ਗੈਜੇਟ ਡੈਸਕ - ਇੰਸਟਾਗ੍ਰਾਮ ਹੁਣ ਆਪਣੇ ਨਾਬਾਲਗ ਉਪਭੋਗਤਾਵਾਂ ਦੀ ਸੁਰੱਖਿਆ ਨੂੰ ਲੈ ਕੇ ਪਹਿਲਾਂ ਨਾਲੋਂ ਕਿਤੇ ਜ਼ਿਆਦਾ ਗੰਭੀਰ ਹੋ ਗਿਆ ਹੈ। Meta ਦੇ ਇਸ ਪਲੇਟਫਾਰਮ ਨੇ ਇਕ ਵੱਡਾ ਅਪਡੇਟ ਜਾਰੀ ਕੀਤਾ ਹੈ, ਜਿਸ ਦਾ ਮੁੱਖ ਮਕਸਦ ਘੱਟ ਉਮਰ ਦੇ ਬੱਚਿਆਂ ਨੂੰ ਸੁਰੱਖਿਅਤ ਅਤੇ ਉਨ੍ਹਾਂ ਦੀ ਉਮਰ ਦੇ ਮੁਤਾਬਕ ਕੰਟੈਂਟ ਦਿਖਾਉਣਾ ਹੈ।
ਹੁਣ 13+ ਫਿਲਮਾਂ ਵਰਗਾ ਕੰਟੈਂਟ ਹੀ ਦਿਖੇਗਾ
ਇਸ ਨਵੇਂ ਬਦਲਾਅ ਦੇ ਤਹਿਤ ਹੁਣ ਟੀਨਜ਼ ਨੂੰ ਉਹੀ ਕੰਟੈਂਟ ਦਿਖਾਇਆ ਜਾਵੇਗਾ ਜੋ ਆਮ ਤੌਰ 'ਤੇ 13+ ਉਮਰ ਦੀਆਂ ਫਿਲਮਾਂ ਦੇ ਪੱਧਰ ਦਾ ਹੁੰਦਾ ਹੈ। ਇੰਸਟਾਗ੍ਰਾਮ ਖੁਦ ਅਜਿਹੇ ਪੋਸਟਾਂ, ਵੀਡੀਓਜ਼ ਅਤੇ ਅਕਾਊਂਟਸ ਨੂੰ ਸੀਮਤ ਕਰੇਗਾ ਜੋ ਬੱਚਿਆਂ ਦੀ ਉਮਰ ਲਈ ਢੁਕਵੇਂ ਨਹੀਂ ਹਨ। ਇਹ ਸੈਟਿੰਗ ਡਿਫੌਲਟ ਰੂਪ 'ਚ ਲਾਗੂ ਹੋਵੇਗੀ ਅਤੇ ਬੱਚੇ ਇਸ ਨੂੰ ਮਾਪਿਆਂ ਦੀ ਇਜਾਜ਼ਤ ਤੋਂ ਬਿਨਾਂ ਬੰਦ ਨਹੀਂ ਕਰ ਸਕਣਗੇ।
ਮਾਪਿਆਂ ਨੂੰ ਮਿਲੇਗਾ 'ਲਿਮਿਟੇਡ ਕੰਟੈਂਟ' ਫੀਚਰ
ਮਾਰਕ ਜ਼ੁਕਰਬਰਗ ਦੀ ਕੰਪਨੀ ਹੁਣ ਮਾਪਿਆਂ ਨੂੰ ਵਧੇਰੇ ਕੰਟਰੋਲ ਦੇ ਰਹੀ ਹੈ। ਇਸ ਦੇ ਲਈ 'Limited Content' ਨਾਮ ਦਾ ਨਵਾਂ ਫੀਚਰ ਲਿਆਂਦਾ ਗਿਆ ਹੈ। ਇਸ ਰਾਹੀਂ ਮਾਪੇ ਇਹ ਤੈਅ ਕਰ ਸਕਣਗੇ ਕਿ ਉਨ੍ਹਾਂ ਦੇ ਬੱਚੇ ਨੂੰ ਕਿੰਨਾ ਅਤੇ ਕਿਸ ਤਰ੍ਹਾਂ ਦਾ ਕੰਟੈਂਟ ਦਿਖਾਈ ਦੇਵੇ।
ਖਤਰਨਾਕ ਅਤੇ ਸੰਵੇਦਨਸ਼ੀਲ ਕੰਟੈਂਟ 'ਤੇ ਰੋਕ
