ਗੈਜੇਟ ਡੈਸਕ - ਐਪਲ ਦੇ ਅਗਲੇ ਫਲੈਗਸ਼ਿਪ ਸਮਾਰਟਫੋਨ iPhone 18 Pro ਅਤੇ iPhone 18 Pro Max ਨੂੰ ਲੈ ਕੇ ਬਾਜ਼ਾਰ 'ਚ ਚਰਚਾਵਾਂ ਤੇਜ਼ ਹੋ ਗਈਆਂ ਹਨ। ਲੀਕ ਹੋਈਆਂ ਰਿਪੋਰਟਾਂ ਮੁਤਾਬਕ, ਕੰਪਨੀ ਇਸ ਵਾਰ ਡਿਜ਼ਾਈਨ ਤੋਂ ਲੈ ਕੇ ਕੈਮਰੇ ਅਤੇ ਬੈਟਰੀ ਤੱਕ ਕਈ ਵੱਡੇ ਬਦਲਾਅ ਕਰਨ ਦੀ ਤਿਆਰੀ ਕਰ ਰਹੀ ਹੈ, ਜੋ ਐਪਲ ਦੇ ਇਤਿਹਾਸ 'ਚ ਹੁਣ ਤੱਕ ਦੇ ਸਭ ਤੋਂ ਵੱਡੇ ਅਪਗ੍ਰੇਡ ਹੋ ਸਕਦੇ ਹਨ।
ਖਤਮ ਹੋ ਸਕਦਾ ਹੈ 'Dynamic Island'
ਸਭ ਤੋਂ ਹੈਰਾਨੀਜਨਕ ਬਦਲਾਅ ਫੋਨ ਦੇ ਫਰੰਟ ਡਿਜ਼ਾਈਨ 'ਚ ਦੇਖਣ ਨੂੰ ਮਿਲ ਸਕਦਾ ਹੈ। ਰਿਪੋਰਟਾਂ ਅਨੁਸਾਰ, ਐਪਲ ਪਹਿਲੀ ਵਾਰ Face ID ਸੈਂਸਰ ਨੂੰ ਸਕ੍ਰੀਨ ਦੇ ਹੇਠਾਂ ਦੇ ਸਕਦੀ ਹੈ। ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਮੌਜੂਦਾ 'Dynamic Island' ਡਿਜ਼ਾਈਨ ਨੂੰ ਹਟਾਇਆ ਜਾ ਸਕਦਾ ਹੈ ਅਤੇ ਇਸ ਦੀ ਜਗ੍ਹਾ ਇਕ ਛੋਟਾ ਪੰਚ-ਹੋਲ ਸੈਲਫੀ ਕੈਮਰਾ ਲਿਆ ਜਾ ਸਕਦਾ ਹੈ। ਇਸ ਨਾਲ ਯੂਜ਼ਰਸ ਨੂੰ ਵੀਡੀਓ ਦੇਖਣ ਅਤੇ ਗੇਮਿੰਗ ਦੌਰਾਨ ਬਿਹਤਰ ਫੁੱਲ-ਸਕ੍ਰੀਨ ਅਨੁਭਵ ਮਿਲੇਗਾ।
ਪ੍ਰੋ-ਲੈਵਲ ਕੈਮਰਾ ਫੀਚਰਸ
ਕੈਮਰਾ ਸਿਸਟਮ 'ਚ ਵੀ ਵੱਡੇ ਸੁਧਾਰ ਦੀ ਉਮੀਦ ਹੈ। ਲੀਕ ਮੁਤਾਬਕ, ਨਵੇਂ ਮਾਡਲ 'ਚ ਇਕ ਮਕੈਨੀਕਲ ਆਇਰਿਸ ਸਿਸਟਮ ਦਿੱਤਾ ਜਾ ਸਕਦਾ ਹੈ, ਜੋ ਘੱਟ ਰੋਸ਼ਨੀ 'ਚ ਫੋਟੋਗ੍ਰਾਫੀ ਨੂੰ ਬਿਹਤਰ ਬਣਾਏਗਾ। ਇਸ ਤੋਂ ਇਲਾਵਾ, ਸੈਮਸੰਗ ਦੇ ਨਵੇਂ ਥ੍ਰੀ-ਲੇਅਰ ਸਟੈਕਡ ਇਮੇਜ ਸੈਂਸਰ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ, ਜਿਸ ਨਾਲ ਫੋਟੋਆਂ 'ਚ ਨੋਇਸ ਘੱਟ ਹੋਵੇਗੀ ਅਤੇ ਡਾਇਨਾਮਿਕ ਰੇਂਜ ਬਿਹਤਰ ਮਿਲੇਗੀ।
ਦਮਦਾਰ A20 Pro ਚਿਪਸੈੱਟ ਅਤੇ ਵੱਡੀ ਬੈਟਰੀ
ਪਰਫਾਰਮੈਂਸ ਦੇ ਮਾਮਲੇ 'ਚ, ਇਸ 'ਚ A20 Pro ਚਿੱਪ ਹੋਵੇਗੀ ਜੋ 2nm ਪ੍ਰੋਸੈਸ 'ਤੇ ਆਧਾਰਿਤ ਹੋਵੇਗੀ। ਇਹ ਚਿੱਪ ਪੁਰਾਣੇ ਮਾਡਲ ਦੇ ਮੁਕਾਬਲੇ 15 ਫੀਸਦੀ ਜ਼ਿਆਦਾ ਸਪੀਡ ਅਤੇ 30 ਫੀਸਦੀ ਬਿਹਤਰ ਪਾਵਰ ਐਫੀਸ਼ੀਐਂਸੀ ਦੇਵੇਗੀ। ਬੈਟਰੀ ਦੀ ਗੱਲ ਕਰੀਏ ਤਾਂ iPhone 18 Pro Max 'ਚ 5100mAh ਦੀ ਵੱਡੀ ਬੈਟਰੀ ਮਿਲ ਸਕਦੀ ਹੈ, ਜਿਸ ਨਾਲ ਯੂਜ਼ਰਸ ਨੂੰ ਲੰਬਾ ਬੈਟਰੀ ਬੈਕਅੱਪ ਮਿਲੇਗਾ।
ਕਦੋਂ ਹੋਵੇਗਾ ਲਾਂਚ ਅਤੇ ਕੀ ਹੋਵੇਗੀ ਕੀਮਤ?
ਐਪਲ ਵੱਲੋਂ ਇਸ ਸੀਰੀਜ਼ ਨੂੰ ਸਤੰਬਰ 2026 'ਚ ਲਾਂਚ ਕੀਤੇ ਜਾਣ ਦੀ ਸੰਭਾਵਨਾ ਹੈ। ਕੀਮਤ ਦੀ ਗੱਲ ਕਰੀਏ ਤਾਂ iPhone 18 Pro ਦੀ ਸ਼ੁਰੂਆਤੀ ਕੀਮਤ ਲਗਭਗ 1,34,900 ਰੁਪਏ ਅਤੇ iPhone 18 Pro Max ਦੀ ਕੀਮਤ 1,49,900 ਰੁਪਏ ਦੇ ਆਸ-ਪਾਸ ਰਹਿ ਸਕਦੀ ਹੈ। ਹਾਲਾਂਕਿ, ਕੰਪਨੀ ਵੱਲੋਂ ਅਜੇ ਕੋਈ ਅਧਿਕਾਰਤ ਪੁਸ਼ਟੀ ਨਹੀਂ ਕੀਤੀ ਗਈ ਹੈ।
ਨਵਾਂ ਫੋਨ ਖਰੀਦਣ ਤੋਂ ਬਾਅਦ ਤੁਰੰਤ ਕਰੋ ਇਹ 5 ਸੈਟਿੰਗਜ਼, ਨਹੀਂ ਤਾਂ ਹੋ ਸਕਦਾ ਹੈ ਵੱਡਾ ਨੁਕਸਾਨ
NEXT STORY 
