ਵੈੱਬ ਡੈਸਕ - ਗਰਮੀਆਂ ਦੇ ਮੌਸਮ 'ਚ ਜਦੋਂ AC ਦੀ ਸਹੂਲਤ ਨਾ ਹੋਵੇ, ਤਾਂ ਕੂਲਰ ਹੀ ਠੰਢਕ ਪਾਉਣ ਦਾ ਮੁੱਖ ਸਹਾਰਾ ਹੁੰਦਾ ਹੈ ਪਰ ਦਿੱਕਤ ਉਦੋਂ ਆਉਂਦੀ ਹੈ ਜਦੋਂ ਕੂਲਰ 'ਚੋਂ ਅਜੀਬ ਜਿਹੀ ਜਾਂ ਸੜੀ ਹੋਈ ਮੱਛੀ ਵਰਗੀ ਬਦਬੂ ਆਉਣ ਲੱਗਦੀ ਹੈ, ਜਿਸ ਕਾਰਨ ਕਮਰੇ 'ਚ ਬੈਠਣਾ ਵੀ ਮੁਸ਼ਕਲ ਹੋ ਜਾਂਦਾ ਹੈ। ਸੂਤਰਾਂ ਅਨੁਸਾਰ, ਇਸ ਬਦਬੂ ਨੂੰ ਦੂਰ ਕਰਨ ਲਈ ਤੁਸੀਂ ਹੇਠ ਲਿਖੇ ਦੇਸੀ ਅਤੇ ਆਸਾਨ ਨੁਸਖੇ ਅਪਣਾ ਸਕਦੇ ਹੋ :-
ਪਾਣੀ ਦੀ ਨਿਯਮਿਤ ਸਫ਼ਾਈ
- ਕੂਲਰ 'ਚ ਕਈ ਦਿਨਾਂ ਤੱਕ ਪਾਣੀ ਜਮ੍ਹਾ ਰਹਿਣ ਕਾਰਨ ਬਦਬੂ ਪੈਦਾ ਹੁੰਦੀ ਹੈ। ਇਸ ਲਈ ਕੂਲਰ ਦਾ ਪਾਣੀ ਨਿਯਮਿਤ ਤੌਰ 'ਤੇ ਬਦਲਦੇ ਰਹਿਣਾ ਚਾਹੀਦਾ ਹੈ।
ਫਿਟਕਰੀ ਦਾ ਜਾਦੂ
- ਕੂਲਰ ਦੇ ਪਾਣੀ 'ਚ ਫਿਟਕਰੀ ਦਾ ਇਕ ਟੁਕੜਾ ਪਾਉਣ ਨਾਲ ਨਾ ਸਿਰਫ਼ ਬਦਬੂ ਦੂਰ ਹੁੰਦੀ ਹੈ, ਸਗੋਂ ਇਸ ਨਾਲ ਪਾਣੀ ਵੀ ਜ਼ਿਆਦਾ ਠੰਢਾ ਹੋਣ ਲੱਗਦਾ ਹੈ।
ਸਹੀ ਜਗ੍ਹਾ ਦੀ ਚੋਣ
- ਜੇਕਰ ਕੂਲਰ ਨੂੰ ਘਰ ਦੇ ਕਿਸੇ ਬੰਦ ਕੋਨੇ 'ਚ ਰੱਖਿਆ ਜਾਵੇ, ਤਾਂ ਵੈਂਟੀਲੇਸ਼ਨ ਦੀ ਕਮੀ ਕਾਰਨ ਬਦਬੂ ਆ ਸਕਦੀ ਹੈ। ਕੂਲਰ ਨੂੰ ਹਮੇਸ਼ਾ ਅਜਿਹੀ ਹਵਾਦਾਰ ਜਗ੍ਹਾ 'ਤੇ ਰੱਖੋ ਜਿੱਥੇ ਕਰਾਸ ਵੈਂਟੀਲੇਸ਼ਨ ਚੰਗੀ ਹੋਵੇ।
ਘਾਹ ਦੀ ਸਫ਼ਾਈ
- ਕੂਲਰ ਦੀਆਂ ਜਾਲੀਆਂ 'ਚ ਲੱਗੀ ਘਾਹ ਨੂੰ ਸਮੇਂ-ਸਮੇਂ 'ਤੇ ਸਾਫ਼ ਕਰਨਾ ਬਹੁਤ ਜ਼ਰੂਰੀ ਹੈ। ਜੇਕਰ ਘਾਹ ਸਾਫ਼ ਨਾ ਹੋਵੇ, ਤਾਂ ਇਹ ਵੀ ਬਦਬੂ ਦਾ ਵੱਡਾ ਕਾਰਨ ਬਣਦੀ ਹੈ।
ਨਿੰਬੂ ਅਤੇ ਸਿਰਕੇ ਦਾ ਇਸਤੇਮਾਲ
- ਪਾਣੀ 'ਚ ਨਿੰਬੂ ਦੇ ਟੁਕੜੇ ਜਾਂ ਸਿਰਕਾ ਪਾਉਣ ਨਾਲ ਪਾਣੀ 'ਚ ਮੌਜੂਦ ਛੋਟੇ ਜੀਵਾਣੂ ਮਰ ਜਾਂਦੇ ਹਨ ਅਤੇ ਬਦਬੂ ਖ਼ਤਮ ਹੋ ਜਾਂਦੀ ਹੈ।
ਐਸੈਂਸ਼ੀਅਲ ਆਇਲ
- ਕੂਲਰ 'ਚ ਐਸੈਂਸ਼ੀਅਲ ਆਇਲ ਦੀਆਂ ਕੁਝ ਬੂੰਦਾਂ ਪਾ ਕੇ ਵੀ ਬਦਬੂ ਤੋਂ ਛੁਟਕਾਰਾ ਪਾਇਆ ਜਾ ਸਕਦਾ ਹੈ, ਕਿਉਂਕਿ ਇਹ ਕੁਦਰਤੀ ਡੀਓਡੋਰਾਈਜ਼ਰ ਵਜੋਂ ਕੰਮ ਕਰਦੇ ਹਨ।
ਇਨ੍ਹਾਂ ਸਧਾਰਨ ਨੁਸਖਿਆਂ ਨੂੰ ਅਪਣਾ ਕੇ ਤੁਸੀਂ ਕੂਲਰ ਦੀ ਬਦਬੂ ਤੋਂ ਮੁਕਤੀ ਪਾ ਸਕਦੇ ਹੋ ਅਤੇ ਗਰਮੀਆਂ 'ਚ ਸੁਖਦ ਅਹਿਸਾਸ ਦਾ ਆਨੰਦ ਲੈ ਸਕਦੇ ਹੋ।
AC 'ਚੋਂ ਲਗਾਤਾਰ ਨਿਕਲ ਰਿਹੈ ਪਾਣੀ ਤਾਂ ਨਾ ਕਰੋ ਇਗਨੋਰ ! ਜਾਣੋ ਇਸ ਦੇ ਕਾਰਨਅਤੇ ਬਚਾਅ ਦੇ ਤਰੀਕੇ
NEXT STORY 
