ਗੈਜੇਟ ਡੈਸਕ - ਭਾਰਤ 'ਚ ਇਨਫਿਨਿਕਸ ਨੇ ਆਪਣਾ GT 30 Pro 5G ਗੇਮਿੰਗ ਸਮਾਰਟਫੋਨ ਹਾਲੇ ਥੋੜ੍ਹੇ ਸਮੇਂ ਪਹਿਲਾਂ ਹੀ ਲਾਂਚ ਕੀਤਾ ਹੈ। ਦੱਸ ਦਈਏ ਕਿ ਇਨਫਿਨਿਕਸ ਦਾ ਇਹ ਗੇਮਿੰਗ ਸਮਾਰਟਫੋਨ ਪਿਛਲੇ ਸਾਲ ਲਾਂਚ ਕੀਤੇ ਗਏ ਇਨਫਿਨਿਕਸ GT 20 Pro ਦਾ ਅਪਗ੍ਰੇਡ ਹੈ। ਇਸ 'ਚ 12GB RAM, 5500mAh ਦੀ ਸ਼ਕਤੀਸ਼ਾਲੀ ਬੈਟਰੀ, ਬਾਈਪਾਸ ਚਾਰਜਿੰਗ ਸਮੇਤ ਕਈ ਮਜ਼ਬੂਤ ਫੀਚਰਜ਼ ਹਨ ਅਤੇ ਇਸ ਤੋਂ ਇਲਾਵਾ, ਇਹ ਫੋਨ ਵਾਇਰਡ ਅਤੇ ਵਾਇਰਲੈੱਸ ਚਾਰਜਿੰਗ ਫੀਚਰ ਨਾਲ ਲੈਸ ਹੈ। ਇਸ ਸਮਾਰਟਫੋਨ ਦੀ ਪਹਿਲੀ ਵਿਕਰੀ ਅੱਜ ਭਾਵ 12 ਜੂਨ ਤੋਂ ਸ਼ੁਰੂ ਹੋ ਗਈ ਹੈ। ਇਸ ਦੌਰਾਨ ਕੰਪਨੀ ਫੋਨ ਦੀ ਖਰੀਦ 'ਤੇ ਕਈ ਮਜ਼ਬੂਤ ਪੇਸ਼ਕਸ਼ਾਂ ਦੇ ਰਹੀ ਹੈ। ਆਓ ਇਸ ਦੇ ਫੀਚਰਜ਼ ਬਾਰੇ ਵਿਸਥਾਰ ਨਾਲ ਜਾਣਦੇ ਹਾਂ।
ਕੀ ਹੈ ਆਫਰ
ਜ਼ਿਕਰਯੋਗ ਹੈ ਕਿ ਇਹ ਸਮਾਰਟਫੋਨ ਦੋ ਸਟੋਰੇਜ ਵੇਰੀਐਂਟ 'ਚ ਆਉਂਦਾ ਹੈ ਜੋ ਕਿ 8GB RAM + 256GB ਅਤੇ 12GB RAM + 256GB ਹੈ। ਕੀਮਤ ਦੀ ਗੱਲ ਕੀਤੀ ਜਾਵੇ ਤਾਂ ਫੋਨ ਦੀ ਸ਼ੁਰੂਆਤੀ ਕੀਮਤ 24,999 ਰੁਪਏ ਹੈ। ਇਸ ਦੇ ਨਾਲ ਹੀ, ਇਸ ਦਾ ਟਾਪ ਮਾਡਲ 26,999 ਰੁਪਏ 'ਚ ਆਉਂਦਾ ਹੈ। ਪਹਿਲੀ ਸੇਲ 'ਚ, ਕੰਪਨੀ ਫੋਨ ਦੀ ਖਰੀਦ 'ਤੇ 2,000 ਰੁਪਏ ਦੀ ਫਲੈਟ ਛੋਟ ਦੇ ਰਹੀ ਹੈ। ਇਸ ਨੂੰ ਬਲੇਡ ਵ੍ਹਾਈਟ ਅਤੇ ਡਾਰਕ ਫਲੇਅਰ ਰੰਗ ਵਿਕਲਪਾਂ 'ਚ ਖਰੀਦਿਆ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ, ਫੋਨ ਦੀ ਖਰੀਦ 'ਤੇ ਨੋ-ਕਾਸਟ EMI ਅਤੇ ਐਕਸਚੇਂਜ ਆਫਰ ਵੀ ਦਿੱਤੇ ਜਾ ਰਹੇ ਹਨ।
