ਐਂਟਰਟੇਨਮੈਂਟ ਡੈਸਕ : ਸਾਡੇ ਦੇਸ਼ ਦੇ ਹਜ਼ਾਰਾਂ ਸਾਲਾਂ ਦੇ ਸੱਭਿਆਚਾਰ ਨੂੰ ਕੁਝ ਚੋਣਾਂ ਅਤੇ ਦੋ-ਚਾਰ ਲੋਕਾਂ ਨਾਲ ਤਬਾਹ ਨਹੀਂ ਕੀਤਾ ਜਾ ਸਕਦਾ। ਇਸ ਦੇਸ਼ ਵਿਚ ਇੱਕ ਆਤਮਾ ਹੈ, ਜਿਸ ਨੂੰ ਕੋਈ ਮਾਰ ਨਹੀਂ ਸਕਦਾ ਅਤੇ ਇਹ ਜਿੰਦਾ ਆਤਮਾ ਹੀ ਸੱਚਾ ਹਿੰਦੁਸਤਾਨ ਹੈ। ਇਨ੍ਹਾਂ ਵਿਚਾਰਾਂ ਦਾ ਪ੍ਰਗਟਾਵਾ ਪਦਮ ਭੂਸ਼ਣ ਜਾਵੇਦ ਅਖ਼ਤਰ ਨੇ ਕੀਤਾ। ਗੀਤਕਾਰ ਅਤੇ ਸੰਵਾਦ ਲੇਖਕ ਜਾਵੇਦ ਅਖਤਰ ਦੀ ਅੱਜ 9ਵੇਂ ਅਜੰਤਾ ਐਲੋਰਾ ਇੰਟਰਨੈਸ਼ਨਲ ਫ਼ਿਲਮ ਫੈਸਟੀਵਲ ਵਿਚ ਨਿਰਦੇਸ਼ਕ ਜੈਪ੍ਰਦ ਦੇਸਾਈ ਦੁਆਰਾ ਇੰਟਰਵਿਊ ਕੀਤੀ ਗਈ, ਜੋ ਦੁਨੀਆ ਭਰ ਦੇ ਦਰਸ਼ਕਾਂ ਲਈ ਬਿਹਤਰੀਨ ਫ਼ਿਲਮਾਂ ਲੈ ਕੇ ਆਉਂਦਾ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਮਾਡਲ ਹੱਤਿਆਕਾਂਡ : ਹੋਟਲ ਮਾਲਕ ਗ੍ਰਿਫ਼ਤਾਰ, ਲਾਸ਼ ਟਿਕਾਣੇ ਲਾਉਣ ਵਾਲੇ 2 ਮੁਲਜ਼ਮ ਫਰਾਰ
ਇਸ ਮੌਕੇ ਜਾਵੇਦ ਅਖਤਰ ਨੇ ਕਿਹਾ ਕਿ, ''ਸੱਠਵਿਆਂ ਦੀਆਂ ਫ਼ਿਲਮਾਂ ਵਿਚ ਟੈਕਸੀ ਡਰਾਈਵਰ, ਰਿਕਸ਼ਾ ਚਾਲਕ, ਮਜ਼ਦੂਰ, ਅਧਿਆਪਕ, ਪ੍ਰੋਫੈਸਰ, ਵਕੀਲ ਹੀਰੋ ਸਨ। ਹਾਲਾਂਕਿ ਹੁਣ ਤਸਵੀਰ ਪੂਰੀ ਤਰ੍ਹਾਂ ਬਦਲ ਚੁੱਕੀ ਹੈ। ਅੱਜ ਦੇ ਅਦਾਕਾਰ ਅਮੀਰ ਘਰਾਣਿਆਂ ਤੋਂ ਹਨ ਅਤੇ ਕੁਝ ਨਹੀਂ ਕਰਦੇ। ਅੱਜ ਦਾ ਐਕਟਰ ਭਾਰਤ ਦੀ ਬਜਾਏ ਸਵਿਟਜ਼ਰਲੈਂਡ ਬਾਰੇ ਸੋਚ ਰਿਹਾ ਹੈ। ਇਹ ਅਮੀਰਾਂ ਲਈ ਫ਼ਿਲਮਾਂ ਬਣਾਉਣ ਦਾ ਸਮਾਂ ਹੈ। ਸਾਡੀਆਂ ਫ਼ਿਲਮਾਂ ਵਿਚ ਸਿਆਸੀ ਵਿਸ਼ੇ ਨਹੀਂ ਦਿਖਾਈ ਦਿੰਦੇ। ਇਸੇ ਤਰ੍ਹਾਂ ਸਮਾਜਿਕ ਮੁੱਦੇ ਵੀ ਹੁਣ ਸਾਡੀਆਂ ਫ਼ਿਲਮਾਂ ਵਿਚ ਨਜ਼ਰ ਨਹੀਂ ਆਉਂਦੇ, ਮਜ਼ਦੂਰ ਵਰਗ ਅੱਜ ਦੀਆਂ ਫ਼ਿਲਮਾਂ ਵਿਚੋਂ ਗਾਇਬ ਹੋ ਗਿਆ ਹੈ। ਇਹ ਦਰਸਾਉਂਦਾ ਹੈ ਕਿ ਅਸੀਂ ਸਵਾਰਥੀ ਹੋ ਗਏ ਹਾਂ ਅਤੇ ਦੂਜੇ ਪਾਸੇ ਸਾਨੂੰ ਦੇਸ਼ ਦੀ ਬਹੁਤ ਪਰਵਾਹ ਹੈ। ਕੀ 50 ਸਾਲ ਪਹਿਲਾਂ ਲੋਕ ਇਸ ਦੇਸ਼ ਨੂੰ ਪਿਆਰ ਨਹੀਂ ਕਰਦੇ ਸਨ? ਕੀ ਦੇਸ਼ ਲਈ ਜੇਲ੍ਹ ਜਾਣ ਵਾਲੇ ਲੋਕਾਂ ਨੂੰ ਇਸ ਦੇਸ਼ ਨਾਲ ਪਿਆਰ ਨਹੀਂ ਸੀ? ਉਹ ਦੇਸ਼ ਨੂੰ ਪਿਆਰ ਕਰਦਾ ਸੀ ਪਰ ਉਨ੍ਹਾਂ ਦਿਨਾਂ ਵਿਚ ਇੰਨੇ ਡਰਾਮੇ ਨਹੀਂ ਹੁੰਦੇ ਸਨ। ਹੁਣ ਲੋਕ ਜਿੱਥੇ ਮਰਜ਼ੀ ਜਾ ਰਹੇ ਹਨ।''
ਇਹ ਖ਼ਬਰ ਵੀ ਪੜ੍ਹੋ : ਕੈਨੇਡਾ ਤੋਂ ਬਾਅਦ ਹੁਣ ਅਮਰੀਕਾ 'ਚ ਹਿੰਦੂ ਮੰਦਰਾਂ ਨਾਲ ਛੇੜਛਾੜ, ਖਾਲਿਸਤਾਨੀ ਸਮਰਥਕਾਂ ਨੇ ਲਿਖੇ ਭਾਰਤ ਵਿਰੋਧੀ ਨਾਅਰੇ
ਅਖਤਰ ਨੇ ਅੱਗੇ ਕਿਹਾ ਕਿ, ''ਫ਼ਿਲਮ 'ਆਰਟੀਕਲ 15' ਪਿਛਲੇ 30-40 ਸਾਲਾਂ ਵਿਚ ਬਣੀਆਂ ਸਭ ਤੋਂ ਵਧੀਆ ਫ਼ਿਲਮਾਂ ਵਿਚੋਂ ਇੱਕ ਹੈ। ਖੁਸ਼ੀ ਦੀ ਗੱਲ ਹੈ ਕਿ ਇਹ ਫ਼ਿਲਮ ਇਸ ਅਜੰਤਾ ਐਲੋਰਾ ਇੰਟਰਨੈਸ਼ਨਲ ਫ਼ਿਲਮ ਫੈਸਟੀਵਲ ਵਿਚ ਦਿਖਾਈ ਜਾ ਰਹੀ ਹੈ ਅਤੇ ਹਰ ਕਿਸੇ ਨੂੰ ਇਹ ਫ਼ਿਲਮ ਦੇਖਣੀ ਚਾਹੀਦੀ ਹੈ। ਸੱਠਵਿਆਂ ਵਿਚ ਅਜਿਹੀਆਂ ਫ਼ਿਲਮਾਂ ਨਹੀਂ ਬਣੀਆਂ ਸਨ।''
ਇਸ ਮੌਕੇ ਪ੍ਰਸਿੱਧ ਫ਼ਿਲਮ ਨਿਰਦੇਸ਼ਕ ਅਨੁਭਵ ਸਿਨਹਾ, ਏ.ਆਈ. ਐੱਫ. ਐੱਫ. ਆਰਗੇਨਾਈਜ਼ਿੰਗ ਕਮੇਟੀ ਦੇ ਸੰਸਥਾਪਕ-ਚੇਅਰਮੈਨ ਨੰਦਕਿਸ਼ੋਰ ਕਾਗਲੀਵਾਲ, ਐੱਮ. ਜੀ. ਐੱਮ. ਯੂਨੀਵਰਸਿਟੀ ਦੇ ਵਾਈਸ ਚਾਂਸਲਰ ਡਾ. ਵਿਲਾਸ ਸਪਕਲ, ਫੈਸਟੀਵਲ ਡਾਇਰੈਕਟਰ ਅਸ਼ੋਕ ਰਾਣੇ, ਆਰਟਿਸਟਿਕ ਡਾਇਰੈਕਟਰ ਚੰਦਰਕਾਂਤ ਕੁਲਕਰਨੀ, ਕਨਵੀਨਰ ਨੀਲੇਸ਼ ਰਾਉਤ, ਕਵੀ ਦਾਸੂ ਵੈਦਿਆ ਅਤੇ ਵੱਡੀ ਗਿਣਤੀ ਵਿਚ ਫ਼ਿਲਮਸਾਜ਼ ਹਾਜ਼ਰ ਸਨ ਅਤੇ ਇਸ ਮੌਕੇ ਸ਼ਹਿਰੀ ਹਾਜ਼ਰ ਸਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ 'ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
ਸਿੱਧੂ ਮੂਸੇ ਵਾਲਾ ਦੇ ਪ੍ਰਸ਼ੰਸਕਾਂ ਨੂੰ ਭਾਵੁਕ ਕਰ ਦੇਵੇਗਾ ਗੀਤ ‘ਦਿ ਲਾਸਟ ਵਿਸ਼’, ਦੇਖੋ ਵੀਡੀਓ
NEXT STORY 
