ਜਲੰਧਰ : ਸਾਇੰਸ ਅਤੇ ਟੈਕਨਾਲੋਜੀ ਨਾਲ ਜੁੜੀਆਂ ਫਿਲਮਾਂ ਹਰ ਕਿਸੇ ਦੀ ਪਹਿਲੀ ਪਸੰਦ ਨਹੀਂ ਹੁੰਦੀਆਂ ਪਰ ਜੇਕਰ ਤੁਸੀਂ ਉਨ੍ਹਾਂ ਲੋਕਾਂ ਵਿਚੋਂ ਹੋ ਜੋ ਸਾਇੰਸ ਨੂੰ ਆਪਣੀ ਲਾਈਫ ਵਿਚ ਤਵੱਜੋ ਦਿੰਦੇ ਹਨ ਅਤੇ ਸਾਇੰਸ ਫਿਕਸ਼ਨ ਮੂਵੀਜ਼ ਵੇਖਣਾ ਪਸੰਦ ਕਰਦੇ ਹਨ ਤਾਂ ਇਹ ਤੁਹਾਡੇ ਲਈ ਹੀ ਬਣੀਆਂ ਹਨ । ਅਸੀਂ ਪੂਰੀ ਤਰ੍ਹਾਂ ਤਾਂ ਨਹੀਂ ਕਹਿ ਸਕਦੇ ਕਿ ਇਹ ਫਿਲਮਾਂ ਤੁਹਾਨੂੰ ਪਸੰਦ ਆਉਣਗੀਆਂ ਪਰ ਇਸ ਵਿਚ ਵਿਖਾਈ ਗਈ ਟੈਕਨਾਲੋਜੀ ਅਤੇ ਇਨਸਾਨੀ ਸੋਚ ਤੁਹਾਨੂੰ ਸਾਇੰਸ ਦਾ ਦੀਵਾਨਾ ਜ਼ਰੂਰ ਬਣਾ ਦੇਵੇਗੀ ।
The Martian
ਸਿਰਫ ਸਾਇੰਸ ਵਿਚ ਦਿਲਚਸਪੀ ਲੈਣ ਵਾਲਿਆਂ ਲਈ ਇਹ ਫਿਲਮ ਨਹੀਂ ਹੈ । ਇਸ ਵਿਚ ਵਿਗਿਆਨੀਆਂ ਦਾ ਇਕ ਸਮੂਹ ਮੰਗਲ ਗ੍ਰਹਿ 'ਤੇ ਜਾਂਦਾ ਹੈ ਅਤੇ ਇਕ ਹਾਦਸੇ ਵਿਚ ਸਾਰੇ ਲੋਕ ਮਾਰੇ ਜਾਂਦੇ ਹਨ ਅਤੇ ਇਕ ਵਿਅਕਤੀ ਜ਼ਿੰਦਾ ਰਹਿ ਜਾਂਦਾ ਹੈ । ਮੰਗਲ ਗ੍ਰਹਿ ਉੱਤੇ ਜ਼ਿੰਦਾ ਰਹਿਣ ਅਤੇ ਧਰਤੀ ਉੱਤੇ ਵਾਪਸ ਆਉਣ ਤੱਕ ਦੀ ਕਹਾਣੀ ਦਰਸਾਈ ਗਈ ਹੈ ।
Ex Machine
ਐਕਸ ਮਸ਼ੀਨ ਇਕ ਸਾਇੰਸ ਆਧਾਰਿਤ ਫਿਲਮ ਹੋਣ ਦੇ ਨਾਲ-ਨਾਲ ਤੁਹਾਡੇ ਮਨ ਵਿਚ ਡਰ ਵੀ ਪੈਦਾ ਕਰਦੀ ਹੈ । ਇਸ ਵਿਚ ਇਕ ਇਨਸਾਨ ਦੁਆਰਾ ਰੋਬੋ ਬਣਾਏ ਜਾਣ ਅਤੇ ਉਸੇ ਵੱਲੋਂ ਟੀਮ ਦੇ ਸਾਰੇ ਮੈਂਬਰਾਂ 'ਤੇ ਹਾਵੀ ਹੋ ਜਾਣਾ ਅਤੇ ਇਸ ਤੋਂ ਛੁਟਕਾਰਾ ਪਾਉਣ ਦੀ ਕਹਾਣੀ ਸਾਬਤ ਕਰੇਗੀ ਕਿ ਸਾਇੰਸ ਡਰ ਵੀ ਪੈਦਾ ਕਰ ਸਕਦੀ ਹੈ ।
