ਗੈਜੇਟ ਡੈਸਕ- ਗਰਮੀਆਂ ਦੇ ਸੀਜ਼ਨ ਦੀ ਸ਼ੁਰੂਆਤ ਤੋਂ ਪਹਿਲਾਂ ਦਿੱਗਜ ਟੈਕਨਾਲੋਜੀ ਕੰਪਨੀ ਸੈਮਸੰਗ ਇੰਡੀਆ ਨੇ ਆਪਣੇ ਗਾਹਕਾਂ ਲਈ ਇੱਕ ਵੱਡੀ ਖੁਸ਼ਖਬਰੀ ਸਾਂਝੀ ਕੀਤੀ ਹੈ। ਕੰਪਨੀ ਨੇ ਇੱਕ ਵਿਸ਼ੇਸ਼ 'ਪ੍ਰੋਐਕਟਿਵ ਸਮਰ ਕੇਅਰ ਕੈਂਪੇਨ' ਦਾ ਐਲਾਨ ਕੀਤਾ ਹੈ, ਜਿਸ ਦਾ ਮੁੱਖ ਉਦੇਸ਼ ਲੋਕਾਂ ਨੂੰ ਸਸਤੇ ਭਾਅ 'ਤੇ ਸਰਵਿਸਿੰਗ ਮੁਹੱਈਆ ਕਰਵਾਉਣਾ ਹੈ। ਇਸ ਮੁਹਿੰਮ ਤਹਿਤ ਏਅਰ ਕੰਡੀਸ਼ਨਰ ਅਤੇ ਫਰਿੱਜ ਦੀ ਸਰਵਿਸਿੰਗ 'ਤੇ 50 ਫੀਸਦੀ ਤੱਕ ਦੀ ਭਾਰੀ ਛੋਟ ਦਿੱਤੀ ਜਾ ਰਹੀ ਹੈ।
ਸਰਵਿਸਿੰਗ 'ਤੇ ਮਿਲਣ ਵਾਲੇ ਖਾਸ ਆਫਰ
ਲੇਬਰ ਚਾਰਜਿਸ: ਸਰਵਿਸਿੰਗ ਲਈ ਲੇਬਰ ਚਾਰਜਿਸ 'ਤੇ 50 ਫੀਸਦੀ ਦੀ ਛੋਟ ਮਿਲੇਗੀ।
ਪਿਕਅੱਪ ਅਤੇ ਡਿਲੀਵਰੀ: ਪੁਰਜ਼ਿਆਂ ਨੂੰ ਲਿਆਉਣ ਅਤੇ ਪਹੁੰਚਾਉਣ ਦੇ ਖਰਚੇ 'ਤੇ ਵੀ 50 ਫੀਸਦੀ ਦੀ ਛੋਟ ਹੈ।
ਜੈੱਟ ਕਲੀਨਿੰਗ: AC ਦੀ ਜੈੱਟ ਕਲੀਨਿੰਗ 'ਤੇ 50 ਫੀਸਦੀ ਤੱਕ ਦੀ ਛੋਟ ਦਿੱਤੀ ਜਾ ਰਹੀ ਹੈ।
ਗੈਸ ਰੀਫਿਲਿੰਗ: ਗੈਸ ਚਾਰਜਿੰਗ 'ਤੇ 15 ਫੀਸਦੀ ਤੱਕ ਦੀ ਛੋਟ ਮਿਲੇਗੀ।
ਪਾਰਟਸ ਅਤੇ ਅਸੈਸਰੀਜ਼: ਨਵੇਂ ਪਾਰਟਸ ਲਗਵਾਉਣ 'ਤੇ 10 ਫੀਸਦੀ ਦੀ ਛੋਟ ਦਾ ਐਲਾਨ ਕੀਤਾ ਗਿਆ ਹੈ।
ਸਮੇਂ ਸਿਰ ਸਰਵਿਸਿੰਗ ਕਰਵਾਉਣ ਦੇ ਫਾਇਦੇ
