ਮੁੰਬਈ- ਅਦਾਕਾਰਾ ਉਪਾਸਨਾ ਸਿੰਘ, ਜੋ 'ਜੁੜਵਾ', 'ਮੈਂ ਪ੍ਰੇਮ ਕੀ ਦੀਵਾਨੀ ਹੂੰ' ਅਤੇ 'ਕਾਮੇਡੀ ਨਾਈਟਸ ਵਿਦ ਕਪਿਲ' ਨਾਲ ਮਸ਼ਹੂਰ ਹੈ। ਅਦਾਕਾਰਾ ਨੇ ਹਾਲ ਹੀ ਵਿੱਚ ਇੱਕ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਉਸ ਨੇ ਆਪਣੇ ਨਾਲ ਹੋਈ ਕਾਸਟਿੰਗ ਕਾਊਚ ਦੀ ਘਟਨਾ ਬਾਰੇ ਦੱਸਿਆ। ਅਦਾਕਾਰਾ ਨੇ ਸਾਂਝਾ ਕੀਤਾ ਕਿ ਕਿਵੇਂ ਇੱਕ ਦੱਖਣੀ ਨਿਰਦੇਸ਼ਕ ਜੋ ਉਸ ਦੇ ਪਿਤਾ ਦੀ ਉਮਰ ਦਾ ਸੀ, ਨੇ ਉਸਨੂੰ ਜੁਹੂ, ਮੁੰਬਈ ਵਿੱਚ ਇੱਕ ਹੋਟਲ ਵਿੱਚ ਬੁਲਾਇਆ। ਆਓ ਜਾਣਦੇ ਹਾਂ ਅਦਾਕਾਰਾ ਨੇ ਕੀ ਕਿਹਾ?
ਇਹ ਵੀ ਪੜ੍ਹੋ- ਸ਼ੁਭਮਨ ਗਿੱਲ ਸਮੇਤ ਮੁਸੀਬਤ 'ਚ ਫਸੇ ਟੀਮ ਇੰਡੀਆ ਦੇ 4 ਕ੍ਰਿਕਟਰ
ਸੱਤ ਦਿਨ ਕਮਰੇ ਵਿੱਚ ਰਹੀ ਬੰਦ
ਅਦਾਕਾਰਾ ਨੇ ਹਾਲ ਹੀ ਵਿੱਚ ਦਿੱਤੇ ਇੱਕ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਕਿ ਜਦੋਂ ਨਿਰਦੇਸ਼ਕ ਨੇ ਉਸ ਨੂੰ ਹੋਟਲ ਵਿੱਚ ਬੁਲਾਇਆ ਤਾਂ ਇਹ ਮੁਸ਼ਕਲ ਸਥਿਤੀ ਬਣ ਗਈ। 49 ਸਾਲਾ ਅਦਾਕਾਰਾ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਘਟਨਾ ਤੋਂ ਬਾਅਦ, ਉਸ ਨੇ ਆਪਣੇ ਆਪ ਨੂੰ ਸੱਤ ਦਿਨਾਂ ਤੱਕ ਇੱਕ ਕਮਰੇ ਵਿੱਚ ਬੰਦ ਕਰ ਲਿਆ ਅਤੇ ਕਿਹਾ ਕਿ ਉਨ੍ਹਾਂ ਚੁਣੌਤੀਪੂਰਨ ਦਿਨਾਂ ਨੇ ਉਸ ਨੂੰ ਇੱਕ ਮਜ਼ਬੂਤ ਔਰਤ ਬਣਨ ਵਿੱਚ ਮਦਦ ਕੀਤੀ।
ਨਿਰਦੇਸ਼ਕ ਨੇ ਕਿਹਾ- ਤੁਸੀਂ ‘ਬੈਠਣ’ ਦਾ ਮਤਲਬ ਨਹੀਂ ਸਮਝਿਆ
ਉਪਾਸਨਾ ਸਿੰਘ ਨੇ ਇੱਕ ਇੰਟਰਵਿਊ ਦੌਰਾਨ ਕਿਹਾ, “ਦੱਖਣ ਦੇ ਇੱਕ ਵੱਡੇ ਫ਼ਿਲਮ ਨਿਰਦੇਸ਼ਕ ਨੇ ਮੈਨੂੰ ਅਨਿਲ ਕਪੂਰ ਨਾਲ ਇੱਕ ਫ਼ਿਲਮ ਲਈ ਸਾਈਨ ਕੀਤਾ ਸੀ। ਜਦੋਂ ਵੀ ਮੈਂ ਨਿਰਦੇਸ਼ਕ ਦੇ ਦਫ਼ਤਰ ਜਾਂਦੀ ਸੀ, ਤਾਂ ਮੈਂ ਆਪਣੀ ਮਾਂ ਜਾਂ ਭੈਣ ਨੂੰ ਨਾਲ ਲੈ ਜਾਂਦੀ ਸੀ। ਇੱਕ ਦਿਨ, ਉਸ ਨੇ ਮੈਨੂੰ ਪੁੱਛਿਆ ਕਿ ਕਿਉਂ ਮੈਂ ਉਨ੍ਹਾਂ ਨੂੰ ਹਮੇਸ਼ਾ ਆਪਣੇ ਨਾਲ ਲੈ ਕੇ ਆਉਂਦੀ ਹਾਂ ਅਤੇ ਮੈਨੂੰ ‘ਬੈਠਣ’ ਲਈ ਇੱਕ ਹੋਟਲ ਵਿੱਚ ਆਉਣ ਲਈ ਕਿਹਾ। ਮੈਂ ਜ਼ੋਰ ਦੇ ਕੇ ਕਿਹਾ ਕਿ ਮੈਂ ਕੱਲ੍ਹ ਕਹਾਣੀ ਸੁਣ ਲਵਾਂਗੀ, ਉੱਥੇ ਪਹੁੰਚਣ ਲਈ ਕੋਈ ਕਾਰ ਨਹੀਂ ਸੀ ਪਰ ਫਿਰ ਉਸ ਨੇ ਪੁੱਛਿਆ, ‘ਨਹੀਂ, ਤੁਸੀਂ ਬੈਠਣ ਦਾ ਮਤਲਬ ਨਹੀਂ ਸਮਝਦੇ?’ ਉਪਾਸਨਾ ਨੇ ਦੱਸਿਆ ਕਿ ਨਿਰਦੇਸ਼ਕ ਨਾਲ ਗੱਲਬਾਤ ਤੋਂ ਬਾਅਦ ਉਹ ਪੂਰੀ ਰਾਤ ਸੌਂ ਨਹੀਂ ਸਕੀ।
ਇਹ ਵੀ ਪੜ੍ਹੋ-ਦਿਲਜੀਤ ਦੋਸਾਂਝ ਦਾ PM ਮੋਦੀ ਨੂੰ ਮਿਲਣਾ ਕਿਸਾਨਾਂ ਨੂੰ ਨਹੀਂ ਆਇਆ ਪਸੰਦ, ਕਿਹਾ...
ਦਫ਼ਤਰ ਪਹੁੰਚ ਕੇ ਕੀਤਾ ਦੁਰਵਿਵਹਾਰ
ਉਸ ਘਟਨਾ ਨੂੰ ਯਾਦ ਕਰਦੇ ਹੋਏ ਅਦਾਕਾਰਾ ਨੇ ਕਿਹਾ ਕਿ ਇਸ ਤੋਂ ਬਾਅਦ ਉਹ ਨਿਰਦੇਸ਼ਕ ਦੇ ਦਫਤਰ ਪਹੁੰਚੀ ਅਤੇ ਉਸ ਨਾਲ ਕਾਫੀ ਬਦਸਲੂਕੀ ਕੀਤੀ। ਉਸ ਦਾ ਦਫ਼ਤਰ ਬਾਂਦਰਾ ਵਿੱਚ ਸੀ ਅਤੇ ਅਗਲੀ ਸਵੇਰ ਮੈਂ ਉੱਥੇ ਗਈ। ਉਸ ਦੀ ਤਿੰਨ-ਚਾਰ ਲੋਕਾਂ ਨਾਲ ਮੀਟਿੰਗ ਸੀ। ਉਸ ਦੇ ਸਕੱਤਰ ਨੇ ਮੈਨੂੰ ਬਾਹਰ ਇੰਤਜ਼ਾਰ ਕਰਨ ਲਈ ਕਿਹਾ ਪਰ ਮੈਂ ਅਜਿਹਾ ਨਹੀਂ ਕੀਤਾ। ਅੰਦਰ ਜਾ ਕੇ ਤਕਰੀਬਨ ਪੰਜ ਮਿੰਟ ਤੱਕ ਪੰਜਾਬੀ ਵਿੱਚ ਗਾਲ੍ਹਾਂ ਕੱਢਦੀ ਰਹੀ ਪਰ ਜਦੋਂ ਮੈਂ ਉਨ੍ਹਾਂ ਦੇ ਦਫ਼ਤਰ ਤੋਂ ਬਾਹਰ ਆਈ ਤਾਂ ਮੈਨੂੰ ਯਾਦ ਆਇਆ ਕਿ ਮੈਂ ਕਈ ਲੋਕਾਂ ਨੂੰ ਦੱਸ ਚੁੱਕੀ ਸੀ ਕਿ ਮੈਂ ਅਨਿਲ ਨਾਲ ਫ਼ਿਲਮ ਸਾਈਨ ਕੀਤੀ ਹੈ। ਫੁੱਟਪਾਥ ‘ਤੇ ਤੁਰਦਿਆਂ ਮੈਂ ਰੋਣਾ ਨਹੀਂ ਰੋਕ ਸਕੀ।”
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
ਐਮੀ ਵਿਰਕ ਦਿੱਲੀ 'ਚ ਧੂੰਮਾਂ ਪਾਉਣ ਲਈ ਤਿਆਰ, ਕਰ 'ਤਾ ਇਹ ਐਲਾਨ
NEXT STORY 
