ਗੈਜੇਟ ਡੈਸਕ - WhatsApp ਦੁਨੀਆ ਵਿੱਚ ਸਭ ਤੋਂ ਵੱਧ ਵਰਤੇ ਜਾਣ ਵਾਲਾ ਤਤਕਾਲ ਮੈਸੇਜਿੰਗ ਪਲੇਟਫਾਰਮਾਂ ਵਿੱਚੋਂ ਇੱਕ ਹੈ। ਇਸਦੀ ਮੂਲ ਕੰਪਨੀ ਮੇਟਾ ਇਸ ਦੇ ਲਈ ਲਗਾਤਾਰ ਨਵੇਂ ਫੀਚਰ ਲੈ ਕੇ ਆਉਂਦੀ ਹੈ, ਤਾਂ ਜੋ ਯੂਜ਼ਰਸ ਦਾ ਅਨੁਭਵ ਬਿਹਤਰ ਹੋ ਸਕੇ। ਵਟਸਐਪ ਨੂੰ ਇੰਸਟਾਗ੍ਰਾਮ ਵਰਗੀਆਂ ਵਿਸ਼ੇਸ਼ਤਾਵਾਂ ਰਾਹੀਂ ਇੱਕ ਹੋਰ ਇੰਟਰਐਕਟਿਵ ਪਲੇਟਫਾਰਮ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਹਾਲ ਹੀ 'ਚ ਕੰਪਨੀ ਨੇ WhatsApp ਸਟੇਟਸ ਲਈ ਨਵੇਂ ਫੀਚਰ ਜਾਰੀ ਕੀਤੇ ਹਨ। ਨਵੇਂ ਫੀਚਰ ਇੰਸਟਾਗ੍ਰਾਮ ਦੇ ਫੀਚਰ ਵਰਗੇ ਹਨ, ਜਿਸ ਦੀ ਵਰਤੋਂ ਨਾਲ ਦੋਸਤਾਂ ਅਤੇ ਪਰਿਵਾਰ ਨਾਲ ਸੰਪਰਕ ਹੋਰ ਬਿਹਤਰ ਹੋਵੇਗਾ।
ਵਟਸਐਪ ਨੇ ਲਿਆਂਗੇ ਨਵੇਂ ਫੀਚਰ
ਤੁਹਾਡੇ ਕਾਨਟੈਕਟ ਦੇ ਲੋਕਾਂ ਨੂੰ ਅਪਡੇਟ ਦੇਣ ਲਈ WhatsApp ਸਟੇਟਸ ਬਹੁਤ ਉਪਯੋਗੀ ਹੈ। ਕੰਪਨੀ ਲਗਾਤਾਰ ਇਸ ਫੀਚਰ ਨੂੰ ਬਿਹਤਰ ਬਣਾਉਣ ਦੀ ਕੋਸ਼ਿਸ਼ ਕਰਦੀ ਹੈ। ਨਵੇਂ ਫੀਚਰਸ ਨੂੰ ਜੋੜ ਕੇ ਕੰਪਨੀ ਨੇ WhatsApp ਸਟੇਟਸ ਨੂੰ ਹੋਰ ਇੰਟਰਐਕਟਿਵ ਬਣਾ ਦਿੱਤਾ ਹੈ।
ਆਓ ਜਾਣਦੇ ਹਾਂ ਕਿ ਨਵੇਂ ਫੀਚਰਸ ਦੇ ਆਉਣ ਤੋਂ ਬਾਅਦ ਵਟਸਐਪ ਸਟੇਟਸ ਦਾ ਮੂਡ ਕਿਵੇਂ ਬਦਲਿਆ ਹੈ, ਅਤੇ ਤੁਸੀਂ ਦੋਸਤਾਂ ਅਤੇ ਪਰਿਵਾਰ ਨਾਲ ਸਬੰਧਾਂ ਨੂੰ ਮਜ਼ਬੂਤ ਕਰਨ ਲਈ ਇਸ ਦੀ ਵਰਤੋਂ ਕਿਵੇਂ ਕਰ ਸਕਦੇ ਹੋ।
WhatsApp ਸਟੇਟਸ ਲਾਈਕ ਬਟਨ