ਇੰਸਟਾਗ੍ਰਾਮ ਹੁਣ ਅਜਿਹੇ ਕੰਟੈਂਟ ਨੂੰ ਪੂਰੀ ਤਰ੍ਹਾਂ ਬਲਾਕ ਜਾਂ ਘੱਟ ਦਿਖਾਏਗਾ ਜਿਸ ਵਿੱਚ:
ਗਾਲੀ-ਗਲੋਚ ਜਾਂ ਗਲਤ ਵਿਵਹਾਰ ਹੋਵੇ।
ਖਤਰਨਾਕ ਸਟੰਟ ਦਿਖਾਏ ਗਏ ਹੋਣ।
ਸ਼ਰਾਬ, ਡਰੱਗਜ਼ ਜਾਂ ਡਰਾਉਣੇ ਵਿਜ਼ੂਅਲਸ ਸ਼ਾਮਲ ਹੋਣ।
AI ਨਾਲ ਹੋਵੇਗੀ ਨਿਗਰਾਨੀ
ਇੰਸਟਾਗ੍ਰਾਮ ਹੁਣ ਐਡਵਾਂਸ AI (ਆਰਟੀਫੀਸ਼ੀਅਲ ਇੰਟੈਲੀਜੈਂਸ) ਤਕਨੀਕ ਦੀ ਵਰਤੋਂ ਕਰ ਰਿਹਾ ਹੈ ਤਾਂ ਜੋ ਗਲਤ ਕੰਟੈਂਟ ਨੂੰ ਤੁਰੰਤ ਪਛਾਣ ਕੇ ਫਿਲਟਰ ਕੀਤਾ ਜਾ ਸਕੇ। ਇੱਥੋਂ ਤੱਕ ਕਿ ਬੱਚੇ ਹੁਣ ਸੰਵੇਦਨਸ਼ੀਲ ਸ਼ਬਦਾਂ ਨੂੰ ਸਰਚ ਵੀ ਨਹੀਂ ਕਰ ਸਕਣਗੇ ਅਤੇ ਗਲਤ ਸਪੈਲਿੰਗ ਪਾਉਣ 'ਤੇ ਵੀ ਅਜਿਹੇ ਨਤੀਜੇ ਸਾਹਮਣੇ ਨਹੀਂ ਆਉਣਗੇ।
ਸੁਰੱਖਿਅਤ ਮਾਹੌਲ ਬਣਾਉਣ ਦੀ ਕੋਸ਼ਿਸ਼
ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਅਪਡੇਟ ਦਾ ਉਦੇਸ਼ ਬੱਚਿਆਂ ਨੂੰ ਇਕ ਸੁਰੱਖਿਅਤ ਆਨਲਾਈਨ ਮਾਹੌਲ ਦੇਣਾ ਅਤੇ ਮਾਪਿਆਂ ਦਾ ਭਰੋਸਾ ਜਿੱਤਣਾ ਹੈ। ਜਿਹੜੇ ਅਕਾਊਂਟ ਬਾਰ-ਬਾਰ ਗਲਤ ਕੰਟੈਂਟ ਸ਼ੇਅਰ ਕਰਦੇ ਹਨ, ਬੱਚੇ ਉਨ੍ਹਾਂ ਨੂੰ ਫਾਲੋ ਨਹੀਂ ਕਰ ਸਕਣਗੇ ਅਤੇ ਜੇਕਰ ਪਹਿਲਾਂ ਤੋਂ ਫਾਲੋ ਕੀਤਾ ਹੋਇਆ ਹੈ, ਤਾਂ ਵੀ ਉਨ੍ਹਾਂ ਦੇ ਕਮੈਂਟ ਜਾਂ ਮੈਸੇਜ ਦਿਖਾਈ ਨਹੀਂ ਦੇਣਗੇ।
2028 ਤੋਂ ਪੈਟਰੋਲ ਬਾਈਕਾਂ ਦੀ ਵਿਕਰੀ ਹੋਵੇਗੀ ਬੰਦ ! ਦਿੱਲੀ 'ਚ ਸਿਰਫ਼ E-Bikes ਹੀ ਮਿਲਣਗੀਆਂ, EV ਡਰਾਫਟ ਜਾਰੀ
NEXT STORY 
