਮਨੇਸ਼ੀਆ ਤੋਂ ਪੀੜਤ ਹੋਣ ਤੋਂ ਪਹਿਲਾਂ ਟੀਪੀ ਮਾਧਵਨ ਕਈ ਟੈਲੀਵਿਜ਼ਨ ਸੀਰੀਅਲਾਂ 'ਚ ਵੀ ਨਜ਼ਰ ਆ ਚੁੱਕੇ ਹਨ। ਉਨ੍ਹਾਂ ਨੂੰ ਭਾਰਤੀ ਫਿਲਮ ਉਦਯੋਗ 'ਚ ਯੋਗਦਾਨ ਲਈ ਪ੍ਰੇਮ ਨਜ਼ੀਰ ਅਤੇ ਰਾਮੂ ਕਰਾਇਤ ਐਵਾਰਡਾਂ ਨਾਲ ਸਨਮਾਨਿਤ ਕੀਤਾ ਗਿਆ ਸੀ। ਟੀਪੀ ਮਾਧਵਨ ਨੂੰ ਵੀ ਭਾਰਤੀ ਫੌਜ ਲਈ ਚੁਣਿਆ ਗਿਆ ਸੀ। ਹਾਲਾਂਕਿ ਹੱਥ 'ਚ ਫਰੈਕਚਰ ਹੋਣ ਕਾਰਨ ਉਨ੍ਹਾਂ ਨੂੰ ਆਪਣਾ ਫੈਸਲਾ ਵਾਪਸ ਲੈਣਾ ਪਿਆ। ਅਦਾਕਾਰੀ ਤੋਂ ਇਲਾਵਾ, ਅਨੁਭਵੀ ਅਦਾਕਾਰ ਨੇ ਮਲਿਆਲਮ ਮੂਵੀ ਕਲਾਕਾਰਾਂ ਦੀ ਐਸੋਸੀਏਸ਼ਨ (ਏਐਮਐਮਏ) ਦੇ ਪਹਿਲੇ ਜਨਰਲ ਸਕੱਤਰ ਵਜੋਂ ਵੀ ਕੰਮ ਕੀਤਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ
ਸ਼ਿਲਪਾ ਸ਼ੈੱਟੀ ਅਤੇ ਪਤੀ ਰਾਜ ਕੁੰਦਰਾ ਨੇ ਖੜਕਾਇਆ ਕੋਰਟ ਦਾ ਦਰਵਾਜ਼ਾ, ਜਾਣੋ ਕਾਰਨ
NEXT STORY 
