ਗੈਜੇਟ ਡੈਸਕ : ਮੈਟਾ ਦੇ ਮਲਕੀਅਤ ਵਾਲਾ ਮੈਸੇਜਿੰਗ ਐਪ WhatsApp ਆਪਣੇ ਯੂਜ਼ਰਸ ਲਈ ਲਗਾਤਾਰ ਨਵੇਂ-ਨਵੇਂ ਫੀਚਰਸ ਪੇਸ਼ ਕਰਦਾ ਰਹਿੰਦਾ ਹੈ। ਇਸ ਵਾਰ ਕੰਪਨੀ ਇੱਕ ਅਜਿਹਾ ਫੀਚਰ ਲਿਆਉਣ 'ਤੇ ਕੰਮ ਕਰ ਰਹੀ ਹੈ ਜੋ ਤੁਹਾਡੇ ਕਾਲਿੰਗ ਦੇ ਤਜ਼ਰਬੇ ਨੂੰ ਸ਼ਾਨਦਾਰ ਬਣਾ ਦੇਵੇਗਾ। ਇਸ ਨਵੇਂ ਨੋਇਸ ਕੈਂਸਲੇਸ਼ਨ (Noise Cancellation) ਫੀਚਰ ਦੀ ਮਦਦ ਨਾਲ ਯੂਜ਼ਰਸ ਸ਼ੋਰ-ਸ਼ਰਾਬੇ ਅਤੇ ਭੀੜ-ਭੜੱਕੇ ਵਾਲੀਆਂ ਥਾਵਾਂ 'ਤੇ ਵੀ ਬਿਨਾਂ ਕਿਸੇ ਰੁਕਾਵਟ ਦੇ ਬਿਲਕੁਲ ਸਾਫ਼ ਆਵਾਜ਼ ਵਿੱਚ ਗੱਲ ਕਰ ਸਕਣਗੇ।
ਜਾਣਕਾਰੀ ਅਨੁਸਾਰ, ਇਹ ਫੀਚਰ ਵਾਇਸ ਅਤੇ ਵੀਡੀਓ ਕਾਲ ਦੌਰਾਨ ਬੈਕਗ੍ਰਾਊਂਡ ਵਿੱਚ ਹੋਣ ਵਾਲੇ ਸ਼ੋਰ ਨੂੰ ਰੀਅਲ-ਟਾਈਮ ਵਿੱਚ ਆਪਣੇ ਆਪ ਘੱਟ ਕਰ ਦੇਵੇਗਾ। ਇਸ ਨਾਲ ਖ਼ਾਸ ਕਰਕੇ ਆਊਟਡੋਰ ਗੱਲਬਾਤ ਦੌਰਾਨ ਟ੍ਰੈਫਿਕ ਦੀ ਆਵਾਜ਼, ਤੇਜ਼ ਹਵਾ ਜਾਂ ਹੋਰ ਕਿਸੇ ਵੀ ਤਰ੍ਹਾਂ ਦਾ ਸ਼ੋਰ ਦੂਜੇ ਪਾਸੇ ਸੁਣਨ ਵਾਲੇ ਨੂੰ ਪਰੇਸ਼ਾਨ ਨਹੀਂ ਕਰੇਗਾ।
ਇਹ ਨਵਾਂ ਫੀਚਰ ਫਿਲਹਾਲ ਕੁਝ ਐਂਡਰੌਇਡ ਬੀਟਾ ਯੂਜ਼ਰਸ ਲਈ ਅਪਡੇਟ 2.26.14.14 ਦੇ ਨਾਲ ਦੇਖਿਆ ਗਿਆ ਹੈ। ਕੰਪਨੀ ਇਸ ਦੀ ਟੈਸਟਿੰਗ ਕਰ ਰਹੀ ਹੈ ਅਤੇ ਹੌਲੀ-ਹੌਲੀ ਇਸ ਨੂੰ ਸਾਰੇ ਯੂਜ਼ਰਸ ਲਈ ਜਾਰੀ ਕੀਤਾ ਜਾਵੇਗਾ। ਇਹ ਫੀਚਰ ਕਾਲ ਇੰਟਰਫੇਸ ਰਾਹੀਂ ਆਨ ਜਾਂ ਆਫ਼ ਕੀਤਾ ਜਾ ਸਕਦਾ ਹੈ, ਹਾਲਾਂਕਿ ਇਹ ਆਮ ਤੌਰ 'ਤੇ ਡਿਫਾਲਟ ਮੋਡ ਵਿੱਚ ਹੀ ਰਹੇਗਾ।
ਕਿਸ ਨੂੰ ਹੋਵੇਗਾ ਸਭ ਤੋਂ ਵੱਧ ਫਾਇਦਾ?
ਵਟਸਐਪ ਦਾ ਮਕਸਦ ਇਸ ਫੀਚਰ ਰਾਹੀਂ ਉਨ੍ਹਾਂ ਵਿਦਿਆਰਥੀਆਂ, ਰਿਮੋਟ ਕਰਮਚਾਰੀਆਂ ਅਤੇ ਲੋਕਾਂ ਦੀ ਮਦਦ ਕਰਨਾ ਹੈ ਜੋ ਅਕਸਰ ਸ਼ੋਰ-ਸ਼ਰਾਬੇ ਵਾਲੇ ਮਾਹੌਲ ਵਿੱਚ ਰਹਿ ਕੇ ਗੱਲ ਕਰਦੇ ਹਨ। ਇਸ ਫੀਚਰ ਨਾਲ ਯੂਜ਼ਰਸ ਆਪਣਾ ਮਾਹੌਲ ਬਦਲੇ ਬਿਨਾਂ ਹੀ ਇੱਕ ਬਿਹਤਰ ਕਾਲਿੰਗ ਅਨੁਭਵ ਹਾਸਲ ਕਰ ਸਕਣਗੇ। ਧਿਆਨ ਦੇਣ ਵਾਲੀ ਗੱਲ ਇਹ ਹੈ ਕਿ ਇਹ ਫੀਚਰ ਤੁਹਾਡੀ ਆਵਾਜ਼ ਦੂਜੇ ਪਾਸੇ ਸੁਣਨ ਵਾਲੇ ਨੂੰ ਸਾਫ਼ ਸੁਣਾਏਗਾ, ਪਰ ਤੁਹਾਨੂੰ ਦੂਜੇ ਪਾਸੇ ਦੀ ਆਵਾਜ਼ ਤਾਂ ਹੀ ਸਾਫ਼ ਆਵੇਗੀ ਜੇਕਰ ਉਨ੍ਹਾਂ ਨੇ ਵੀ ਇਹ ਫੀਚਰ ਆਨ ਕੀਤਾ ਹੋਵੇਗਾ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
Whatsapp Channel: https://whatsapp.com/channel/0029Va94hsaHAdNVur4L170e
iPhone ਖਰੀਦਣ ਦਾ ਸੁਨਹਿਰੀ ਮੌਕਾ, ਮਿਲ ਰਹੀ 28,000 ਰੁਪਏ ਤਕ ਦੀ ਛੋਟ
NEXT STORY 
