ਜਲੰਧਰ— ਜੇਕਰ ਤੁਸੀਂ ਚੰਗੀਆਂ ਤਸਵੀਰਾਂ ਕੈਪਚਰ ਕਰਨਾ ਚਾਹੁੰਦੇ ਹੋ ਤਾਂ ਜ਼ਰੂਰੀ ਨਹੀਂ ਕਿ ਤੁਹਾਡੇ ਕੋਲ ਕੈਮਰਾ ਹੋਵੇ, ਤੁਸੀਂ ਆਪਣੇ ਸਮਾਰਟਫੋਨ ਦੇ ਕੈਮਰੇ ਨਾਲ ਵੀ ਪ੍ਰੋਫੈਸ਼ਨਲ ਫੋਟੋਗ੍ਰਾਫੀ ਕਰ ਸਕਦੇ ਹੋ। ਅੱਜ ਅਸੀਂ ਤੁਹਾਨੂੰ ਸਮਾਰਟਫੋਨ ਨਾਲ ਪ੍ਰੋਫੈਸ਼ਨਲ ਫੋਟੋਗ੍ਰਾਫੀ ਕਰਨ ਦੇ ਕੁਝ ਟਿਪਸ ਬਾਰੇ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਦੀ ਮਦਦ ਨਾਲ ਤੁਸੀਂ ਆਪਣੇ ਸਮਾਰਟਫੋਨ ਨਾਲ ਹੀ ਬਿਹਤਰੀਨ ਤਸਵੀਰਾਂ ਖਿੱਚ ਸਕਦੇ ਹੋ।
1. ਡਿਜੀਟਲ ਜ਼ੂਮ ਦੀ ਘੱਟ ਵਰਤੋਂ-
ਜਦੋਂ ਵੀ ਸਮਾਰਟਫੋਨ ਨਾਲ ਫੋਟੋ ਕਲਿੱਕ ਕਰੋ ਤਾਂ ਧਿਆਨ ਰਹੇ ਕਿ ਡਿਜੀਟਲ ਜ਼ੂਮ ਦੀ ਵਰਤੋਂ ਘੱਟ ਤੋਂ ਘੱਟ ਹੋਵੇ। ਡਿਜੀਟਲ ਜ਼ੂਮ ਦੀ ਵਰਤੋਂ ਕਰਨ ਦੀ ਬਜਾਏ ਜੇਕਰ ਤੁਸੀਂ ਸਬਜੈਕਟ ਨੂੰ ਨੇੜਿਓਂ ਕਲਿੱਕ ਕਰੋਗੇ ਤਾਂ ਸ਼ਾਨਦਾਰ ਫੋਟੋ ਕਲਿੱਕ ਹੋਵੇਗੀ।
2. ਫਲੈਸ਼ ਦੀ ਘੱਟ ਵਰਤੋਂ-
ਸਮਾਰਟਫੋਨ 'ਚ ਫਲੈਸ਼ ਦੀ ਸੁਵਿਧਾ ਹੈ ਤਾਂ ਜ਼ਰੂਰੀ ਨਹੀਂ ਕਿ ਹਰ ਫੋਟੋ ਕਲਿੱਕ ਕਰਨ ਲਈ ਫਲੈਸ਼ ਦੀ ਵਰਤੋਂ ਕੀਤੀ ਜਾਵੇ। ਕਈ ਵਾਰ ਬਿਨਾਂ ਫਲੈਸ਼ ਤੋਂ ਵੀ ਖਿੱਟੀ ਗਈ ਫੋਟੋ ਚੰਗੀ ਕਲੈਰਿਟੀ ਪੇਸ਼ ਕਰਦੀ ਹੈ। ਘੱਟ ਰੋਸ਼ਨੀ 'ਚ ਫੋਟੋ ਕਲਿੱਕ ਕਰਨੀ ਹੈ ਤਾਂ ਉਸ ਲਈ ਤੁਸੀਂ ਕੈਮਰਾ ਸੈਟਿੰਗ 'ਚ ਜਾ ਕੇ ਐਕਸਪੋਜ਼ਰ ਜਾਂ ਆਈ.ਐੱਸ.ਓ. ਨੂੰ ਵਧਾ ਸਕਦੇ ਹੋ ਪਰ ਇਸ ਨੂੰ ਵਧਾਉਣ ਦੀ ਵੀ ਇਕ ਸੀਮਾ ਹੈ। ਇਸ ਦੇ ਜ਼ਿਆਦਾ ਵਧਣ ਨਾਲ ਵੀ ਫੋਟੋ ਖਰਾਬ ਹੋ ਜਾਂਦੀ ਹੈ।
