ਗੈਜੇਟ ਡੈਸਕ– ਹਾਂਗਕਾਂਗ ਦੀ ਸਮਾਰਟਫੋਨ ਨਿਰਮਾਤਾ ਕੰਪਨੀ Infinix ਨੇ ਆਖਿਰਕਾਰ ਭਾਰਤ ’ਚ ਆਪਣੀ Infinix Note 11 ਸੀਰੀਜ਼ ਨੂੰ ਲਾਂਚ ਕਰ ਦਿੱਤਾ ਹੈ। ਇਸ ਤਹਿਤ ਕੰਪਨੀ ਨੇ ਦੋ ਨਵੇਂ ਫੋਨ infinix Note 11 ਅਤੇ Infinix Note 11S ਨੂੰ ਭਾਰਤੀ ਸਮਾਰਟਫੋਨ ਬਾਜ਼ਾਰ ’ਚ ਉਤਾਰਿਆ ਹੈ। ਕੀਮਤ ਦੀ ਗੱਲ ਕਰੀਏ ਤਾਂ infinix Note 11 ਦੀ ਕੀਮਤ 11,999 ਰੁਪਏ ਹੈ ਅਤੇ ਇਸ ਫੋਨ ਦੀ ਵਿਕਰੀ 23 ਦਸੰਬਰ ਤੋਂ ਸ਼ੁਰੂ ਹਵੇਗੀ, ਉਥੇ ਹੀ Infinix Note 11S ਸਮਾਰਟਫੋਨ ਦੇ 6 ਜੀ.ਬੀ. ਰੈਮ ਅਤੇ 64 ਜੀ.ਬੀ. ਸਟੋਰੇਜ ਮਾਡਲ ਦੀ ਕੀਮਤ 12,999 ਰੁਪਏ ਹੈ। ਜਦਕਿ 8 ਜੀ.ਬੀ. ਰੈਮ+128 ਜੀ.ਬੀ. ਸਟੋਰੇਜ ਮਾਡਲ ਨੂੰ ਗਾਹਕ 14,999 ਰੁਪਏ ’ਚ ਖਰੀਦ ਸਕਣਗੇ। ਇਸ ਫੋਨ ਦੀ ਵਿਕਰੀ ਈ-ਕਾਮਰਸ ਪਲੇਟਫਾਰਮ ਫਲਿਪਕਾਰਟ ’ਤੇ ਜਲਦ ਸ਼ੁਰੂ ਹੋਵੇਗੀ।
ਜਾਣੋ ਕੀ ਹੈ ਇਨ੍ਹਾਂ ਫੋਨਾਂ ’ਚ ਖਾਸ
- infinix ਨੇ ਦਾਅਵਾ ਕੀਤਾ ਹੈ ਕਿ ਇਹ ਫੋਨ ਆਪਣੇ ਸੈਗਮੈਂਟ ’ਚ ਬੈਸਟ ਗੇਮਿੰਗ ਫੋਨ ਹਨ। ਇਨ੍ਹਾਂ ’ਚ ਫਾਸਟ ਸਪੀਡ, ਅਲਟਰਾ ਸਮੂਥ ਡਿਸਪਲੇਅ ਦੇ ਨਾਲ ਫਾਸਟ ਚਾਰਜਿੰਗ ਦੀ ਵੀ ਸਪੋਰਟ ਦਿੱਤੀ ਗਈ ਹੈ।
- infinix Note 11 ਦੀ ਗੱਲ ਕੀਤੀ ਜਾਵੇ ਤਾਂ ਇਸ ਵਿਚ 6.7 ਇੰਚ ਦੀ ਫੁਲ-ਐੱਚ.ਡੀ. ਪਲੱਸ ਐਮੋਲੇਡ ਡਿਸਪਲੇਅ ਮਿਲਦੀ ਹੈ ਜੋ ਕਿ 750 ਨਿਟਸ ਪੀਕ ਬ੍ਰਾਈਟਨੈੱਟ ਨੂੰ ਸਪੋਰਟ ਕਰਦੀ ਹੈ, ਉਥੇ ਹੀ ਜੇਕਰ ਗੱਲ Infinix Note 11S ਦੀ ਕਰੀਏ ਤਾਂ ਇਸ ਵਿਚ 6.95 ਇੰਚ ਦੀ ਪੰਚਹੋਲ ਫੁਲ ਐੱਚ.