ਨਵੀਂ ਦਿੱਲੀ — ਤਿਉਹਾਰਾਂ ਦੇ ਸੀਜਨ 'ਚ ਜੇਕਰ ਤੁਸੀਂ ਵੀ ਆਨਲਾਈਨ ਸ਼ਾਪਿੰਗ ਕਰਦੇ ਹੋ ਤਾਂ ਸਾਵਧਾਨ ਹੋ ਜਾਓ। ਕਿਉਂਕਿ ਕਈ ਆਨਲਾਈਨ ਸਾਈਟਾਂ 'ਤੇ ਨਕਲੀ ਸਮਾਨ ਵੇਚੇ ਜਾ ਰਹੇ ਹਨ। ਤਾਜ਼ਾ ਮਾਮਲਾ ਸਾਹਮਣੇ ਆਇਆ ਹੈ ਕਿ ਐਮੇਜ਼ਾਨ 'ਤੇ ਵੇਚੇ ਜਾਣ ਵਾਲੇ 90 ਫੀਸਦੀ ਐਪਲ ਡਿਵਾਈਸ ਦੇ ਚਾਰਜਰ ਨਕਲੀ ਹਨ। ਐਪਲ ਨੇ ਦੋਸ਼ ਲਾਇਆ ਹੈ ਕਿ ਐਮੇਜ਼ਾਨ ਲੋਕਾਂ ਨਾਲ ਵੱਡਾ ਧੋਖਾ ਕਰ ਰਹੀ ਹੈ। ਇਸ ਲਈ ਐਪਲ ਨੇ ਐਮੇਜ਼ਾਨ 'ਤੇ ਮੁਕਦਮਾ ਵੀ ਦਾਇਰ ਕੀਤਾ ਹੈ।
ਇਕ ਸ੍ਰਕੀਨਸੌਟ 'ਚ ਸਾਹਮਣੇ ਆਇਆ ਹੈ ਜਿਸ 'ਚ ਆਈ-ਫੋਨ ਦੇ ਚਾਰਜਰ ਨੂੰ ਐਪਲ ਦੇ ਅਸਲੀ ਡਿਵਾਈਸ ਦੇ ਤੌਰ 'ਤੇ ਲਿਸਟ ਕੀਤਾ ਗਿਆ ਹੈ। ਹਾਲਾਂਕਿ ਇਸ ਪ੍ਰੋਡਕਟ ਦੀ ਕੰਪਨੀ ਦਾ ਨਾਂ (ਮੋਬਾਇਲ ਸਟਾਰ ਐੱਲ. ਐੱਲ. ਸੀ.) ਦਿੱਤਾ ਗਿਆ ਹੈ। ਰਿਪੋਰਟ ਮੁਤਾਬਕ ਜਦੋਂ ਐਪਲ ਦੇ ਇੰਜੀਨੀਅਰਾਂ ਤੱਕ ਇਹ ਚਾਰਜਰ ਪਹੁੰਚਿਆ ਤਾਂ ਉਨ੍ਹਾਂ ਨੇ ਦੇਖਿਆ ਕਿ ਇਸ ਚਾਰਜਰ ਦੀ ਉਸਾਰੀ ਕਾਫੀ ਬੁਰੀ ਹੈ ਨਾਲ ਹੀ ਇਸ 'ਚ ਕੁਝ ਹਿੱਸਾ ਗਾਇਬ ਹੈ ਅਤੇ ਇਸ ਡਿਜ਼ਾਇਨ 'ਚ ਵੀ ਕਾਫੀ ਕਮੀਆਂ ਹਨ। ਇੰਜੀਨੀਅਰਾਂ ਵਲੋਂ ਪੂਰੀ ਜਾਂਚ ਪੜਤਾਲ ਕਰਨ ਤੋਂ ਬਾਅਦ ਇਸ ਚਾਰਜਰ ਨੂੰ ਪੂਰੀ ਤਰ੍ਹਾਂ ਨਕਲੀ ਮੰਨਿਆ ਗਿਆ ਹੈ। ਜਿਸ ਦੀ ਵਿਕਰੀ ਐਮੇਜ਼ਾਨ ਵਲੋਂ ਕੀਤੀ ਜਾ ਰਹੀ ਹੈ। ਚਾਰਜਰ ਦੇ ਪੂਰੀ ਤਰ੍ਹਾਂ ਨਕਲੀ ਹੋਣ 'ਤੇ ਐਪਲ ਨੇ ਇਹ ਦਾਅਵਾ ਕੀਤਾ ਹੈ ਕਿ ਜੇਕਰ ਚਾਰਜਰ ਨੂੰ ਡਿਵਾਇਸ ਨਾਲ ਲਾਇਆ ਗਿਆ ਤਾਂ ਉਸ ਨੂੰ ਅੱਗ ਵੀ ਲੱਗ ਸਕਦੀ ਹੈ।
ਕੰਪਨੀ ਨੇ ਆਪਣੇ ਬਿਆਨ 'ਚ ਲਿਖਿਆ ਹੈ ਕਿ ਖਪਤਕਾਰ ਆਨਲਾਈਨ ਸ਼ਾਪਿੰਗ ਲਈ ਐਮੇਜ਼ਾਨ 'ਤੇ ਕਾਫੀ ਯਕੀਨ ਕਰਦੇ ਹਨ ਅਤੇ ਲੋਕ ਐਮੇਜ਼ਾਨ 'ਤੇ ਮਿਲਣ ਵਾਲੇ ਪ੍ਰੋਡਕਟ ਦੀ ਖਰੀਦਦਾਰੀ ਸਮੇਂ ਕੋਈ ਸ਼ੱਕ ਨਹੀਂ ਰੱਖਦੇ ਅਤੇ ਅਸਲੀ ਹੀ ਸਮਝਦੇ ਹਨ। ਪਰ ਐਮੇਜ਼ਾਨ ਵਲੋਂ ਐਪਲ ਪ੍ਰੋਡਕਟ ਦੇ ਨਕਲੀ ਚਾਰਜਰ ਐਪਲ ਮਾਰਕੀਟਿੰਗ ਇਮੇਜ ਨਾਲ ਵੇਚੇ ਜਾ ਰਹੇ ਹਨ। ਇਸ ਪੂਰੇ ਵਿਵਾਦ 'ਤੇ ਐਮੇਜ਼ਾਨ ਨੇ ਸਫਾਈ ਦਿੰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੇ ਪਲੇਟਫਾਰਮ 'ਤੇ ਨਕਲੀ ਪ੍ਰੋਡਕਟ ਲਈ ਕੋਈ ਜਗ੍ਹਾਂ ਨਹੀਂ ਹੈ। ਅਸੀਂ ਇਸ ਘਟਨਾ ਦੀ ਪੂਰੀ ਤਰ੍ਹਾਂ ਨਾਲ ਜਾਂਚ ਕਰਾਗੇ।
ਗੂਗਲ ਦੇ ਇਨ੍ਹਾਂ ਸਮਾਰਟਫੋਨਸ ਨੂੰ ਅਕਤੂਬਰ 2018 ਤੱਕ ਮਿਲੇਗਾ ਐਂਡ੍ਰਾਇਡ ਅਪਡੇਟ
NEXT STORY 
