ਗੈਜੇਟ ਡੈਸਕ—ਫੇਸਬੁੱਕ ਪਿਛਲੇ ਕੁਝ ਸਮੇਂ ਤੋਂ ਆਪਣੇ ਡਾਟਾ ਲੀਕਸ ਦੇ ਮਾਮਲਿਆਂ ਨੂੰ ਲੈ ਕੇ ਕਾਫੀ ਚਿੰਤਿਤ ਰਿਹਾ ਹੈ। ਡਾਟਾ ਲੀਕਸ ਦੀਆਂ ਘਟਨਾਵਾਂ ਤੋਂ ਬਾਅਦ ਫੇਸਬੁੱਕ ਤੋਂ ਕਈ ਯੂਜ਼ਰਸ ਦਾ ਭਰੋਸਾ ਕਾਫੀ ਘੱਟ ਹੋ ਗਿਆ ਹੈ। ਜ਼ਿਆਦਾਤਰ ਯੂਜ਼ਰਸ ਹੁਣ ਮੰਨਣ ਲੱਗੇ ਹਨ ਕਿ ਫੇਸਬੁੱਕ 'ਤੇ ਉਨ੍ਹਾਂ ਦੇ ਡਾਟਾ ਦੀ ਸੁਰੱਖਿਆ ਦੀ ਕੋਈ ਗਾਰੰਟੀ ਨਹੀਂ ਹੈ। ਡਾਟਾ ਲੀਕਸ ਮਾਮਲਿਆਂ ਨਾਲ ਹੋਏ ਨੁਕਸਾਨ ਨਾਲ ਫੇਸਬੁੱਕ ਅਜੇ ਉਭਰਨ ਦੀ ਕੋਸ਼ਿਸ਼ ਕਰ ਰਹੀ ਸੀ ਕਿ ਹਾਲ ਹੀ 'ਚ ਹੋਏ ਇਕ ਸਰਵੇ ਨੇ ਇਸ ਦੀ ਯਕੀਨਨਤਾ 'ਤੇ ਫਿਰ ਤੋਂ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਇਸ ਮਹੀਨੇ ਟਾਲੂਨਾ ਨਾਂ ਇਕ ਰਿਸਰਚ ਕੰਪਨੀ ਨੇ 1,000 ਲੋਕਾਂ ਵਿਚਾਲੇ ਦੁਨੀਆ ਦੀ ਮਨੀ-ਪ੍ਰਮਨੀ ਕੰਪਨੀਆਂ 'ਤੇ ਉਨ੍ਹਾਂ ਦੇ ਭਰੋਸੇ ਨੂੰ ਲੈ ਕੇ ਇਕ ਸਰਵੇ ਕੀਤਾ। ਇਸ ਸਰਵੇ 'ਚ 40 ਫੀਸਦੀ ਲੋਕਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਪਣੀਆਂ ਨਿੱਜੀ ਜਾਣਕਾਰੀਆਂ ਦੀਆਂ ਸੁਰੱਖਿਆ ਦੇ ਬਾਰੇ 'ਚ ਫੇਸਬੁੱਕ 'ਤੇ ਸਭ ਤੋਂ ਘੱਟ ਭਰੋਸਾ ਹੈ। ਸਰਵੇ 'ਚ ਇਹ ਵੀ ਕਿਹਾ ਗਿਆ ਹੈ ਕਿ ਦੁਨੀਆਭਰ 'ਚ ਜਿੰਨੀ ਵੀ ਟੈੱਕ ਕੰਪਨੀਆਂ ਹਨ ਉਨ੍ਹਾਂ 'ਚੋਂ ਯੂਜ਼ਰਸ ਨੂੰ ਜੇਕਰ ਕਿਸੇ ਕੰਪਨੀ 'ਤੇ ਸਭ ਤੋਂ ਘੱਟ ਵਿਸਵਾਸ਼ ਹੈ ਤਾਂ ਉਹ ਹੈ ਫੇਸਬੁੱਕ।
ਇਸ ਸਰਵੇ 'ਚ ਹੋਰ ਵੀ ਕਈ ਕੰਪਨੀਆਂ ਨੂੰ ਸ਼ਾਮਲ ਕੀਤਾ ਗਿਆ ਸੀ। ਸੂਚੀ 'ਚ ਦੂਜੇ ਸਥਾਨ 'ਤੇ ਮਾਈਕ੍ਰੋ ਬਲਾਗਿੰਗ ਸਾਈਟ ਟਵਿਟਰ ਅਤੇ ਈ-ਕਾਮਰਸ ਕੰਪਨੀ ਐਮਾਜ਼ੋਨ ਸ਼ਾਮਲ ਹੈ।
