ਜਲੰਧਰ- ਅਮਰੀਕੀ ਕਾਰ ਨਿਰਮਾਤਾ ਕੰਪਨੀ ਸ਼ੇਵਰਲੇ ਨੇ ਆਪਣੀ ਮਸ਼ਹੂਰ ਐੱਸ. ਯੂ. ਵੀ ਟਰੇਲਬਲੇਜ਼ਰ (3hevrolet Trailblazer) ਦੀਆਂ ਕੀਮਤਾਂ 'ਚ ਭਾਰੀ ਕਟੌਤੀ ਦਾ ਐਲਾਨ ਕੀਤਾ ਹੈ। ਇਸ ਕਾਰ ਦੀ ਕੀਮਤ ਪਹਿਲਾਂ 26.4 ਲੱਖ ਰੁਪਏ ਸੀ ਪਰ ਹੁਣ ਕਟੌਤੀ ਤੋਂ ਬਾਅਦ 23.95 ਲੱਖ ਰੁਪਏ ਐਕਸ ਸ਼ੋਰੂਮ ਦਿੱਲੀ ਰਹਿ ਗਈ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਤਿਓਹਾਰਾਂ ਦੇ ਸੀਜਨ ਦੇ ਮੱਦੇਨਜ਼ਰ ਕੰਪਨੀ ਨੇ ਇਹ ਫੈਸਲਾ ਲਿਆ ਹੈ। ਕੰਪਨੀ ਦੇ ਦਾਅਵੇ ਦੇ ਮੁਤਾਬਕ ਇਹ ਐੱਸ. ਯੂ. ਵੀ 11.45 ਕਿਲੋਮੀਟਰ ਪ੍ਰਤੀ ਲਿਟਰ ਦੀ ਮਾਇਲੇਜ਼ ਦਿੰਦੀ ਹੈ।
ਸ਼ੇਵਰਲੇ ਟਰੇਲਬਲੇਜ਼ਰ ਨੂੰ ਪਿਛਲੇ ਸਾਲ ਅਕਤੂਬਰ ਦੇ ਮਹੀਨੇ 'ਚ ਲਾਂਚ ਕੀਤਾ ਗਿਆ ਸੀ। ਫਿਲਹਾਲ, ਇਹ ਐਸ. ਯੂ. ਵੀ ਸੀ. ਬੀ. ਯੂ ਯੂਨਿਟ ਦੇ ਤੌਰ 'ਤੇ ਵੇਚੀ ਜਾ ਰਹੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਸ਼ੇਵਰਲੇ ਟਰੇਲਬਲੇਜ਼ਰ ਨੂੰ ਟਿਓਟਾ ਫਾਰਚਿਊਨਰ ਅਤੇ ਫੋਰਡ ਐਂਡਵਰ ਤੋਂ ਕੜੀ ਟੱਕਰ ਮਿਲ ਰਹੀ ਹੈ ਜੋ ਇਸ ਕਟੌਤੀ ਦੀ ਇਕ ਅਤੇ ਵੱਡੀ ਵਜ੍ਹਾ ਹੈ।
ਸ਼ੇਵਰਲੇ ਟਰੇਲਬਲੇਜ਼ਰ 'ਚ 2.8-ਲਿਟਰ, 4-ਸਿਲੈਂਡਰ ਡੀਜ਼ਲ ਇੰਜਣ ਲਗਾ ਹੈ ਜੋ 197 ਬੀ. ਐੱਚ. ਪੀ ਦੀ ਪਾਵਰ ਅਤੇ 500Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ਇੰਜਣ ਨੂੰ 6-ਸਪੀਡ ਆਟੋਮੈਟਿਕ ਗਿਅਰਬਾਕਸ ਨਾਲ ਲੈਸ ਕੀਤਾ ਗਿਆ ਹੈ। ਸ਼ੇਵਰਲੇ ਟਰੇਲਬਲੇਜ਼ਰ 'ਚ 7-ਇੰਚ MyLink ਟਚਸਕਰੀਨ ਇੰਫੋਟੇਨਮੇਂਟ ਸਿਸਟਮ, ਹਿੱਲ ਕਲਾਇੰਬ ਅਸਿਸਟ, ਇਲੈਕਟ੍ਰਾਨਿਕ ਸਟੈਬੀਲਿਟੀ ਕੰਟਰੋਲ, ਏ. ਬੀ. ਐੱਸ ਅਤੇ ਟਰੈਕਸ਼ਨ ਕਟਰੋਲ ਜਿਹੇ ਕਈ ਅਤਿਆਧੁਨਿਕ ਫੀਚਰਸ ਮੌਜੂਦ ਹਨ।
ਰਿਲਾਇੰਸ ਜਿਓ ਆਫਰ ਨਾਲ ਲਾਂਚ ਹੋਇਆ ਜ਼ੋਲੋ ਈਰਾ 2, ਐਡ੍ਰਾਇਡ ਮਾਰਸ਼ਮੈਲੋ ਨਾਲ ਲੈਸ
NEXT STORY 
