ਫ਼ਰੀਦਕੋਟ (ਰਾਜਨ): ਅਗਨੀ ਨੂੰ ਗਵਾਹ ਮੰਨ ਕੇ ਸੱਤ ਜਨਮਾਂ ਤੱਕ ਸਾਥ ਨਿਭਾਉਣ ਦਾ ਵਚਨ ਦੇ ਕੇ ਵਿਆਹ ਸਬੰਧ ਬਣਾਉਣ ਵਾਲੀਆਂ ਕੁਝ ਜੀਵਨ ਸਾਥਣਾ, ਸਹੁਰੇ ਪਰਿਵਾਰ ’ਤੇ ਨੰਬਰਦਾਰੀ ਕਰਨ ਦੀਆਂ ਸੱਧਰਾਂ ਪੂਰੀਆਂ ਨਾ ਹੋਣ ਦੀ ਸੂਰਤ ਵਿੱਚ ਆਪਣੇ ਜੀਵਨ ਸਾਥੀ ਦੀ ਪਹਿਲੇ ਜਨਮ ’ਚ ਹੀ ਤੌਬਾ ਕਿਵੇਂ ਕਰਵਾ ਦਿੰਦੀਆਂ ਹਨ। ਇਸ ਦੀ ਤਾਜਾ ਮਿਸਾਲ ਉਸ ਵੇਲੇ ਮਿਲੀ ਜਦੋਂ ਪਿੰਡ ਘੁਗਿਆਣਾ ਨਿਵਾਸੀ ਇੱਕ ਪਤੀ ਵੱਲੋਂ ਆਪਣੀ ਸਾਰੀ ਜ਼ਮੀਨ ਜਾਇਦਾਦ ਪਤਨੀ ਦੇ ਨਾਮ ਕਰਵਾਉਣ ਤੋਂ ਕੋਰਾ ਜਵਾਬ ਦੇਣ ਦੀ ਸੂਰਤ ਵਿੱਚ, ਗੁੱਸੇ ’ਚ ਆਈ ਪਤਨੀ ਨੇ ਉਸਦੀ ਪੇਕੇ ਪਰਿਵਾਰ ਤੋਂ ਹੀ ਕੁੱਟਮਾਰ ਕਰਵਾ ਦਿੱਤੀ।
ਪਿੰਡ ਘੁਗਿਆਣਾ ਨਿਵਾਸੀ ਜਸਮੀਤ ਸਿੰਘ (39) ਪੁੱਤਰ ਹਰਫ਼ੂਲ ਸਿੰਘ ਨੇ ਥਾਣਾ ਸਦਰ ਫ਼ਰੀਦਕੋਟ ਪੁਲਸ ਪਾਰਟੀ ਨੂੰ ਦਿੱਤੇ ਬਿਆਨਾਂ ’ਚ ਦੱਸਿਆ ਕਿ ਉਸ ਦਾ ਵਿਆਹ ਸਾਲ 2014 ’ਚ ਮਨਪ੍ਰੀਤ ਕੌਰ ਵਾਸੀ ਜ਼ਿਲ੍ਹਾ ਮੋਗਾ ਨਾਲ ਹੋਇਆ। ਬਿਆਨ ਕਰਤਾ ਨੇ ਦੋਸ਼ ਲਗਾਇਆ ਕਿ ਉਸ ਦੀ ਸਾਰੀ ਜ਼ਮੀਨ ਜਾਇਦਾਦ ਆਪਣੇ ਨਾਮ ਕਰਵਾਉਣ ਅਤੇ ਵੱਖ ਰਹਿਣ ਲਈ ਮਨਪ੍ਰੀਤ ਕੌਰ ਉਸ ਨਾਲ ਕਲੇਸ਼ ਕਰਦੀ ਰਹਿੰਦੀ ਸੀ ਅਤੇ ਇਸੇ ਕਲੇਸ਼ ਨੂੰ ਲੈ ਕੇ ਕਈ ਵਾਰ ਪਿੰਡ ਦੀ ਪੰਚਾਇਤ ਨੇ ਵੀ ਉਨ੍ਹਾਂ ਦਾ ਸਮਝੌਤਾ ਕਰਵਾਇਆ ਸੀ।
ਜਸਮੀਤ ਸਿੰਘ ਨੇ ਦੋਸ਼ ਲਗਾਇਆ ਕਿ ਜਦ ਉਹ ਬੀਤੀ 19 ਜੁਲਾਈ ਦੀ ਰਾਤ ਨੂੰ ਘਰ ਜਾ ਰਿਹਾ ਸੀ ਤਾਂ ਇਸੇ ਹੀ ਰੰਜਿਸ਼ ਨੂੰ ਲੈ ਕੇ ਉਸ ਦੇ ਸਹੁਰੇ ਪਰਿਵਾਰ ਨੇ ਹਮਸ਼ਵਰਾ ਹੋ ਕੇ ਉਸ ਦੀ ਕੁੱਟਮਾਰ ਕਰਕੇ ਸੱਟਾਂ ਮਾਰੀਆਂ। ਇਨ੍ਹਾਂ ਬਿਆਨਾਂ ’ਤੇ ਥਾਣਾ ਸਿਟੀ ਵਿਖੇ ਜਸਮੀਤ ਸਿੰਘ ਦੀ ਪਤਨੀ ਮਨਪ੍ਰੀਤ ਕੌਰ ਅਤੇ ਇਸ ਦੇ ਭਰਾ ਗੁਰਬੀਰ ਸਿੰਘ ਤੋਂ ਇਲਾਵਾ ਜਗਤਾਰ ਸਿੰਘ ਅਤੇ ਲਾਡੀ ਵਾਸੀ ਮਾਹਲਾ ਕਲਾਂ ਤੋਂ ਇਲਾਵਾ ਦੋ ਹੋਰ ਅਣਪਛਾਤੇ ਵਿਅਕਤੀਆਂ ’ਤੇ ਅਧੀਨ ਧਾਰਾ 341/324/323/506/148/149 ਤਹਿਤ ਮੁਕੱਦਮਾ ਦਰਜ ਕਰ ਲਿਆ ਗਿਆ ਹੈ ਜਿਸ ਵਿੱਚ ਅਜੇ ਕੋਈ ਗ੍ਰਿਫ਼ਤਾਰੀ ਨਾ ਹੋਣ ਦੀ ਸੂਰਤ ਵਿੱਚ ਪੁਲਸ ਜਾਂਚ ਜਾਰੀ ਹੈ।
ਆਰਥਿਕ ਤੰਗੀ ਕਾਰਨ ਨੌਜਵਾਨ ਨੇ ਕੀਤੀ ਖ਼ੁਦਕੁਸ਼ੀ
NEXT STORY