ਨਵੀਂ ਦਿੱਲੀ : ਤਕਨਾਲੋਜੀ ਦੇ ਖੇਤਰ ਵਿੱਚ ਇੱਕ ਵੱਡੀ ਧਮਾਕਾ ਕਰਦੇ ਹੋਏ XElectron ਨੇ ਆਪਣਾ ਨਵਾਂ ਪਾਕਿਟ ਪੋਰਟੇਬਲ ਪ੍ਰੋਜੈਕਟਰ ਲਾਂਚ ਕੀਤਾ ਹੈ। ਇਹ ਪ੍ਰੋਜੈਕਟਰ ਤੁਹਾਡੇ ਘਰ ਦੀ ਸਾਧਾਰਨ ਕੰਧ ਨੂੰ 150 ਇੰਚ ਦੀ ਵੱਡੀ ਟੀਵੀ ਸਕ੍ਰੀਨ ਵਿੱਚ ਬਦਲਣ ਦੀ ਸਮਰੱਥਾ ਰੱਖਦਾ ਹੈ, ਜਿਸ ਨਾਲ ਯੂਜ਼ਰਸ ਨੂੰ ਘਰ ਬੈਠੇ ਹੀ ਸਿਨੇਮਾ ਹਾਲ (ਥੀਏਟਰ) ਵਰਗਾ ਅਨੁਭਵ ਮਿਲੇਗਾ।
XElectron ਦੇ ਇਸ 'PockerBeam' ਪ੍ਰੋਜੈਕਟਰ ਦੀ ਸਭ ਤੋਂ ਵੱਡੀ ਖ਼ੂਬੀ ਇਸਦਾ ਭਾਰ ਹੈ। ਇਹ ਮਹਿਜ਼ 600 ਗ੍ਰਾਮ ਦਾ ਹੈ, ਜਿਸ ਕਾਰਨ ਤੁਸੀਂ ਇਸਨੂੰ ਆਪਣੀ ਜੇਬ ਜਾਂ ਬੈਗ ਵਿੱਚ ਪਾ ਕੇ ਕਿਤੇ ਵੀ ਆਸਾਨੀ ਨਾਲ ਲਿਜਾ ਸਕਦੇ ਹੋ। ਇਸ ਵਿੱਚ 3,200mAh ਦੀ ਬੈਟਰੀ ਦਿੱਤੀ ਗਈ ਹੈ, ਜੋ ਇੱਕ ਵਾਰ ਫੁੱਲ ਚਾਰਜ ਹੋਣ 'ਤੇ ਲਗਾਤਾਰ 2 ਘੰਟੇ ਤੱਕ ਦਾ ਪਲੇਬੈਕ ਟਾਈਮ ਦਿੰਦੀ ਹੈ।
ਇਸ ਸਮਾਰਟ ਪ੍ਰੋਜੈਕਟਰ ਦੀ ਕੀਮਤ ਬਹੁਤ ਹੀ ਕਿਫ਼ਾਇਤੀ ਰੱਖੀ ਗਈ ਹੈ। ਤੁਸੀਂ ਇਸਨੂੰ ਮਹਿਜ਼ 9,990 ਰੁਪਏ ਵਿੱਚ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ ਜਾਂ ਐਮਾਜ਼ਾਨ ਤੋਂ ਖਰੀਦ ਸਕਦੇ ਹੋ।
ਸ਼ਾਨਦਾਰ ਫੀਚਰਸ ਨਾਲ ਲੈਸ
- ਡਿਸਪਲੇਅ: ਇਸ ਵਿੱਚ 720 ਪਿਕਸਲ HD ਰੈਜ਼ੋਲਿਊਸ਼ਨ ਮਿਲਦਾ ਹੈ। ਇਸਦਾ 6000 ਲਿਊਮਨਜ਼ ਵਾਲਾ LED ਲਾਈਟ ਸੋਰਸ 40,000 ਘੰਟਿਆਂ ਦੀ ਲੰਬੀ ਲਾਈਫ ਪ੍ਰਦਾਨ ਕਰਦਾ ਹੈ।
- ਸਮਾਰਟ ਫੰਕਸ਼ਨ: ਇਹ ਪ੍ਰੋਜੈਕਟਰ Android 13 ਓਪਰੇਟਿੰਗ ਸਿਸਟਮ 'ਤੇ ਕੰਮ ਕਰਦਾ ਹੈ ਅਤੇ ਇਸ ਵਿੱਚ 1GB ਰੈਮ ਤੇ 8GB ਦੀ ਇੰਟਰਨਲ ਸਟੋਰੇਜ ਦਿੱਤੀ ਗਈ ਹੈ।
- ਐਪਸ: ਇਸ ਵਿੱਚ Netflix, Amazon Prime Video ਅਤੇ Youtube ਵਰਗੀਆਂ OTT ਐਪਸ ਪਹਿਲਾਂ ਹੀ ਇੰਸਟਾਲ ਹਨ। ਯੂਜ਼ਰਸ ਗੂਗਲ ਪਲੇ ਸਟੋਰ ਰਾਹੀਂ ਆਪਣੀ ਪਸੰਦ ਦੀਆਂ ਹੋਰ ਐਪਸ ਵੀ ਡਾਊਨਲੋਡ ਕਰ ਸਕਦੇ ਹਨ।
- ਕਨੈਕਟੀਵਿਟੀ: ਬਿਹਤਰ ਕੁਨੈਕਸ਼ਨ ਲਈ ਇਸ ਵਿੱਚ WiFi, Bluetooth 5.0 ਅਤੇ ਵਾਇਰਲੈੱਸ ਸਕ੍ਰੀਨ ਮਿਰਰਿੰਗ ਦੀ ਸਹੂਲਤ ਹੈ। ਇਸ ਤੋਂ ਇਲਾਵਾ, ਦਮਦਾਰ ਆਵਾਜ਼ ਲਈ ਤੁਸੀਂ ਇਸ ਨਾਲ ਬਲੂਟੁੱਥ ਸਪੀਕਰ ਵੀ ਕਨੈਕਟ ਕਰ ਸਕਦੇ ਹੋ।
ਇਸ ਪ੍ਰੋਜੈਕਟਰ ਵਿੱਚ ਆਟੋ ਕੀਸਟੋਨ ਕਰੈਕਸ਼ਨ ਅਤੇ ਰੀਮੋਟ ਫੋਕਸ ਵਰਗੇ ਆਧੁਨਿਕ ਫੀਚਰਸ ਵੀ ਸ਼ਾਮਲ ਕੀਤੇ ਗਏ ਹਨ, ਜੋ ਇਸਨੂੰ ਵਰਤਣ ਵਿੱਚ ਬਹੁਤ ਆਸਾਨ ਬਣਾਉਂਦੇ ਹਨ।
US ਦੀਆਂ ਟੈੱਕ ਕੰਪਨੀਆਂ 'ਤੇ ਹਮਲੇ ਕਰੇਗਾ ਈਰਾਨ! ਐਪਲ-ਗੂਗਲ ਸਮੇਤ 18 ਫਰਮਾਂ ਹਿੱਟ ਲਿਸਟ 'ਤੇ
NEXT STORY 