Avengers: Age of Ultron
ਅਵੈਂਜਰਸ ਸੀਰੀਜ਼ ਦਾ ਇਹ ਦੂਜਾ ਪਾਰਟ ਜੇਕਰ ਤੁਸੀਂ ਨਹੀਂ ਵੇਖਿਆ ਤਾਂ ਤੁਸੀਂ ਹਮੇਸ਼ਾ ਇਹੀ ਸੋਚੋਗੇ ਕਿ ਭਵਿੱਖ ਦੀ ਟੈਕਨਾਲੋਜੀ ਖਤਰਨਾਕ ਹੀ ਹੋਵੇਗੀ ਕਿਉਂਕਿ ਇਸ ਵਿਚ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਦੇ ਚੰਗੇ ਅਤੇ ਭੈੜੇ ਦੋਵੇਂ ਪਹਿਲੂ ਦਿਖਾਏ ਗਏ ਹਨ ।
Tomorrowland
ਜੇਕਰ ਤੁਸੀਂ ਸੋਚ ਰਹੇ ਹੋ ਕਿ ਇਸ ਮੂਵੀ ਦਾ ਟਰੇਲਰ ਵੇਖ ਕੇ ਤੁਸੀਂ ਸਟੋਰੀ ਦੇ ਬਾਰੇ ਵਿਚ ਅੰਦਾਜ਼ਾ ਲਗਾ ਸਕਦੇ ਹੋ ਤਾਂ ਤੁਸੀਂ ਗਲਤ ਹੋ । ਇਸ ਵਿਚ ਇਕ ਛੋਟਾ ਜਿਹਾ ਪੈਂਡੇਂਟ ਟਾਈਪ ਬਟਨ ਤੁਹਾਨੂੰ ਫਿਊਚਰ ਵਿਚ ਲੈ ਜਾਂਦਾ ਹੈ । ਇਸ ਤੋਂ ਅੱਗੇ ਦੀ ਸਟੋਰੀ ਦਸ ਕੇ ਅਸੀਂ ਤੁਹਾਡਾ ਮਜ਼ਾ ਬੇ-ਸੁਆਦਾ ਨਹੀਂ ਕਰਾਂਗੇ ਜੋ ਤੁਹਾਨੂੰ ਫਿਲਮ ਦੇਖਣ ਵਿਚ ਆਵੇਗਾ ।
Star Wars : The Force Awakens
ਸਟਾਰ ਵਾਰਜ਼ ਸੀਰੀਜ਼ ਦਾ ਇਹ ਪਾਰਟ ਵੀ ਧਮਾਕੇਦਾਰ ਹੋਣ ਵਾਲਾ ਹੈ ਅਤੇ ਲੋਕਾਂ ਨੂੰ ਇਸ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ । ਅਜਿਹਾ ਇਸ ਲਈ ਕਿਉਂਕਿ ਯੂਟਿਊਬ 'ਤੇ ਇਸ ਦੇ ਟਰੇਲਰ ਨੂੰ ਹੀ 7 ਕਰੋੜ ਤੋਂ ਜ਼ਿਆਦਾ ਵਾਰ ਵੇਖਿਆ ਜਾ ਚੁੱਕਿਆ ਹੈ । ਇਹ ਸਾਇੰਸ ਫਿਕਸ਼ਨ ਦਾ ਇਕ ਵਧੀਆ ਨਮੂਨਾ ਹੈ ਕਿਉਂਕਿ ਇਸ ਵਿਚ ਦਿਖਾਏ ਗਏ ਹਥਿਆਰ ਅਤੇ ਏਅਰਕ੍ਰਾਫਟ ਮਾਡਰਨ ਵੈਪਨ ਤਕਨੀਕ ਲਈ ਪ੍ਰੇਰਨਾ ਦਾ ਕੰਮ ਕਰਦੇ ਹਨ ।