3. ਐੱਚ.ਡੀ.ਆਰ. ਦੀ ਵਰਤੋਂ-
ਸਟਿੱਲ ਫੋਟੋਗ੍ਰਾਫੀ ਲਈ ਐੱਚ.ਡੀ.ਆਰ. ਮੋਡ ਇਕ ਚੰਗਾ ਆਪਸ਼ਨ ਹੈ। ਜੇਕਰ ਤੁਸੀਂ ਜ਼ਿਆਦਾ ਰੋਸ਼ਨੀ ਜਾਂ ਚਮਕੀਲੀਆਂ ਤਸਵੀਰਾਂ ਦੀ ਫੋਟੋ ਲੈ ਰਹੇ ਹੋ ਤਾਂ ਇਸ ਮੋਡ ਦੀ ਵਰਤੋਂ ਕਰੋ।
4. ਲੈਂਡਸਕੇਪ ਮੋਡ-
ਪ੍ਰੋਫੈਸ਼ਨਲ ਫੋਟੋਗ੍ਰਾਫੀ ਕਰਨਾ ਚਾਹੁੰਦੇ ਹੋ ਤਾਂ ਕੋਸ਼ਿਸ਼ ਕਰੋ ਕਿ ਲੈਂਡਸਕੇਪ ਮੋਡ 'ਚ ਹੀ ਫੋਟੋ ਕਲਿੱਕ ਹੋਵੇ। ਇਸ ਦੀ ਵਰਤੋਂ ਕਰਨ ਨਾਲ ਤੁਸੀਂ ਜ਼ਿਆਦਾ ਬੈਕਗ੍ਰਾਊਂਡ ਕਵਰ ਕਰ ਸਕੋਗੇ ਜਿਸ ਨਾਲ ਫੋਟੋ ਹੋਰ ਵੀ ਸ਼ਾਨਦਾਰ ਬਣ ਜਾਵੇਗੀ।
5. ਕੈਮਰੇ ਦਾ ਰੈਜ਼ੋਲਿਊਸ਼ਨ ਵਧਾਓ-
ਸਮਾਰਟਫੋਨ 'ਚ ਫੋਟੋ ਕੁਆਲਿਟੀ ਹਮੇਸ਼ਾ ਕੈਮਰੇ ਦੇ ਰੈਜ਼ੋਲਿਊਸ਼ਨ 'ਤੇ ਨਿਰਭਰ ਕਰਦੀ ਹੈ। ਕੈਮਰਾ ਰੈਜ਼ੋਲਿਊਸ਼ਨ ਜਿੰਨਾ ਜ਼ਿਆਦਾ ਹੋਵੇਗਾ ਫੋਟੋ ਉਨੀ ਹੀ ਸ਼ਾਨਦਾਰ ਹੋਵੇਗੀ। ਇਸ ਨੂੰ ਵਧਾਉਣ ਲਈ ਤੁਹਾਨੂੰ ਕੈਮਰੇ ਦੀ ਸੈਟਿੰਗ 'ਚ ਰੈਜ਼ੋਲਿਊਸ਼ਨ ਆਪਸ਼ਨ 'ਤੇ ਜਾਣਾ ਹੋਵੇਗਾ।
6. ਥਰਡ ਪਾਰਟੀ ਐਪ ਦੀ ਵਰਤੋਂ-