ਕੰਪਨੀ ਅਨੁਸਾਰ, ਗਰਮੀਆਂ ਦੇ ਤੇਜ਼ ਲੋਡ ਤੋਂ ਪਹਿਲਾਂ ਰੈਗੂਲਰ ਸਰਵਿਸਿੰਗ ਕਰਵਾਉਣ ਦੇ ਕਈ ਫਾਇਦੇ ਹਨ। ਇਸ ਨਾਲ ਫਰਿੱਜ ਅਤੇ AC ਦੀ ਪਰਫਾਰਮੈਂਸ ਬਿਹਤਰ ਹੁੰਦੀ ਹੈ ਅਤੇ ਉਹ ਬਿਜਲੀ ਦੀ ਘੱਟ ਖਪਤ ਕਰਦੇ ਹਨ। ਇਸ ਤੋਂ ਇਲਾਵਾ, ਅੰਦਰੂਨੀ ਸਫਾਈ ਨਾਲ ਬਿਹਤਰ ਹਾਈਜੀਨ ਬਣੀ ਰਹਿੰਦੀ ਹੈ ਅਤੇ ਮਸ਼ੀਨਾਂ ਅਚਾਨਕ ਖਰਾਬ ਨਹੀਂ ਹੁੰਦੀਆਂ। ਜੇਕਰ AC ਦੀ ਸਫਾਈ ਨਾ ਕਰਵਾਈ ਜਾਵੇ, ਤਾਂ ਮਿੱਟੀ ਜਮ੍ਹਾਂ ਹੋਣ ਕਾਰਨ ਕੂਲਿੰਗ ਘੱਟ ਜਾਂਦੀ ਹੈ ਅਤੇ ਬਿਜਲੀ ਦਾ ਬਿੱਲ ਵੀ ਜ਼ਿਆਦਾ ਆਉਂਦਾ ਹੈ।
ਵੇਟਿੰਗ ਤੋਂ ਬਚਣ ਦਾ ਸੁਨਹਿਰੀ ਮੌਕਾ
ਆਮ ਤੌਰ 'ਤੇ ਗਰਮੀਆਂ ਦੇ ਸਿਖਰ ਦੌਰਾਨ AC ਸਰਵਿਸਿੰਗ ਦੀ ਮੰਗ ਬਹੁਤ ਵੱਧ ਜਾਂਦੀ ਹੈ, ਜਿਸ ਕਾਰਨ ਕੰਪਨੀਆਂ ਕੋਲ 5-6 ਦਿਨਾਂ ਦੀ ਵੇਟਿੰਗ ਹੁੰਦੀ ਹੈ। ਸੈਮਸੰਗ ਦਾ ਇਹ ਆਫਰ ਅਜਿਹੇ ਸਮੇਂ ਲਾਂਚ ਕੀਤਾ ਗਿਆ ਹੈ ਜਦੋਂ ਗਾਹਕ ਪਹਿਲਾਂ ਹੀ ਆਪਣੀ ਤਿਆਰੀ ਕਰਕੇ ਲੰਬੀ ਵੇਟਿੰਗ ਤੋਂ ਬਚ ਸਕਦੇ ਹਨ। ਇਹ ਆਫਰ ਸਿਰਫ ਸੈਮਸੰਗ ਦੇ ਉਤਪਾਦਾਂ 'ਤੇ ਹੀ ਲਾਗੂ ਹੋਵੇਗਾ।
Bharat Taxi App ਨੇ OLA ਤੇ Uber ਦੀ ਵਧਾਈ ਟੈਂਸ਼ਨ; ਯਾਤਰੀਆਂ ਨੂੰ ਮਿਲਣਗੀਆਂ ਇਹ ਖ਼ਾਸ ਸਹੂਲਤਾਂ
NEXT STORY 