Infinix GT 30 Pro ਦੇ ਫੀਚਰਜ਼ ਅਤੇ ਸਪੈਸੀਫਿਕੇਸ਼ਨਜ਼
ਇਹ ਗੇਮਿੰਗ ਫੋਨ 6.78-ਇੰਚ 1.5K ਰੈਜ਼ੋਲਿਊਸ਼ਨ AMOLED ਡਿਸਪਲੇਅ ਦੇ ਨਾਲ ਆਉਂਦਾ ਹੈ। ਇਸ ਫੋਨ ਦੀ ਡਿਸਪਲੇਅ 144Hz ਹਾਈ ਰਿਫਰੈਸ਼ ਰੇਟ ਫੀਚਰ ਨੂੰ ਸਪੋਰਟ ਕਰਦੀ ਹੈ। ਡਿਸਪਲੇਅ ਪ੍ਰੋਟੈਕਸ਼ਨ ਲਈ ਕਾਰਨਿੰਗ ਗੋਰਿਲਾ ਗਲਾਸ 7i ਦਿੱਤਾ ਗਿਆ ਹੈ। ਇਸ ਤੋਂ ਇਲਾਵਾ, ਫੋਨ ਦੀ ਡਿਸਪਲੇਅ TUV ਲੋਅ ਬਲੂ ਲਾਈਟ ਅਤੇ ਫਲਿੱਕਰ ਫ੍ਰੀ ਸਰਟੀਫਿਕੇਸ਼ਨ ਨਾਲ ਵੀ ਲੈਸ ਹੈ।
ਇਹ ਫੋਨ ਮੀਡੀਆਟੇਕ ਡਾਇਮੇਂਸਿਟੀ 8350 ਅਲਟੀਮੇਟ ਪ੍ਰੋਸੈਸਰ 'ਤੇ ਕੰਮ ਕਰਦਾ ਹੈ। ਇਸ ਦੇ ਨਾਲ, 12GB LPDDR5X ਰੈਮ ਅਤੇ 256GB ਤੱਕ ਇੰਟਰਨਲ ਸਟੋਰੇਜ ਲਈ ਸਪੋਰਟ ਉਪਲਬਧ ਹੋਵੇਗਾ। ਇਹ ਫੋਨ ਐਂਡਰਾਇਡ 15 'ਤੇ ਆਧਾਰਿਤ XOS 15 ਓਪਰੇਟਿੰਗ ਸਿਸਟਮ 'ਤੇ ਕੰਮ ਕਰਦਾ ਹੈ। ਇਸ ਇਨਫਿਨਿਕਸ ਫੋਨ 'ਚ ਸਰਕਲ-ਟੂ-ਸਰਚ, ਰਾਈਟਿੰਗ ਅਸਿਸਟੈਂਟ ਵਰਗੇ ਫੀਚਰਜ਼ ਵੀ ਉਪਲਬਧ ਹਨ।
ਇਸ ਗੇਮਿੰਗ ਫੋਨ ਵਿਚ 5500mAh ਬੈਟਰੀ ਹੈ ਜਿਸ ਵਿਚ 45W ਵਾਇਰਡ ਅਤੇ 30W ਵਾਇਰਡ ਫਾਸਟ ਚਾਰਜਿੰਗ ਫੀਚਰਜ਼ ਹਨ। ਇਹ ਫੋਨ 108MP ਮੁੱਖ ਅਤੇ 8MP ਅਲਟਰਾ ਵਾਈਡ ਕੈਮਰੇ ਦੇ ਨਾਲ ਆਉਂਦਾ ਹੈ। ਇਸ ਤੋਂ ਇਲਾਵਾ, ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਫੋਨ ਵਿਚ 13MP ਕੈਮਰਾ ਉਪਲਬਧ ਹੋਵੇਗਾ। ਗੇਮਿੰਗ ਲਈ, ਫੋਨ ਵਿਚ ਇਕ ਸਮਰਪਿਤ XBoost ਗੇਮਿੰਗ ਇੰਜਣ ਹੈ।
25 ਜੂਨ ਨੂੰ ਲਾਂਚ ਹੋ ਰਿਹਾ ਦੁਨੀਆ ਦਾ ਸਭ ਤੋਂ ਪਤਲਾ Foldable phone! ਫੀਚਰਜ਼ ਜਾਣ ਹੋ ਜਾਓਗੇ ਹੈਰਾਨ
NEXT STORY 
