ਜਲੰਧਰ: ਅਮਰੀਕਨ ਮਲਟੀਨੈਸ਼ਨਲ ਟੈਕਨਾਲੋਜੀ ਕੰਪਨੀ ਗੂਗਲ ਜਲਦ ਹੀ ਆਪਣੇ ਬਰਾਂਡ ਦੇ ਨਾਲ ਐਂਡ੍ਰਾਇਡ ਸਮਾਰਟਫੋਨ ਲਾਂਚ ਕਰ ਸਕਦੀ ਹੈ। ਕਿਹਾ ਜਾ ਰਿਹਾ ਹੈ ਕਿ ਨਵੇਂ ਗੂਗਲ-ਬਰਾਂਡ ਸਮਾਰਟਫੋਨ ਲਈ ਮੋਬਾਇਲ ਆਪਰੇਟਰ ਦੇ ਨਾਲ ਗੱਲਬਾਤ ਚੱਲ ਰਹੀ ਹੈ ਅਤੇ ਇਸ ਸਾਲ ਦੇ ਅੰਤ ਤੱਕ ਇਸ ਸਮਾਰਟਫੋਨ ਨੂੰ ਲਾਂਚ ਕੀਤਾ ਜਾ ਸਕਦਾ ਹੈ।
ਮੰਨਿਆ ਜਾ ਰਿਹਾ ਹੈ ਕਿ ਗੂਗਲ ਬਰਾਂਡ- ਐਂਡ੍ਰਾਇਡ ਸਮਾਰਟਫੋਨ ਲਾਂਚ ਕਰਨ ਦੇ ਨਾਲ ਕੰਪਨੀ ਸਾਫਟਵੇਅਰ ਦੇ ਨਾਲ ਡਿਜ਼ਾਇਨ 'ਤੇ ਵੀ ਜ਼ਿਆਦਾ ਕਾਬੂ ਚਾਹੁੰਦੀ ਹੈ। ਇਸ ਦੇ ਇਲਾਵਾ ਗੂਗਲ ਦੀ ਯੋਜਨਾ ਪ੍ਰੀਮੀਅਮ ਸਮਾਰਟਫੋਨ ਤੋਂ ਐਪਲ ਦੇ ਏਕਾਧਿਕਾਰ ਨੂੰ ਖਤਮ ਕਰਨ ਦਾ ਵੀ ਹੈ। ਦ ਟੇਲਾਗਰਾਫ ਨੇ ਗੂਗਲ ਅਤੇ ਮੋਬਾਇਲ ਆਪਰੇਟਰ ਦੇ 'ਚ ਗੱਲਬਾਤ ਨਾਲ ਜੁੜੇ ਲੋਕਾਂ ਦਾ ਹਵਾਲਾ ਦਿੰਦੇ ਹੋਏ ਲਿਖਿਆ ਹੈ ਕਿ ਨਵੇਂ ਗੂਗਲ-ਬਰਾਂਡ ਵਾਲੇ ਹੈਂਡਸੈੱਟ 'ਚ ਹਾਰਡਵੇਅਰ 'ਚ ਕੰਪਨੀ ਦਾ ਦਖਲ ਵਧੇਗਾ।
ਇਸ ਰਿਪੋਰਟ 'ਚ ਅਗੇ ਕਿਹਾ ਗਿਆ ਹੈ, ਇਕ ਉੱਤਮ ਨਿਯਮ ਮੁਤਾਬਕ, ਇਸ ਨਵੇਂ ਡਿਵਾਇਸ ਨੂੰ ਇਸ ਸਾਲ ਦੇ ਅੰਤ ਤੱਕ ਲਾਂਚ ਕੀਤਾ ਜਾਵੇਗਾ। ਇਸ ਫੋਨ ਦੇ ਡਿਜ਼ਾਇਨ, ਉਸਾਰੀ ਅਤੇ ਸਾਫਟਵੇਅਰ 'ਤੇ ਗੂਗਲ ਦਾ ਜ਼ਿਆਦਾ ਕਾਬੂ ਹੋਵੇਗਾ।
ਇਹ ਧਿਆਨ ਦੇਣ ਵਾਲੀ ਗੱਲ ਹੈ ਕਿ ਗੂਗਲ ਦੁਆਰਾ ਪਿਛਲੇ ਸਾਲ ਆਪਣਾ ਹੈਂਡਸੈੱਟ ਲਿਆਉਣ ਦੀ ਉਮੀਦ ਸੀ। ਫਿਲਹਾਲ ਗੂਗਲ ਦੇ ਸੀ. ਈ. ਓ ਸੁੰਦਰ ਪਿਚਾਈ ਗੂਗਲ-ਬਰਾਂਡ ਵਾਲੇ ਸਮਾਰਟਫੋਨ ਦੀ ਯੋਜਨਾ ਨੂੰ ਨਕਾਰ ਚੁਕੇ ਹਨ ਅਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਕੰਪਨੀ ਨੈਕਸਸ ਸੀਰੀਜ਼ ਲਈ ਆਪਣੀ ਪਾਰਟਨਰ ਕੰਪਨੀਆਂ ਦੇ ਨਾਲ ਮਿਲ ਕੇ ਕੰਮ ਕਰਦੀ ਰਹੇਗੀ।
ਇਸ ਗੱਲ 'ਚ ਕੋਈ ਸ਼ਕ ਨਹੀਂ ਹੈ ਕਿ ਆਪਣੇ ਸਮਾਰਟਫੋਨ ਬਣਾਉਣ ਤੋਂ ਗਗੂਲ ਦੇ ਵਰਤਮਾਨ ਓਰਿਜਨਲ ਇਕਵਿਪਮੈਂਟ ਮੈਨਿਊਫੈਕਚਰਰ (ਓ. ਈ. ਐਮ) ਦੇ ਨਾਲ ਰਿਸ਼ਤੇ ਪ੍ਰਭਾਵਿਤ ਹੋਣਗੇ। ਗੂਗਲ ਨੇ ਕਿਸੇ ਤਰ੍ਹਾਂ ਦੀਆਂ ਖਬਰਾਂ 'ਤੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਗੂਗਲ ਨੇ ਪਿਕਸਲ ਸੀ ਟੈਬਲੇਟ ਦੇ ਲਾਂਚ ਕਰਨ ਦੇ ਨਾਲ ਹੀ ਡਿਵਾਇਸ ਬਣਾਉਣ 'ਚ ਆਪਣਾ ਹੱਥ ਅਜਮਾਇਆ ਸੀ। ਗੂਗਲ ਨੇ ਇਸ ਟੈਬਲੇਟ ਨੂੰ ਪਿਛਲੇ ਸਾਲ ਨੈਕਸਸ 6ਪੀ ਅਤੇ ਨੈਕਸਸ 5ਐਕਸ ਦੇ ਨਾਲ ਹੀ ਲਾਂਚ ਕੀਤਾ ਸੀ।
BitTorrent ਨੇ ਲਾਂਚ ਕੀਤੀ ਮਿਊੁਜ਼ਿਕ ਤੇ ਵੀਡੀਓ ਸਟ੍ਰੀਮਿੰਗ ਐਪ
NEXT STORY 
