ਗੈਜੇਟ ਡੈਸਕ - ਐਪਲ ਦੇ ਆਈਫੋਨਾਂ ਦੀ ਲੋਕਪ੍ਰਿਯਤਾ ਪੂਰੀ ਦੁਨੀਆ 'ਚ ਹੈ ਅਤੇ ਲੋਕ ਇਸ ਨੂੰ ਖਰੀਦਣ ਲਈ ਲੰਬੀਆਂ ਲਾਈਨਾਂ 'ਚ ਵੀ ਖੜ੍ਹੇ ਹੁੰਦੇ ਹਨ ਪਰ ਜੇਕਰ ਤੁਸੀਂ ਵੀ ਨਵਾਂ ਆਈਫੋਨ ਖਰੀਦਣ ਦੀ ਯੋਜਨਾ ਬਣਾ ਰਹੇ ਹੋ, ਤਾਂ ਸਾਵਧਾਨ ਹੋ ਜਾਣ ਦੀ ਲੋੜ ਹੈ। ਸੋਸ਼ਲ ਮੀਡੀਆ ਅਤੇ ਮੀਡੀਆ ਰਿਪੋਰਟਾਂ 'ਚ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਨਵੇਂ ਆਈਫੋਨ ਮਾਡਲਾਂ 'ਚ ਬੈਟਰੀ ਅਤੇ ਚਾਰਜਿੰਗ ਨੂੰ ਲੈ ਕੇ ਗੰਭੀਰ ਸਮੱਸਿਆਵਾਂ ਸਾਹਮਣੇ ਆ ਰਹੀਆਂ ਹਨ।
ਕੀ ਹੈ ਮੁੱਖ ਸਮੱਸਿਆ?
ਰਿਪੋਰਟਾਂ ਮੁਤਾਬਕ, ਜੇਕਰ ਨਵੇਂ ਆਈਫੋਨ ਦੀ ਬੈਟਰੀ ਇਕ ਵਾਰ ਜ਼ੀਰੋ (0%) ਹੋ ਜਾਂਦੀ ਹੈ, ਤਾਂ ਚਾਰਜਿੰਗ 'ਤੇ ਲਗਾਉਣ ਤੋਂ ਬਾਅਦ ਵੀ ਹੈਂਡਸੈੱਟ ਤੁਰੰਤ ਕੋਈ ਜਵਾਬ ਨਹੀਂ ਦਿੰਦਾ। ਇਹ ਸਮੱਸਿਆ ਖਾਸ ਤੌਰ 'ਤੇ ਨਵੇਂ ਮਾਡਲਾਂ, iPhone 17 ਅਤੇ iPhone Air 'ਚ ਦੇਖੀ ਜਾ ਰਹੀ ਹੈ। ਜਦੋਂ ਫੋਨ ਚਾਰਜਿੰਗ 'ਤੇ ਲਗਾਇਆ ਜਾਂਦਾ ਹੈ, ਤਾਂ ਸਕ੍ਰੀਨ ਪੂਰੀ ਤਰ੍ਹਾਂ ਕਾਲੀ ਰਹਿੰਦੀ ਹੈ ਅਤੇ ਕੋਈ ਚਾਰਜਿੰਗ ਇੰਡੀਕੇਟਰ ਵੀ ਨਜ਼ਰ ਨਹੀਂ ਆਉਂਦਾ।
ਚਾਰਜਿੰਗ ਦੌਰਾਨ ਆ ਰਹੀਆਂ ਦਿੱਕਤਾਂ :-
ਵਾਇਰਡ ਚਾਰਜਿੰਗ
- ਜਦੋਂ ਬੈਟਰੀ ਪੂਰੀ ਤਰ੍ਹਾਂ ਖਤਮ ਹੋ ਜਾਂਦੀ ਹੈ, ਤਾਂ ਵੱਖ-ਵੱਖ USB ਕੇਬਲਾਂ ਦੀ ਵਰਤੋਂ ਕਰਨ 'ਤੇ ਵੀ ਡਿਵਾਈਸ ਤੁਰੰਤ ਰਿਸਪਾਂਸ ਨਹੀਂ ਕਰਦੀ।
ਵਾਇਰਲੈੱਸ ਚਾਰਜਿੰਗ
- ਵਾਇਰਲੈੱਸ ਚਾਰਜਰ ਦੀ ਵਰਤੋਂ ਕਰਨ 'ਤੇ, ਪੂਰੀ ਤਰ੍ਹਾਂ ਡਿਸਚਾਰਜ ਹੋਏ ਫੋਨ ਨੂੰ ਦੁਬਾਰਾ ਆਨ ਹੋਣ 'ਚ 5 ਤੋਂ 10 ਮਿੰਟ ਤੱਕ ਦਾ ਸਮਾਂ ਲੱਗ ਸਕਦਾ ਹੈ।
ਕਿਉਂ ਹੋ ਰਿਹੈ ਅਜਿਹਾ?
ਇਸ ਮਾਮਲੇ 'ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਫੋਨ ਨੂੰ ਦੁਬਾਰਾ ਰੀਬੂਟ ਹੋਣ ਲਈ ਇਕ ਘੱਟੋ-ਘੱਟ ਬੈਟਰੀ ਵੋਲਟੇਜ ਦੀ ਲੋੜ ਹੁੰਦੀ ਹੈ। ਜੇਕਰ ਬੈਟਰੀ ਦਾ ਪੱਧਰ ਉਸ ਨਿਰਧਾਰਿਤ ਵੋਲਟੇਜ ਤੋਂ ਵੀ ਹੇਠਾਂ ਚਲਾ ਜਾਂਦਾ ਹੈ, ਤਾਂ ਚਾਰਜਿੰਗ ਸ਼ੁਰੂ ਹੋਣ ਅਤੇ ਫੋਨ ਦੇ ਚਾਲੂ ਹੋਣ 'ਚ ਥੋੜ੍ਹਾ ਸਮਾਂ ਲੱਗਦਾ ਹੈ।
ਇਸ ਲਈ, ਜੇਕਰ ਤੁਸੀਂ ਨਵਾਂ ਆਈਫੋਨ ਖਰੀਦਣ ਜਾ ਰਹੇ ਹੋ, ਤਾਂ ਇਨ੍ਹਾਂ ਤਕਨੀਕੀ ਪਹਿਲੂਆਂ ਨੂੰ ਧਿਆਨ 'ਚ ਰੱਖਣਾ ਬਹੁਤ ਜ਼ਰੂਰੀ ਹੈ।
AC ਦੀ ਕੂਲਿੰਗ ਕੋਇਲ ਖਰਾਬ ਹੋਣ 'ਤੇ ਕਿਤੇ ਤੁਸੀਂ ਵੀ ਤਾਂ ਨਹੀਂ ਕਰ ਰਹੇ ਨਵਾਂ AC ਦੀ ਤਿਆਰੀ ! ਪੜੋ ਇਹ ਪੂਰੀ ਖਬਰ
NEXT STORY 
