ਐਂਟਰਟੇਨਮੈਂਟ ਡੈਸਕ- ਪੰਜਾਬੀ ਗਾਇਕਾ ਰੁਪਿੰਦਰ ਹਾਂਡਾ ਦੀ ਕੈਨੇਡਾ ਦੇ ਐਡਮਿੰਟਨ ਵਿਚ ਸ਼ੋਅ ਦੌਰਾਨ ਹੋਈ ਬਹਿਸਬਾਜ਼ੀ ਦੀ ਵੀਡੀਓ ਆਉਣ ਮਗਰੋਂ ਹੁਣ ਇਕ ਹੋਰ ਵੀਡੀਓ ਸਾਹਮਣੇ ਆਈ ਹੈ, ਜਿਸ ਵਿਚ ਉਹ ਸਟੇਜ 'ਤੇ ਰੋਂਦੀ ਹੋਈ ਦਿਖਾਈ ਦੇ ਰਹੀ ਹੈ। ਇਸ ਵੀਡੀਓ ਵਿਚ ਗਾਇਕਾ ਸਟੇਜ 'ਤੇ ਬੋਲਦਿਆਂ ਕਹਿੰਦੀ ਹੈ ਕਿ ਮਿਊਜ਼ਿਕ ਮੇਰੀ ਜ਼ਿੰਦਗੀ ਹੈ। ਮੈਂ ਤਾਂ ਗਾਉਣਾ ਛੱਡ ਦਿੱਤਾ ਸੀ ਪਰ ਪਰਮਾਤਮਾ ਮੇਰੇ ਨਾਲ ਖੜ੍ਹਾ ਸੀ। 9 ਸਾਲ ਬਾਅਦ ਮੇਰਾ ਗਾਣਾ ਵਾਇਰਲ ਹੋ ਗਿਆ, ਜਿਹੜੀ ਕੁੜੀ ਸਾਰਾ ਕੁੱਝ ਛੱਡ ਕੇ ਬੈਠ ਗਈ ਸੀ, ਸਿਰਫ ਆਪਣੇ ਸ਼ੌਂਕ ਨੂੰ ਗਾਣੇ ਗਾ ਰਹੀ ਸੀ ਕਿ ਮੈਨੂੰ ਸਾਲ ਵਿਚ 2-3 ਗਾਣੇ ਕਰਨੇ ਹਨ। ਉਦੋਂ ਪਰਮਾਤਮਾ ਨੇ ਮੈਨੂੰ ਐਨਾ ਬਿਜ਼ੀ ਕਰ ਦਿੱਤਾ ਕਿ ਮੈਂ ਜਿੱਥੇ ਵੀ ਜਾਂਦੀ ਹਾਂ 2-2 ਸਾਲ ਦੇ ਬੱਚੇ ਮੈਨੂੰ ਕਹਿੰਦੇ ਹਨ ਕਾਲੀ ਐਕਟਿਵਾ ਆ ਰਹੀ ਹੈ। ਇਹ ਮੇਰੀ ਸਭ ਤੋਂ ਵੱਡੀ ਅਚੀਵਮੈਂਟ ਹੈ ਕਿ ਪਰਮਾਤਮਾ ਨੇ ਮੇਰੀ ਝੋਲੀ ਜੋ ਕੁੱਝ ਪਾਇਆ ਹੈ, ਮੈਨੂੰ ਉਸ ਦੀ ਬਹੁਤ ਕਦਰ ਹੈ।
ਇਹ ਵੀ ਪੜ੍ਹੋ: ਕੈਨੇਡਾ 'ਚ ਕਾਲੀ Activa ਵਾਲੀ ਰੁਪਿੰਦਰ ਹਾਂਡਾ ਦਾ ਪਿਆ ਪੰਗਾ, ਚੱਲਦੇ ਸ਼ੋਅ 'ਚ ਵਗ੍ਹਾ ਮਾਰਿਆ ਮਾਈਕ (ਵੀਡੀਓ)