ਫੋਨ ਨਾਲ ਫੋਟੋਗ੍ਰਾਫੀ ਕਰਦੇ ਸਮੇਂ ਉਸ ਨੂੰ ਪ੍ਰੋਫੈਸ਼ਨ ਲੁੱਕ ਦੇਣ ਲਈ ਤੁਸੀਂ ਥਰਡ ਪਾਰਟੀ ਐਪ ਦੀ ਵਰਤੋਂ ਕਰ ਸਕਦੇ ਹੋ। ਐਂਡ੍ਰਾਇਡ ਫੋਨ ਯੂਜ਼ਰਸ ਲਈ ਗੂਗਲ ਪਲੇਅ ਸਟੋਰ 'ਤੇ ਫੋਟੋਗ੍ਰਾਫੀ ਦੇ ਬਹੁਤ ਸਾਰੇ ਐਪਸ ਮੌਜੂਦ ਹਨ। ਜਿਨ੍ਹਾਂ 'ਚ ਰੇਟ੍ਰਿਕਾ, ਪਿਕਸਆਰਟ ਅਤੇ ਗੂਗਲ ਕੈਮਰਾ ਆਦਿ ਸ਼ਾਮਲ ਹਨ।
7. ਫੋਟੋ ਨੂੰ ਕਰੋ ਫਿਲਟਰ-
ਸਮਾਰਟਫੋਨ 'ਚ ਫੋਟੋ ਕਲਿੱਕ ਕਰਨ ਤੋਂ ਬਾਅਦ ਤੁਹਾਨੂੰ ਫਿਲਟਰ ਦਾ ਆਪਸ਼ਨ ਮਿਲਦਾ ਹੈ। ਜਿਸ ਦੀ ਵਰਤੋਂ ਨਾਲ ਤੁਸੀਂ ਕਲਿੱਕ ਕੀਤੀ ਗਈ ਫੋਟੋ 'ਚ ਉਸ ਦੇ ਸ਼ੇਡ ਆਦਿ ਨੂੰ ਬਦਲ ਸਕਦੇ ਹੋ। ਇਸ ਨਾਲ ਫੋਟੋ ਨੂੰ ਪ੍ਰੋਫੈਸ਼ਨਲ ਬਣਾਉਣਾ ਹੋਰ ਆਸਾਨ ਹੋ ਜਾਂਦਾ ਹੈ। ਉਥੇ ਹੀ ਜੇਕਰ ਫਿਲਟਰ ਦੀ ਵਰਤੋਂ ਕਰਨੀ ਚਾਹੁੰਦੇ ਹੋ ਤਾਂ ਇਸ ਲਈ ਥਰਡ ਪਾਰਟੀ ਐਪਸ ਦੀ ਵਰਤੋਂ ਕਰ ਸਕਦੇ ਹੋ।
8. ਕੈਮਰਾ ਐਕਸੈਸਰੀਜ਼ ਦੀ ਵਰਤੋਂ-
ਬਾਜ਼ਾਰ 'ਚ ਕਈ ਅਜਿਹੇ ਸਮਾਰਟ ਗੈਜੇਟਸ ਉਪਲੱਬਧ ਹਨ ਜਿਨ੍ਹਾਂ ਨੂੰ ਮੋਬਾਇਲ ਨਾਲ ਕੁਨੈੱਕਟ ਕਰਕੇ ਤੁਸੀਂ ਪ੍ਰੋਫੈਸ਼ਨਲ ਫੋਟੋਗ੍ਰਾਫੀ ਕਰ ਸਕਦੇ ਹੋ, ਜਿਨ੍ਹਾਂ 'ਚ ਕੈਮਰਾ ਲੈਂਜ਼, ਜ਼ੂਮ ਅਤੇ ਸਮਾਰਟਫੋਨ ਕੈਮਰਾ ਟ੍ਰਾਈ ਪੋਡ ਆਦਿ ਸ਼ਾਮਲ ਹਨ। ਇਨ੍ਹਾਂ ਨੂੰ ਤੁਸੀਂ ਅਲੱਗ ਤੋਂ ਆਪਣੇ ਫੋਨ ਦੇ ਕੈਮਰੇ ਨਾਲ ਅਟੈਚ ਕਰਕੇ ਕੈਮਰੇ ਦੀ ਕੁਆਲਿਟੀ ਵਧਾ ਸਕਦੇ ਹੋ।
ਬਲੈਕਬੈਰੀ ਅਗਲੇ ਮਹੀਨੇ ਲਾਂਚ ਕਰੇਗੀ 2 ਸਸਤੇ ਸਮਾਰਟਫੋਨ
NEXT STORY 