ਮੇਟਾ ਨੇ ਵਟਸਐਪ ਯੂਜ਼ਰਸ ਲਈ ਨਵਾਂ ਲਾਇਕ ਬਟਨ ਜਾਰੀ ਕੀਤਾ ਹੈ। ਇਹ ਤੁਹਾਡੀ ਸਕਰੀਨ ਦੇ ਸੱਜੇ ਪਾਸੇ ਹੇਠਾਂ ਦਿਖਾਈ ਦਿੰਦਾ ਹੈ। ਤੁਸੀਂ ਕਿਸੇ ਦਾ ਸਟੇਟਸ ਦੇਖਦੇ ਹੋਏ ਪ੍ਰਤੀਕਿਰਿਆ ਦੇਣ ਲਈ ਇਸ ਵਿਕਲਪ ਦੀ ਵਰਤੋਂ ਕਰ ਸਕਦੇ ਹੋ। ਤੁਸੀਂ ਸਿੰਗਲ ਟੈਪ ਦੁਆਰਾ ਸਟੇਟਸ ਨੂੰ ਲਾਈਕ ਕਰ ਸਕਦੇ ਹੋ। ਇਹ ਸਟੇਟਸ ਲਾਈਕ ਪ੍ਰਾਈਵੇਟ ਹੁੰਦੇ ਹਨ ਅਤੇ ਸਿਰਫ ਉਹੀ ਵਿਅਕਤੀ ਦੇਖ ਸਕਦਾ ਹੈ ਜਿਸਦਾ ਸਟੇਟਸ ਤੁਸੀਂ ਲਾਈਕ ਕੀਤਾ ਹੈ।
WhatsApp ਸਟੇਟਸ ਟੈਗ ਫੀਚਰ
ਹੁਣ ਤੁਸੀਂ WhatsApp ਸਟੇਟਸ 'ਤੇ ਪਰਿਵਾਰ ਜਾਂ ਦੋਸਤਾਂ ਜਾਂ ਕਿਸੇ ਵੀ ਕਾਨਟੈਕਟ ਨੂੰ ਪ੍ਰਾਈਵੇਟ ਤੌਰ 'ਤੇ ਮੈਂਸ਼ਨ (Private Mention) ਕਰ ਸਕਦੇ ਹੋ। ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਕੋਈ ਖਾਸ ਵਿਅਕਤੀ ਤੁਹਾਡਾ ਸਟੇਟਸ ਦੇਖੇ, ਤਾਂ ਤੁਸੀਂ ਸਟੇਟਸ ਪੋਸਟ ਕਰਦੇ ਸਮੇਂ ਉਸ ਨੂੰ Mention ਕਰ ਸਕਦੇ ਹੋ।
ਇਹ ਵਟਸਐਪ ਸਟੇਟਸ 'ਤੇ ਕਿਸੇ ਨੂੰ ਟੈਗ ਕਰਨ ਵਰਗਾ ਹੈ, ਪਰ ਜਿਸ ਨੂੰ ਵੀ ਤੁਸੀਂ Mention ਕਰੋਗੇ ਉਹ ਕਿਸੇ ਹੋਰ ਨੂੰ ਦਿਖਾਈ ਨਹੀਂ ਦੇਵੇਗਾ। WhatsApp ਵਿਅਕਤੀ ਨੂੰ ਸਿਰਫ਼ ਸੂਚਿਤ ਕਰੇਗਾ ਕਿ ਉਸ ਦਾ ਸਟੇਟਸ 'ਤੇ Mention ਕੀਤਾ ਗਿਆ ਹੈ।
3 ਮਹੀਨਿਆਂ ਤਕ ਫ੍ਰੀ ਇੰਟਰਨੈੱਟ ਦੇ ਰਹੀ ਇਹ ਕੰਪਨੀ, BSNL, Airtel, ਤੇ Jio ਦੀ ਵਧੀ ਟੈਨਸ਼ਨ
NEXT STORY 