ਇਨ੍ਹਾਂ ਦੋਵਾਂ ਕੰਪਨੀਆਂ ਦੇ ਬਾਰੇ 'ਚ 8 ਫੀਸਦੀ ਯੂਜ਼ਰਸ ਨੇ ਕਿਹਾ ਕਿ ਇਨ੍ਹਾਂ ਦੋਵਾਂ ਕੰਪਨੀਆਂ 'ਤੇ ਆਪਣੇ ਡਾਟਾ ਦੀ ਸੁਰੱਖਿਆ ਲਈ ਭਰੋਸਾ ਨਹੀਂ ਕਰ ਸਕਦੇ। ਟਵਿਟਰ ਅਤੇ ਐਮਾਜ਼ੋਨ ਤੋਂ ਬਾਅਦ ਸੂਚੀ 'ਚ ਅਗਲਾ ਨਾਂ ਸੀ ਉਬੇਰ ਅਤੇ ਗੂਗਲ ਦਾ।
7 ਫੀਸਦੀ ਯੂਜ਼ਰਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਉਬੇਰ 'ਤੇ ਆਪਣੇ ਪਰਨਸਲ ਡਾਟਾ ਦੀ ਸੁਰੱਖਿਆ ਨੂੰ ਲੈ ਕੇ ਕੋਈ ਖਾਸ ਭਰੋਸਾ ਨਹੀਂ ਹੈ। ਉੱਥੇ 6 ਫੀਸਦੀ ਯੂਜ਼ਰਸ ਨੇ ਗੂਗਲ ਦੇ ਬਾਰੇ 'ਚ ਵੀ ਇਹ ਵਿਚਾਰ ਰੱਖਿਆ।
ਸਰਵੇ 'ਚ ਮਾਈਕ੍ਰੋਸਾਫਟ ਅਤੇ ਐਪਲ ਨੇ ਬਿਹਤਰ ਪਰਫਾਰਮ ਕੀਤਾ। ਐਪਲ ਦੇ ਬਾਰੇ 'ਚ 4 ਫੀਸਦੀ ਯੂਜ਼ਰਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਐਪਲ 'ਤੇ ਕੁਝ ਖਾਸ ਭਰੋਸਾ ਨਹੀਂ ਹੈ। ਉੱਥੇ ਕੇਵਲ 2 ਫੀਸਦੀ ਲੋਕਾਂ ਨੇ ਮਾਈਕ੍ਰੋਸਾਫਟ ਦੀ ਯਕੀਨਨਤਾ 'ਤੇ ਸ਼ੱਕ ਕੀਤਾ। ਗੱਲ ਕਰੀਏ ਉਸ ਕੰਪਨੀ ਦੀ ਜਿਸ 'ਤੇ ਯੂਜ਼ਰਸ ਸਭ ਤੋਂ ਜ਼ਿਆਦਾ ਭਰੋਸਾ ਕਰਦੇ ਹਨ ਤਾਂ ਇਸ 'ਚ ਨੈੱਟਫਲਿਕਸ ਅਤੇ ਟੈਸਲਾ। ਸਰਵੇ 'ਚ 1 ਫੀਸਦੀ ਤੋਂ ਵੀ ਘੱਟ ਲੋਕਾਂ ਨੇ ਇਨ੍ਹਾਂ ਦੋਵਾਂ ਕੰਪਨੀ ਉੱਤੇ ਸ਼ੱਕ ਜਤਾਇਆ। ਜ਼ਿਆਦਾਤਰ ਯੂਜ਼ਰਸ ਦਾ ਮੰਨਣਾ ਹੈ ਕਿ ਨੈੱਟਫਲਿਕਸ ਅਤੇ ਟੈਸਲਾ ਉਨ੍ਹਾਂ ਦੇ ਨਿੱਜੀ ਡਾਟਾ ਦੀ ਸੁਰੱਖਿਆ 'ਤੇ ਕਾਫੀ ਧਿਆਨ ਦਿੰਦੀ ਹੈ।
ਐਪਲ iOS 12.1.2 ਅਪਡੇਟ ਤੋਂ ਬਾਅਦ ਆਈਫੋਨ ਯੂਜ਼ਰਜ਼ ਪਰੇਸ਼ਾਨ
NEXT STORY 
