ਮੁੰਬਈ (ਬਿਊਰੋ) : ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਸੰਜੇ ਦੱਤ ਨੇ ਆਪਣੇ ਕੰਮ ਨਾਲ ਲੋਕਾਂ ਦਾ ਦਿਲ ਜਿੱਤਣ ਵਿਚ ਕੋਈ ਕਸਰ ਬਾਕੀ ਨਹੀਂ ਛੱਡੀ। ਕੈਂਸਰ ਵਰਗੀ ਭਿਆਨਕ ਬਿਮਾਰੀ ਨੂੰ ਹਰਾਉਣ ਤੋਂ ਬਾਅਦ ਸੰਜੇ ਦੱਤ ਇਕ ਵਾਰ ਫ਼ਿਰ ਪਰਦੇ 'ਤੇ ਵਾਪਸੀ ਕਰਦੇ ਨਜ਼ਰ ਆਉਣਗੇ। ਦਰਅਸਲ, ਹਾਲ ਹੀ ਵਿਚ ਸੰਜੇ ਦੱਤ ਦੀ ਆਉਣ ਵਾਲੀ ਫ਼ਿਲਮ 'ਟੋਰਬਾਜ਼' ਦਾ ਟਰੇਲਰ ਰਿਲੀਜ਼ ਕੀਤਾ ਗਿਆ ਹੈ, ਜਿਸ ਵਿਚ ਉਹ ਰਿਫਿਉਜੀ ਕੈਂਪ ਵਿਚ ਰਹਿੰਦੇ ਬੱਚਿਆਂ ਨੂੰ ਕ੍ਰਿਕਟ ਸਿਖਾਉਂਦੇ ਹਨ। ਜਿੱਥੇ ਕੁਝ ਲੋਕ ਫ਼ਿਲਮ ਵਿਚ ਸੰਜੇ ਦੱਤ ਦੀ ਅਦਾਕਾਰੀ ਨੂੰ ਲੈ ਕੇ ਪ੍ਰਸ਼ੰਸਾ ਕਰ ਰਹੇ ਹਨ, ਉਥੇ ਹੀ ਕੁਝ ਲੋਕ ਫ਼ਿਲਮ ਦੀ ਬੁਰਾਈ ਵੀ ਕਰ ਰਹੇ ਹਨ। 'ਟੋਰਬਾਜ਼' ਦਾ ਟਰਲਰ ਰਾਹੁਲ ਦੇਵ ਦੀ ਐਂਟਰੀ ਨਾਲ ਸ਼ੁਰੂ ਹੁੰਦਾ ਹੈ, ਜੋ ਇਕ ਅੱਤਵਾਦੀ ਸਮੂਹ ਦੇ ਮੁਖੀ ਵਜੋਂ ਅਹੁਦੇ 'ਤੇ ਆ ਰਿਹਾ ਹੈ। ਇਸ ਦੇ ਨਾਲ ਹੀ ਸੰਜੇ ਦੱਤ ਫ਼ਿਲਮ ਵਿਚ ਰਾਹੁਲ ਦੇਵੋ ਨੂੰ ਝੰਡਾ ਦਿੰਦੇ ਹੋਏ ਨਜ਼ਰ ਆਉਂਦੇ ਹਨ। ਫ਼ਿਲਮ ਵਿਚ ਜਦੋਂ ਰਾਹੁਲ ਦੇਵ ਸ਼ਰਨਾਰਥੀ ਕੈਂਪ ਵਿਚ ਰਹਿੰਦੇ ਬੱਚਿਆਂ ਨੂੰ ਅੱਤਵਾਦੀ ਗਤੀਵਿਧੀਆਂ ਲਈ ਵਰਤਦੇ ਹਨ ਤਾਂ ਸੰਜੇ ਦੱਤ ਉਨ੍ਹਾਂ ਬੱਚਿਆਂ ਨੂੰ ਚੰਗੀ ਜ਼ਿੰਦਗੀ ਦੇਣ ਲਈ ਕ੍ਰਿਕਟ ਸਿਖਾਉਂਦੇ ਹਨ।
ਟਰੇਲਰ ਵਿਚ ਦਿਖਾਇਆ ਗਿਆ ਹੈ ਕਿ ਉਹ ਕੁਝ ਬੱਚਿਆਂ ਦੀ ਕ੍ਰਿਕਟ ਟੀਮ ਬਣਾਉਂਦਾ ਹੈ ਅਤੇ ਉਨ੍ਹਾਂ ਨੂੰ ਕ੍ਰਿਕਟ ਸਿਖਾਉਂਦਾ ਹੈ। ਸੰਜੇ ਦੱਤ ਨੇ ਕਿਹਾ, 'ਸ਼ਰਨਾਰਥੀ ਬੱਚੇ ਦਹਿਸ਼ਤ ਦੇ ਪਹਿਲੇ ਨਿਸ਼ਾਨਾ ਹਨ।' 'ਟੋਰਬਾਜ਼' ਉਸ ਆਦਮੀ ਦੀ ਕਹਾਣੀ ਹੈ, ਜੋ ਆਪਣੇ ਨਾਲ ਵਾਪਰੀ ਦੁਖਾਂਤ ਤੋਂ ਉੱਭਰ ਕੇ ਚੀਜ਼ਾਂ ਨੂੰ ਆਪਣੇ ਹੱਥਾਂ ਵਿਚ ਲੈਣ ਦੀ ਕੋਸ਼ਿਸ਼ ਕਰਦਾ ਹੈ। ਸੰਜੇ ਦੱਤ ਇਸ ਫ਼ਿਲਮ ਵਿਚ ਰਾਹੁਲ ਦੇਵ ਅਤੇ ਨਰਗਿਸ ਫਾਕਰੀ ਮੁੱਖ ਭੂਮਿਕਾਵਾਂ ਵਿਚ ਵੀ ਨਜ਼ਰ ਆਉਣਗੇ। ਇਹ ਫ਼ਿਲਮ 11 ਦਸੰਬਰ ਨੂੰ ਨੈੱਟਫਲਿਕਸ 'ਤੇ ਰਿਲੀਜ਼ ਹੋਵੇਗੀ। ਬਿਮਾਰੀ ਨਾਲ ਲੜਨ ਤੋਂ ਪਰਤਣ ਤੋਂ ਬਾਅਦ ਪ੍ਰਸ਼ੰਸਕ ਵੀ ਸੰਜੇ ਦੱਤ ਦੀ ਇਸ ਫ਼ਿਲਮ ਨੂੰ ਲੈ ਕੇ ਬਹੁਤ ਉਤਸ਼ਾਹਿਤ ਦਿਖਾਈ ਦੇ ਰਹੇ ਹਨ।
ਵਿਰਾਟ ਕੋਹਲੀ ਦੀ ਪਤਨੀ ਅਨੁਸ਼ਕਾ ਨੇ 'ਮੈਟਰਨਿਟੀ ਲੀਵ' ਲੈਣ ਤੋਂ ਕੀਤਾ ਸਾਫ਼ ਇਨਕਾਰ, ਜਾਣੋ ਵਜ੍ਹਾ
NEXT STORY 
