ਗੈਜੇਟ ਡੈਸਕ- ਟੈਲੀਕਾਮ ਕੰਪਨੀ ਏਅਰਟੈੱਲ ਨੇ ਸਾਲ ਦੀ ਸ਼ੁਰੂਆਤ 'ਚ ਹੀ ਆਪਣੇ ਕਰੋੜਾਂ ਉਪਭੋਗਤਾਵਾਂ ਦੀ ਚਿੰਤਾ ਵਧਾ ਦਿੱਤੀ ਹੈ। ਕੰਪਨੀ ਨੇ ਆਪਣੇ ਇਕ ਪ੍ਰੀਪੇਡ ਪਲਾਨ ਦੀ ਕੀਮਤ 'ਚ ਵੱਡਾ ਵਾਧਾ ਕਰ ਦਿੱਤਾ ਹੈ। ਏਅਰਟੈੱਲ ਨੇ ਆਪਣੇ ਇੰਟਰਨੈਸ਼ਨਲ ਰੋਮਿੰਗ ਪੈਕ, ਜੋ ਪਹਿਲਾਂ 4,000 ਰੁਪਏ 'ਚ ਉਪਲਬਧ ਸੀ, ਦੀ ਕੀਮਤ 999 ਰੁਪਏ ਵਧਾ ਕੇ 4,999 ਰੁਪਏ ਕਰ ਦਿੱਤੀ ਹੈ।
ਪਲਾਨ ਦੇ ਫਾਇਦੇ ਅਤੇ ਵੈਧਤਾ
ਇਹ ਇੰਟਰਨੈਸ਼ਨਲ ਰੋਮਿੰਗ ਪੈਕ 365 ਦਿਨਾਂ ਦੀ ਵੈਧਤਾ ਨਾਲ ਆਉਂਦਾ ਹੈ। ਇਸ ਪਲਾਨ ਦੇ ਤਹਿਤ ਉਪਭੋਗਤਾਵਾਂ ਨੂੰ ਵਿਦੇਸ਼ ਯਾਤਰਾ ਦੌਰਾਨ 5GB ਡਾਟਾ, 100 ਮਿੰਟ ਇਨਕਮਿੰਗ ਕਾਲਾਂ ਅਤੇ 100 ਆਊਟਗੋਇੰਗ SMS ਦੀ ਸਹੂਲਤ ਮਿਲਦੀ ਹੈ। ਖਾਸ ਗੱਲ ਇਹ ਹੈ ਕਿ ਜੇਕਰ ਉਪਭੋਗਤਾ ਭਾਰਤ 'ਚ ਹੈ, ਤਾਂ ਉਸ ਨੂੰ ਇਸੇ ਪਲਾਨ 'ਚ ਅਨਲਿਮਟਿਡ ਕਾਲਿੰਗ, ਮੁਫਤ ਨੈਸ਼ਨਲ ਰੋਮਿੰਗ, ਰੋਜ਼ਾਨਾ 1.5GB ਡੇਟਾ ਅਤੇ 100 ਮੁਫਤ SMS ਦਾ ਲਾਭ ਮਿਲਦਾ ਰਹੇਗਾ। ਇਹ ਪਲਾਨ ਖਾਸ ਤੌਰ 'ਤੇ ਉਨ੍ਹਾਂ ਲੋਕਾਂ ਲਈ ਤਿਆਰ ਕੀਤਾ ਗਿਆ ਹੈ ਜੋ ਭਾਰਤ ਵਿੱਚ ਰਹਿਣ ਦੇ ਨਾਲ-ਨਾਲ ਅਕਸਰ ਵਿਦੇਸ਼ੀ ਦੌਰੇ ਕਰਦੇ ਹਨ।
ਕਿਉਂ ਵਧੀਆਂ ਕੀਮਤਾਂ?
ਕੰਪਨੀ ਦਾ ਮੁੱਖ ਉਦੇਸ਼ ਆਪਣਾ ARPU (ਐਵਰੇਜ ਰੈਵੇਨਿਊ ਪ੍ਰਤੀ ਯੂਜ਼ਰ) ਵਧਾਉਣਾ ਹੈ। ਏਅਰਟੈੱਲ ਪਹਿਲਾਂ ਹੀ ਕਹਿ ਚੁੱਕੀ ਹੈ ਕਿ ਉਹ ਆਪਣੇ ਪ੍ਰਤੀ ਯੂਜ਼ਰ ਔਸਤ ਮਾਲੀਏ ਨੂੰ 300 ਰੁਪਏ ਤੱਕ ਲੈ ਕੇ ਜਾਣਾ ਚਾਹੁੰਦੀ ਹੈ। ਇਹ ਵਾਧਾ ਆਉਣ ਵਾਲੇ ਦਿਨਾਂ 'ਚ ਹੋਰ ਟੈਰਿਫ ਵਾਧੇ ਦਾ ਸੰਕੇਤ ਹੋ ਸਕਦਾ ਹੈ। ਕੰਪਨੀ 2024 ਤੋਂ ਬਾਅਦ ਆਪਣੇ ਹੋਰ ਪ੍ਰੀਪੇਡ ਪਲਾਨਾਂ ਦੀਆਂ ਕੀਮਤਾਂ 'ਚ ਵੀ ਵਾਧਾ ਕਰ ਸਕਦੀ ਹੈ। ਏਅਰਟੈੱਲ ਦੇ ਨਾਲ-ਨਾਲ 'Vi' (ਵੋਡਾਫੋਨ-ਆਈਡੀਆ) ਨੇ ਵੀ ਲਗਾਤਾਰ ਹੋ ਰਹੇ ਨੁਕਸਾਨ ਨੂੰ ਦੇਖਦੇ ਹੋਏ ਟੈਰਿਫ ਵਧਾਉਣ ਦੇ ਸੰਕੇਤ ਦਿੱਤੇ ਹਨ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
For Whatsapp:- https://whatsapp.com/channel/0029Va94hsaHAdNVur4L170e
ਹੁਣ ਸਕੈਮਰਾਂ ਦੀ ਖੈਰ ਨਹੀਂ! WhatsApp ਲਿਆਇਆ 'ਸੁਰੱਖਿਆ ਦਾ ਬ੍ਰਹਮਾਸਤਰ', ਇੱਕ ਸੈਟਿੰਗ ਤੇ ਸਕੈਮਰ ਆਊਟ!
NEXT STORY 
