ਗੈਜੇਟ ਡੈਸਕ- ਟੈਕਨਾਲੋਜੀ ਕੰਪਨੀ ਰੀਅਲਮੀ ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣੀ ਨਵੀਂ ਸਮਾਰਟਵਾਚ Realme Watch S5 ਲਾਂਚ ਕਰ ਦਿੱਤੀ ਹੈ। ਇਸ ਵਾਚ ਨੂੰ ਕੰਪਨੀ ਨੇ ਆਪਣੇ ਨਵੇਂ ਸਮਾਰਟਫੋਨ Realme 16T ਦੇ ਨਾਲ ਪੇਸ਼ ਕੀਤਾ ਹੈ। ਇਹ ਸਮਾਰਟਵਾਚ ਆਪਣੇ ਬਿਹਤਰੀਨ ਬੈਟਰੀ ਬੈਕਅੱਪ ਅਤੇ ਪ੍ਰੀਮੀਅਮ ਡਿਸਪਲੇਅ ਫੀਚਰਜ਼ ਕਾਰਨ ਚਰਚਾ ਵਿੱਚ ਹੈ,।
ਇਸ ਸਮਾਰਟਵਾਚ ਦੀ ਸਭ ਤੋਂ ਵੱਡੀ ਵਿਸ਼ੇਸ਼ਤਾ ਇਸ ਦੀ ਬੈਟਰੀ ਹੈ, ਜੋ ਇੱਕ ਵਾਰ ਚਾਰਜ ਕਰਨ 'ਤੇ 20 ਦਿਨਾਂ ਤੱਕ ਚੱਲ ਸਕਦੀ ਹੈ,। ਡਿਸਪਲੇਅ ਦੀ ਗੱਲ ਕਰੀਏ ਤਾਂ ਇਸ ਵਿੱਚ 1.97 ਇੰਚ ਦੀ AMOLED ਡਿਸਪਲੇਅ ਦਿੱਤੀ ਗਈ ਹੈ, ਜੋ 1500 ਨਿਟਸ ਦੀ ਬ੍ਰਾਈਟਨੈੱਸ ਅਤੇ 60Hz ਰਿਫ੍ਰੈਸ਼ ਰੇਟ ਨੂੰ ਸਪੋਰਟ ਕਰਦੀ ਹੈ। ਇਸ ਵਿੱਚ 'ਆਲਵੇਜ਼-ਆਨ' ਡਿਸਪਲੇਅ ਦਾ ਫੀਚਰ ਵੀ ਮੌਜੂਦ ਹੈ।
Realme Watch S5 ਵਿੱਚ ਯੂਜ਼ਰਸ ਦੀ ਸਿਹਤ ਦਾ ਧਿਆਨ ਰੱਖਣ ਲਈ ਕਈ ਖਾਸ ਸੈਂਸਰ ਦਿੱਤੇ ਗਏ ਹਨ। ਇਸ ਵਿੱਚ SpO2 ਟ੍ਰੈਕਿੰਗ, ਹਾਰਟ ਰੇਟ ਮਾਨੀਟਰਿੰਗ, ਸਲੀਪ ਅਤੇ ਸਟ੍ਰੈੱਸ ਲੈਵਲ ਮਾਨੀਟਰਿੰਗ ਵਰਗੇ ਫੀਚਰਜ਼ ਸ਼ਾਮਲ ਹਨ,। ਖਾਸ ਤੌਰ 'ਤੇ ਔਰਤਾਂ ਲਈ ਵੀ ਇਸ ਵਿੱਚ ਇੱਕ ਵਿਸ਼ੇਸ਼ ਹੈਲਥ ਫੀਚਰ ਦਿੱਤਾ ਗਿਆ ਹੈ। ਖੇਡਾਂ ਦੇ ਸ਼ੌਕੀਨਾਂ ਲਈ ਇਸ ਵਿੱਚ 110 ਤੋਂ ਵੱਧ ਸਪੋਰਟਸ ਮੋਡਸ ਦਿੱਤੇ ਗਏ ਹਨ, ਜਿਨ੍ਹਾਂ ਵਿੱਚ ਰਨਿੰਗ, ਸਾਈਕਲਿੰਗ, ਯੋਗਾ ਅਤੇ ਬੈਡਮਿੰਟਨ ਸ਼ਾਮਲ ਹਨ।
ਹੋਰ ਫੀਚਰਜ਼
ਬਲੂਟੁੱਥ ਕਾਲਿੰਗ: ਇਸ ਵਾਚ ਰਾਹੀਂ ਯੂਜ਼ਰਸ ਸਿੱਧਾ ਆਪਣੀ ਕਲਾਈ ਤੋਂ ਕਾਲ ਕਰ ਅਤੇ ਸੁਣ ਸਕਦੇ ਹਨ,।
ਨੈਵੀਗੇਸ਼ਨ: ਬਿਹਤਰ ਲੋਕੇਸ਼ਨ ਟ੍ਰੈਕਿੰਗ ਲਈ ਇਸ ਵਿੱਚ GPS ਅਤੇ 5 ਸਿਸਟਮ GNSS ਪੋਜੀਸ਼ਨਿੰਗ ਦਿੱਤੀ ਗਈ ਹੈ।
ਡਿਜ਼ਾਈਨ: ਇਹ ਵਾਚ 5ATM ਵਾਟਰ ਰੇਜ਼ੀਸਟੈਂਸ ਹੈ, ਜਿਸਦਾ ਵਜ਼ਨ ਮਹਿਜ਼ 32 ਗ੍ਰਾਮ ਅਤੇ ਮੋਟਾਈ 11.8mm ਹੈ।
ਕੀਮਤ ਅਤੇ ਉਪਲਬਧਤਾ
ਭਾਰਤ ਵਿੱਚ Realme Watch S5 ਦੀ ਕੀਮਤ 7,999 ਰੁਪਏ ਤੈਅ ਕੀਤੀ ਗਈ ਹੈ। ਇਹ ਸਮਾਰਟਵਾਚ ਦੋ ਰੰਗਾਂ—ਸੈਂਡ ਵ੍ਹਾਈਟ ਅਤੇ ਰੌਕ ਗ੍ਰੇ ਵਿੱਚ ਉਪਲਬਧ ਹੋਵੇਗੀ। ਇਸ ਦੀ ਵਿਕਰੀ 5 ਜੂਨ ਨੂੰ ਦੁਪਹਿਰ 12 ਵਜੇ ਤੋਂ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਸ਼ੁਰੂ ਹੋਵੇਗੀ।
ਆਧਾਰ ਕਾਰਡ ਧਾਰਕਾਂ ਲਈ ਵੱਡੀ ਰਾਹਤ! ਇਸ ਤਰੀਕ ਤੱਕ ਵਧੀ ਮੁਫ਼ਤ ਦਸਤਾਵੇਜ਼ ਅਪਡੇਟ ਕਰਨ ਦੀ ਸਹੂਲਤ
NEXT STORY 