ਦੱਸ ਦੇਈਏ ਕਿ ਬੀਤੇ ਦਿਨ ਕੁੱਝ ਵੀਡੀਓਜ਼ ਵਾਇਰਲ ਹੋਈਆਂ ਸਨ। ਮੀਡੀਆ ਰਿਪੋਰਟਾਂ ਮੁਤਾਬਕ ਰੁਪਿੰਦਰ ਦੀ ਕੈਨੇਡਾ ਦੇ ਐਡਮਿੰਟਨ ਵਿਚ ਇਕ ਸ਼ੋਅ ਦੌਰਾਨ ਲੇਟ ਪਹੁੰਚਣ ਕਾਰਨ ਉਥੇ ਮੌਜੂਦ ਕੁੱਝ ਲੋਕਾਂ ਨਾਲ ਬਹਿਸਬਾਜ਼ੀ ਹੋ ਗਈ ਸੀ। ਇਕ ਵੀਡੀਓ ਵਿਚ ਇਕ ਔਰਤ ਸਟੇਜ 'ਤੇ ਰੁਪਿੰਦਰ ਨਾਲ ਗੱਲ ਕਰਦੀ ਵੀ ਨਜ਼ਰ ਆਈ, ਜਿਸ ਨੇ ਉਨ੍ਹਾਂ ਨੂੰ ਪੁੱਛਿਆ ਕਿ ਕੀ ਤੁਹਾਨੂੰ ਜੱਸੀ ਨਾਇਰ ਨੇ ਪ੍ਰਮੋਟ ਕੀਤਾ ਹੈ, ਜਿਸ 'ਤੇ ਗਾਇਕਾ ਕਹਿੰਦੀ ਹੈ ਹਾਂ। ਫਿਰ ਅੱਗਿਓਂ ਔਰਤ ਕਹਿੰਦੀ ਹੈ ਕਿ ਮੇਰੇ ਕੋਲ ਕੁੱਝ ਸਬੂਤ ਹਨ, ਇਸ 'ਤੇ ਰੁਪਿੰਦਰ ਗੁੱਸੇ ਵਿਚ ਆ ਗਈ ਅਤੇ ਸਟੇਜ 'ਤੇ ਹੀ ਮਾਈਕ ਸੁੱਟ ਕੇ ਚਲੀ ਗਈ। ਇਕ ਹੋਰ ਵੀਡੀਓ ਵਿਚ ਰੁਪਿੰਦਰ ਹਾਂਡਾ ਨੇ ਕਿਹਾ ਕਿ ਮੈਂ ਜਵਾਬਦੇਹ ਨਹੀਂ ਹਾਂ। ਮੈਂ 1.30 ਵਜੇ ਐਡਮਿੰਟਨ ਵਿਚ ਪਹੁੰਚ ਚੁੱਕੀ ਸੀ ਅਤੇ ਮੇਰੇ ਕੋਲ ਪੋਣੇ 3 ਵਜੇ ਹੋਟਲ ਦੀ ਲੋਕੇਸ਼ਨ ਪਹੁੰਚੀ। ਹਾਲਾਂਕਿ ਇਸ ਬਹਿਸਬਾਜ਼ੀ ਦੇ ਪਿੱਛੇ ਅਸਲ ਕਾਰਨ ਕੀ ਹੈ ਇਸ ਸਬੰਧੀ ਅਜੇ ਕੁੱਝ ਸਪਸ਼ਟ ਨਹੀਂ ਹੋ ਸਕਿਆ ਹੈ।
ਇਹ ਵੀ ਪੜ੍ਹੋ: ਰਣਦੀਪ ਹੁੱਡਾ ਨੇ ਆਪਣੇ ਪਰਿਵਾਰ ਸਣੇ PM ਨਰਿੰਦਰ ਮੋਦੀ ਨਾਲ ਕੀਤੀ ਮੁਲਾਕਾਤ
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਮੁਸ਼ਕਲਾਂ 'ਚ ਘਿਰੀ ਅਦਾਕਾਰਾ ਅਕਸ਼ਰਾ ਅਤੇ ਉਨ੍ਹਾਂ ਦੇ ਪਿਤਾ, ਜਾਣੋ ਕੀ ਹੈ ਪੂਰਾ ਮਾਮਲਾ
NEXT STORY 