CHAPPiE
ਇਸ ਵਿਚ ਭਵਿੱਖ ਦੀ ਸੁਰੱਖਿਆ ਪ੍ਰਣਾਲੀ ਦੇ ਬਾਰੇ ਵਿਚ ਦੱਸਿਆ ਗਿਆ ਹੈ ਕਿ ਕਿਵੇਂ ਸੁਰੱਖਿਆ ਕਰਮਚਾਰੀਆਂ ਦੀ ਜਗ੍ਹਾ ਰੋਬੋਟਸ ਲੈ ਲੈਣਗੇ । ਕਹਾਣੀ ਵਿਚ ਟਵਿਟਸ ਉਦੋਂ ਆਉਂਦਾ ਹੈ ਜਦੋਂ ਇਸ ਪ੍ਰੋਗਰਾਮਡ ਰੋਬੋਟਸ ਵਿਚੋਂ ਇਕ ਆਪਣੇ-ਆਪ ਸੋਚਣ ਲੱਗ ਪੈਂਦਾ ਹੈ ।
Terminator : Genisys
ਟਰਮੀਨੇਟਰ ਸੀਰੀਜ਼ ਦਾ ਇਹ 5ਵਾਂ ਪਾਰਟ ਹੈ । ਸਾਨੂੰ ਆਪਣੀ ਦੁਨੀਆ ਨੂੰ ਸ਼ੈਤਾਨੀ ਰੋਬੋਟਸ ਤੋਂ ਬਚਾਣਾ ਹੈ ਅਤੇ ਇਸ ਉੱਤੇ ਇਹ ਫਿਲਮ ਆਧਾਰਿਤ ਹੈ ਜਿਸ ਵਿਚ ਭਵਿੱਖ ਦਾ ਜਾਨ ਕਾਨਰ ਭੂਤਕਾਲ ਵਿਚ ਆਪਣੀ ਮਾਂ ਨੂੰ ਬਚਾਉਣ ਅਤੇ ਜੱਜਮੈਂਟ ਡੇ ਨੂੰ ਰੋਕਣ ਲਈ ਇਕ ਨਵੀਂ ਰਣਨੀਤੀ ਬਣਾਉਂਦਾ ਹੈ ਅਤੇ ਨਾਲ ਹੀ ਦੁਸ਼ਮਣ ਵੀ ਕਾਨਰ ਨੂੰ ਰੋਕਣ ਦੀ ਕੋਸ਼ਿਸ਼ ਕਰਦੇ ਹਨ।
Victor Frankenstein
ਇਕ ਮਸ਼ਹੂਰ ਨਾਵਲ 'ਤੇ ਆਧਾਰਿਤ ਪਹਿਲਾਂ ਵੀ ਬਹੁਤ ਸਾਰੀਆਂ ਫਿਲਮਾਂ ਬਣ ਚੁੱਕੀਆਂ ਹਨ ਪਰ Victor Frankenstein ਦੀ ਸਟੋਰੀ ਲਾਈਨ ਅਤੇ ਐਨੀਮੇਸ਼ਨ ਬਾਕੀ ਸਾਰੀਆਂ ਫਿਲਮਾਂ ਨੂੰ ਫਿੱਕਾ ਕਰ ਦਿੰਦਾ ਹੈ । ਕੁਝ ਦਿਨ ਪਹਿਲਾਂ ਰਿਲੀਜ਼ ਹੋਈ ਇਸ ਫਿਲਮ ਵਿਚ ਇਨਸਾਨ ਆਪਣੀਆਂ ਹੱਦਾਂ ਤੋਂ ਪਰੇ ਜਾ ਕੇ ਵਿਗਿਆਨ ਦੀ ਸਹਾਇਤਾ ਨਾਲ ਮਰੇ ਹੋਏ ਲੋਕਾਂ ਨੂੰ ਜ਼ਿੰਦਾ ਕਰਨਾ ਚਾਹੁੰਦਾ ਹੈ ।
ਨਵੇਂ ਅਪਡੇਟ ਨਾਲ ਮਾਈਕ੍ਰੋਸਾਫਟ ਨੇ ਕਾਪੀ ਕੀਤੇ ਐਪਲ ਦੇ ਫੀਚਰਜ਼
NEXT STORY 