ਡੀ. ਪਲੱਸ ਡਿਸਪਲੇਅ ਦਿੱਤੀ ਗਈ ਹੈ ਜੋ ਕਿ 120 ਹਰਟਜ਼ ਅਲਟਰਾ ਸਮੂਤ ਰਿਫ੍ਰੈਸ਼ ਰੇਟ ਨੂੰ ਸਪੋਰਟ ਕਰਦੀ ਹੈ।
- ਪ੍ਰੋਸੈਸਰ ਦੀ ਗੱਲ ਕੀਤੀ ਜਾਵੇ ਤਾਂ infinix Note 11 ’ਚ ਐਡਵਾਂਸ Helio G88 ਪ੍ਰੋਸੈਸਰ ਦਿੱਤਾ ਗਿਆ ਹੈ। ਉਥੇ ਹੀ Infinix Note 11S ’ਚ ਲੇਟੈਸਟ ਹੀਲਿਓ ਜੀ 96 ਪ੍ਰੋਸੈਸਰ ਮਿਲਦਾ ਹੈ।
- ਦੋਵੇਂ ਹੀ ਫੋਨ Dar-Link 2.0 ਗੇਮ ਬੂਸਟ ਤਕਨਾਲੋਜੀ ਨੂੰ ਸਪੋਰਟ ਕਰਦੇ ਹਨ।
- ਇਨ੍ਹਾਂ ਦੋਵਾਂ ਹੀ ਫੋਨਾਂ ’ਚ ਟ੍ਰਿਪਲ ਰੀਅਰ ਕੈਮਰਾ ਸੈੱਟਅਪ ਮਿਲਦਾ ਹੈ ਜਿਨ੍ਹਾਂ ’ਚੋਂ ਮੇਨ ਕੈਮਰਾ 50 ਮੈਗਾਪਿਕਸਲ ਦਾ ਹੈ, ਉਥੇ ਹੀ 2 ਮੈਗਾਪਿਕਸਲ ਦਾ ਡੈੱਪਥ ਸੈਂਸਰ ਅਤੇ ਇਕ ਪੋਟਰੇਟ ਲੈੱਨਜ਼ ਵੀ ਦਿੱਤਾ ਗਿਆ ਹੈ। ਸੈਲਫੀ ਲਈ ਇਨ੍ਹਾਂ ’ਚ 16 ਮੈਗਾਪਿਕਸਲ ਦਾ ਏ.ਆਈ. ਤਕਨੀਕ ਨੂੰ ਸਪੋਰਟ ਕਰਨ ਵਾਲਾ ਕੈਮਰਾ ਮਿਲਦਾ ਹੈ।
- ਇਨ੍ਹਾਂ ਫੋਨਾਂ ’ਚ 5000mAh ਦੀ ਦਮਦਾਰ ਬੈਟਰੀ ਮਿਲਦੀ ਹੈ ਜੋ 33 ਵਾਟ ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।
- ਗਾਹਕ ਇਨ੍ਹਾਂ ਦੋਵਾਂ ਹੀ ਫੋਨਾਂ ਨੂੰ ਤਿੰਨ ਰੰਗਾਂ ’ਚ ਖਰੀਦ ਸਕਣਗੇ।
ਸੈਮਸੰਗ ਨੂੰ ਪਛਾੜ ਦੂਜੇ ਸਥਾਨ 'ਤੇ ਪਹੁੰਚੀ ਰੀਅਲਮੀ, ਜਾਣੋ ਕਿਸ ਕੰਪਨੀ ਦੇ ਸਭ ਤੋਂ ਜ਼ਿਆਦਾ ਵਿਕੇ ਸਮਾਰਟ ਫ਼ੋਨ
NEXT STORY 
