ਮੁੰਬਈ (ਏਜੰਸੀ)- ਜੀਓਹੌਟਸਟਾਰ ਦੀ ਸੀਰੀਜ਼ "ਪ੍ਰੀਤਮ ਐਂਡ ਪੇਡਰੋ" ਦਾ ਅਧਿਕਾਰਤ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਗੋਆ ਦੇ ਰੰਗੀਨ ਅਤੇ ਚਮਕਦਾਰ ਪਿਛੋਕੜ 'ਤੇ ਆਧਾਰਿਤ "ਪ੍ਰੀਤਮ ਐਂਡ ਪੇਡਰੋ" 2 ਬਹੁਤ ਹੀ ਵੱਖ-ਵੱਖ ਸ਼ਖਸੀਅਤਾਂ ਦੀ ਕਹਾਣੀ ਦੱਸਦੀ ਹੈ, ਜੋ ਅਸਾਧਾਰਨ ਹਾਲਾਤਾਂ ਵਿੱਚ ਇਕ-ਦੂਜੇ ਨਾਲ ਜੁੜਨ ਲਈ ਮਜਬੂਰ ਹੁੰਦੇ ਹਨ। ਕਹਾਣੀ ਦੇ ਕੇਂਦਰ ਵਿੱਚ ਪੇਡਰੋ ਅਤੇ ਪ੍ਰੀਤਮ ਹਨ।
ਪੇਡਰੋ ਇੱਕ ਪੁਰਾਣੇ ਖਿਆਲ ਵਾਲਾ ਪੁਲਸ ਅਧਿਕਾਰੀ ਹੈ, ਜਦੋਂ ਕਿ ਪ੍ਰੀਤਮ ਇੱਕ ਨੌਜਵਾਨ ਤਕਨੀਕੀ ਮਾਹਰ ਹੈ। ਦੋਵੇਂ ਇੱਕ ਅਜਿਹੇ ਰਹੱਸ ਵਿੱਚ ਉਲਝ ਜਾਂਦੇ ਹਨ, ਜੋ ਉਨ੍ਹਾਂ ਦੀ ਕਲਪਨਾ ਨਾਲੋਂ ਕਿਤੇ ਜ਼ਿਆਦਾ ਗੁੰਝਲਦਾਰ ਅਤੇ ਅਣਕਿਆਸਿਆ ਸਾਬਤ ਹੁੰਦਾ ਹੈ। ਜਿਵੇਂ-ਜਿਵੇਂ ਉਨ੍ਹਾਂ ਦਾ ਸਫ਼ਰ ਅੱਗੇ ਵੱਧਦਾ ਹੈ, ਰਹੱਸ ਡੂੰਘਾ ਹੁੰਦਾ ਜਾਂਦਾ ਹੈ, ਰਿਸ਼ਤਿਆਂ ਦੀ ਪ੍ਰੀਖਿਆ ਹੁੰਦੀ ਹੈ, ਅਤੇ ਹਰ ਮੋੜ 'ਤੇ ਨਵੀਆਂ ਚੁਣੌਤੀਆਂ ਸਾਹਮਣੇ ਆਉਂਦੀਆਂ ਹਨ।
ਇਹ ਸੀਰੀਜ਼ ਪ੍ਰਸਿੱਧ ਫਿਲਮ ਨਿਰਮਾਤਾ ਰਾਜਕੁਮਾਰ ਹਿਰਾਨੀ ਦੁਆਰਾ ਨਿਰਮਿਤ ਹੈ ਅਤੇ ਅਵਿਨਾਸ਼ ਅਰੁਣ ਦੁਆਰਾ ਨਿਰਦੇਸ਼ਤ ਹੈ। ਇਸ ਵਿੱਚ ਅਰਸ਼ਦ ਵਾਰਸੀ, ਵਿਕਰਾਂਤ ਮੈਸੀ, ਵੀਰ ਹਿਰਾਨੀ, ਮੋਨਾ ਸਿੰਘ ਅਤੇ ਬੋਮਨ ਈਰਾਨੀ ਵਰਗੇ ਪ੍ਰਤਿਭਾਸ਼ਾਲੀ ਕਲਾਕਾਰ ਮੁੱਖ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੇ।
ਰਾਮ ਚਰਨ ਅਤੇ ਉਪਾਸਨਾ ਨੇ ਦਿਖਾਈ ਆਪਣੇ ਜੁੜਵਾਂ ਬੱਚਿਆਂ ਦੀ ਪਹਿਲੀ ਝਲਕ
NEXT STORY 
