ਜਲੰਧਰ (ਬਿਊਰੋ)– ਬਾਲੀਵੁੱਡ ਅਦਾਕਾਰ ਅਮਿਤਾਭ ਬੱਚਨ ਦਾ ਨਾਂ ਅਦਾਕਾਰਾ ਰੇਖਾ ਨਾਲ ਪੁਰਾਣੇ ਸਮੇਂ ’ਚ ਕਈ ਵਾਰ ਜੋੜਿਆ ਜਾ ਚੁੱਕਾ ਹੈ। ਦੋਵਾਂ ਦੇ ਅਫੇਅਰ ਦੇ ਚਰਚੇ ਵੀ ਸੁਣਨ ਤੇ ਦੇਖਣ ਨੂੰ ਮਿਲਦੇ ਸਨ। ਅੱਜ ਤੁਹਾਨੂੰ ਅਮਿਤਾਭ ਤੇ ਰੇਖਾ ਨਾਲ ਜੁੜੀ ਇਕ ਅਜਿਹੀ ਖਬਰ ਦੱਸਣ ਜਾ ਰਹੇ ਹਾਂ, ਜਿਸ ’ਚ ਅਮਿਤਾਭ ਬੱਚਨ ਨੇ ਰੇਖਾ ਕਰਕੇ ਕਿਸੇ ਸ਼ਖਸ ਦੀ ਕੁੱਟਮਾਰ ਕਰ ਦਿੱਤੀ ਸੀ।
ਉਂਝ ਅਮਿਤਾਭ ਬੱਚਨ ਨੂੰ ਆਪਣੇ ਸ਼ਾਂਤ ਸੁਭਾਅ ਲਈ ਫਿਲਮ ਇੰਡਸਟਰੀ ’ਚ ਜਾਣਿਆ ਜਾਂਦਾ ਹੈ। ਇਕ ਵਾਰ ਜਦੋਂ ਉਨ੍ਹਾਂ ਨੇ ਆਪਣਾ ਗੁੱਸਾ ਦਿਖਾਇਆ ਤਾਂ ਹਰ ਕੋਈ ਹੈਰਾਨ ਰਹਿ ਗਿਆ। ਇਕ ਸਮਾਂ ਸੀ ਜਦੋਂ ਰੇਖਾ ਤੇ ਅਮਿਤਾਭ ਦੇ ਖੂਬ ਚਰਚੇ ਹੁੰਦੇ ਸਨ ਪਰ ਦੋਵਾਂ ਨੇ ਕਦੇ ਵੀ ਆਪਣੇ ਪਿਆਰ ਨੂੰ ਕਬੂਲ ਨਹੀਂ ਕੀਤਾ।
ਸ਼ਾਂਤ ਸੁਭਾਅ ਵਾਲੇ ਅਮਿਤਾਭ ਬੱਚਨ ਇਕ ਵਾਰ ਰੇਖਾ ਲਈ ਆਪਣਾ ਆਪਾ ਗਵਾ ਬੈਠੇ ਸਨ। ਉਨ੍ਹਾਂ ਨੇ ਫ਼ਿਲਮ ਦੇ ਸੈੱਟ ’ਤੇ ਇਕ ਵਿਅਕਤੀ ਦੀ ਕੁੱਟਮਾਰ ਕਰ ਦਿੱਤੀ ਸੀ, ਜਿਸ ਨੂੰ ਦੇਖ ਕੇ ਉਥੇ ਮੌਜੂਦ ਲੋਕ ਦੰਗ ਰਹਿ ਗਏ ਸਨ। ਇਹ ਕਿੱਸਾ ਉਦੋਂ ਦਾ ਹੈ, ਜਦੋਂ ਰੇਖਾ ਤੇ ਅਮਿਤਾਭ ਫ਼ਿਲਮ ‘ਗੰਗਾ ਕੀ ਸੌਗੰਧ’ ਦੀ ਸ਼ੂਟਿੰਗ ਲਈ ਜੈਪੁਰ ਗਏ ਹੋਏ ਸਨ। ਉਥੇ ਦੋਵਾਂ ਸਿਤਾਰਿਆਂ ਨੂੰ ਦੇਖਣ ਲਈ ਲੋਕਾਂ ਦੀ ਭੀੜ ਜੁਟੀ ਹੋਈ ਸੀ।
ਭੀੜ ’ਚ ਇਕ ਸ਼ਖਸ ਨੇ ਰੇਖਾ ’ਤੇ ਭੱਦੇ ਕੁਮੈਂਟ ਕਰਨੇ ਸ਼ੁਰੂ ਕਰ ਦਿੱਤੇ। ਉਸ ਨੂੰ ਵਾਰ-ਵਾਰ ਸਮਝਾਇਆ ਗਿਆ ਪਰ ਉਹ ਨਹੀਂ ਮੁੜਿਆ। ਅਮਿਤਾਭ ਨੂੰ ਉਸ ਸ਼ਖਸ ’ਤੇ ਬਹੁਤ ਗੁੱਸਾ ਆਇਆ ਤੇ ਉਨ੍ਹਾਂ ਨੇ ਆਪਣਾ ਆਪਾ ਗਵਾ ਲਿਆ। ਲੋਕਾਂ ਨੇ ਵਿਚਾਲੇ ਆ ਕੇ ਅਮਿਤਾਭ ਨੂੰ ਸੰਭਾਲਿਆ। ਇਸ ਘਟਨਾ ਤੋਂ ਬਾਅਦ ਰੇਖਾ ਤੇ ਅਮਿਤਾਭ ਬੱਚਨ ਦੇ ਅਫੇਅਰ ਦੀਆਂ ਖ਼ਬਰਾਂ ਨੇ ਜ਼ੋਰ ਫੜ ਲਿਆ ਸੀ।
ਗਾਇਕ ਏ-ਕੇ ਨੇ ਖਰੀਦੀ ਨਵੀਂ ਮਰਸਿਡੀਜ਼ ਕਾਰ, ਫੈਨਜ਼ ਨਾਲ ਸਾਂਝੀ ਕੀਤੀ ਖੁਸ਼ੀ
NEXT STORY 
