ਗੈਜੇਟ ਡੈਸਕ– Bolo Indya ਅਤੇ Roposo ਦੋ ਭਾਰਤੀ ਐਪਸ ਹਨ ਜੋ ਚੀਨੀ ਟਿਕਟਾਕ ਨੂੰ ਜ਼ਬਰਦਸਤ ਟੱਕਰ ਦੇ ਰਹੇ ਹਨ। ਇਹ ਦੋਵੇਂ ਐਪਸ ਗੂਗਲ ਪਲੇਅ ਸਟੋਰ ’ਤੇ ਮੁਫ਼ਤ ’ਚ ਡਾਊਨਲੋਡ ਕਰਨ ਲਈ ਉਪਲੱਬਧ ਹਨ। Roposo ਐਪ ਨੂੰ ਆਈਫੋਨ ਉਪਭੋਗਤਾ ਵੀ ਐਪਲ ਐਪ ਸਟੋਰ ਤੋਂ ਡਾਊਨਲੋਡ ਕਰ ਸਕਦੇ ਹਨ। Bolo Indya ਇਕ ਭਾਰਤੀ ਸ਼ਾਰਟ ਵੀਡੀਓ ਐਪ ਹੈ। ਉਪਭੋਗਤਾ ਇਸ ਐਪ ’ਚ ਵੀਡੀਓ ਬਣਾਉਣ ਤੋਂ ਇਲਾਵਾ ਵੀਡੀਓ ਵੇਖ ਸਕਦੇ ਹਨ। ਸੇਵਾਵਾਂ ਲੱਭ ਸਕਦੇ ਹਨ ਅਤੇ ਐਪ ਨੂੰ ਵੱਖ-ਵੱਖ ਭਾਸ਼ਾ ’ਚ ਇਸਤੇਮਾਲ ਵੀ ਸਕਦੇ ਹਨ। ਇਹ ਐਪ ਹਿੰਦੀ, ਤਮਿਲ, ਤੇਲਗੂ, ਬੰਗਾਲੀ, ਮਲਿਆਲਮ, ਕਨੰੜ, ਮਰਾਠੀ, ਪੰਜਾਬੀ ਅਤੇ ਉੜੀਆ ਭਾਸ਼ਾਵਾਂ ਨੂੰ ਸੁਪੋਰਟ ਕਰਦਾ ਹੈ। ਐਪ ਦਾ ਸਾਈਜ਼ 38 ਐੱਮ.ਬੀ. ਹੈ ਅਤੇ ਇਸ ਨੂੰ ਪਲੇਅ ਸਟੋਰ ’ਤੇ 4.6 ਰੇਟਿੰਗ ਮਿਲੀ ਹੈ। ਪਲੇਅ ਸਟੋਰ ਲਿਸਟਿੰਗ ਮੁਤਾਬਕ, ਐਪ ਨੂੰ ਹੁਣ ਤਕ 1 ਲੱਖ ਤੋਂ ਜ਼ਿਆਦਾ ਵਾਰ ਡਾਊਨਲੋਡ ਕੀਤਾ ਜਾ ਚੁੱਕਾ ਹੈ। ਉਪਭੋਗਤਾ ‘ਬੋਲੋ ਇੰਡੀਆ’ ਐਪ ’ਤੇ ਬਣਾਈਆਂ ਗਈਆਂ ਵੀਡੀਓਜ਼ ਨੂੰ ਦੂਜੇ ਸੋਸ਼ਲ ਮੀਡੀਆ ਐਪਸ ’ਤੇ ਵੀ ਸਾਂਝਾ ਕਰ ਸਕਦੇ ਹਨ।
ਗੱਲ ਕਰੀਏ Roposo ਦੀ ਤਾਂ ਇਹ ਗੂਗਲ ਪਲੇਅ ਸਟੋਰ ਅਤੇ ਐਪਲ ਐਪ ਸਟੋਰ ’ਤੇ ਉਪਲੱਬਧ ਹੈ। ਐਪ ਸਟੋਰ ’ਤੇ ਇਸ ਨੂੰ 4.5 ਰੇਟਿੰਗ ਜਦਕਿ ਪਲੇਅ ਸਟੋਰ ’ਤੇ 4.7 ਰੇਟਿੰਗ ਮਿਲੀ ਹੈ। ਇਸ ਐਪ ਰਾਹੀਂ ਉਪਭੋਗਤਾ ਵੱਖ-ਵੱਖ ਫਿਲਟਰਸ, ਸਟਿਕਰਸ ਅਤੇ ਇਫੈਕਟਸ ਦੀ ਵਰਤੋਂ ਕਰਕੇ ਵੀਡੀਓ ਬਣਾ ਸਕਦੇ ਹਨ। ਇਸ ਤੋਂ ਇਲਾਵਾ ਉਪਭੋਗਤਾ ਸਲੋਅ-ਮੋਸ਼ਨ, ਟਾਈਮ-ਲੈਪਸ, ਪੋਟਰੇਟਸ, ਸਟੂਡੀਓ ਲਾਈਟ, ਕੰਟੂਰ ਲਾਈਟ, ਸਟੇਜ ਅਤੇ ਸਟੇਜ ਮੋਨੋ ਲਾਈਟ ’ਚ ਵੀਡੀਓ ਰਿਕਾਰਡ ਕਰ ਸਕਦੇ ਹਨ।
ਇਸ ਐਪ ’ਚ ਵੀਡੀਓ ਅਤੇ ਤਸਵੀਰਾਂ ਐਡਿਟ ਵੀ ਕੀਤੀਆਂ ਜਾ ਸਕਦੀਆਂ ਹਨ। ਇਸ ਤੋਂ ਇਲਾਵਾ ਟ੍ਰੈਂਡਿੰਗ ਸਟਿਕਰਸ ਅਤੇ ਫਿਲਟਰ ਵੀ ਵੀਡੀਓ ਅਤੇ ਤਸਵੀਰਾਂ ’ਚ ਐਡ ਕੀਤੇ ਜਾ ਸਕਦੇ ਹਨ। ਐਪ ਅੰਗਰੇਜੀ, ਹਿੰਦੀ ਅਤੇ ਤਮਿਲ, ਤੇਲਗੂ, ਕਨੰੜ, ਗੁਜਰਾਤੀ, ਪੰਜਾਬੀ, ਮਰਾਠੀ ਅਤੇ ਬੰਗਾਲੀ ਭਾਸ਼ਾਵਾਂ ਨੂੰ ਸੁਪੋਰਟ ਕਰਦਾ ਹੈ।
5,000 ਰੁਪਏ ’ਚ ਘਰ ਲੈ ਜਾਓ ਟਾਟਾ ਦੀ ਹੈਚਬੈਕ ਕਾਰ, ਮਿਲ ਰਹੀ ਸ਼ਾਨਦਾਰ ਪੇਸ਼ਕਸ਼
NEXT STORY