ਗੈਜੇਟ ਡੈਸਕ - ਭਾਰਤੀ ਸਮਾਰਟਫੋਨ ਬਾਜ਼ਾਰ 'ਚ Oppo ਆਪਣਾ ਇਕ ਨਵਾਂ ਬਜਟ 5G ਫੋਨ ਲਾਂਚ ਕਰਨ ਦੀ ਤਿਆਰੀ ਕਰ ਰਿਹਾ ਹੈ। ਕੰਪਨੀ 9 ਮਾਰਚ ਨੂੰ Oppo K14 5G ਪੇਸ਼ ਕਰੇਗੀ, ਜਿਸ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦੀ 7000mAh ਦੀ ਵੱਡੀ ਬੈਟਰੀ ਮੰਨੀ ਜਾ ਰਹੀ ਹੈ। ਇਹ ਸਮਾਰਟਫੋਨ ਉਨ੍ਹਾਂ ਯੂਜ਼ਰਸ ਨੂੰ ਧਿਆਨ 'ਚ ਰੱਖ ਕੇ ਲਿਆਂਦਾ ਜਾ ਰਿਹਾ ਹੈ ਜੋ ਲੰਬੀ ਬੈਟਰੀ ਲਾਈਫ ਅਤੇ 5G ਕਨੈਕਟੀਵਿਟੀ ਵਾਲਾ ਕਿਫਾਇਤੀ ਫੋਨ ਚਾਹੁੰਦੇ ਹਨ।
ਸੰਭਾਵਿਤ ਕੀਮਤ
ਰਿਪੋਰਟਾਂ ਅਨੁਸਾਰ, Oppo K14 5G ਦੀ ਕੀਮਤ 18,000 ਤੋਂ 20,000 ਰੁਪਏ ਦੇ ਵਿਚਕਾਰ ਹੋ ਸਕਦੀ ਹੈ। ਇਸ ਕੀਮਤ ਦੇ ਨਾਲ ਇਸ ਦਾ ਮੁਕਾਬਲਾ Realme, Redmi, iQOO ਅਤੇ Vivo ਵਰਗੇ ਬ੍ਰਾਂਡਾਂ ਦੇ ਸਮਾਰਟਫੋਨਾਂ ਨਾਲ ਹੋਵੇਗਾ।
ਡਿਸਪਲੇਅ ਅਤੇ ਪਰਫਾਰਮੈਂਸ
ਡਿਸਪਲੇਅ
- ਫੋਨ 'ਚ 120Hz ਰਿਫ੍ਰੈਸ਼ ਰੇਟ ਵਾਲਾ ਡਿਸਪਲੇਅ ਦਿੱਤਾ ਜਾ ਸਕਦਾ ਹੈ। ਕੁਝ ਲੀਕਸ ਮੁਤਾਬਕ ਇਸ ਵਾਰ ਫੋਨ 'ਚ LCD ਪੈਨਲ ਦੇਖਣ ਨੂੰ ਮਿਲ ਸਕਦਾ ਹੈ।
ਪ੍ਰੋਸੈਸਰ
- ਇਸ 'ਚ MediaTek Dimensity 6300 ਪ੍ਰੋਸੈਸਰ ਮਿਲਣ ਦੀ ਸੰਭਾਵਨਾ ਹੈ, ਜੋ 5G ਸਪੋਰਟ ਦੇ ਨਾਲ ਵਧੀਆ ਪਰਫਾਰਮੈਂਸ ਦੇਵੇਗਾ।
ਸਟੋਰੇਜ
- ਇਸ 'ਚ 8GB RAM ਅਤੇ 256GB ਤੱਕ ਦੀ ਸਟੋਰੇਜ ਮਿਲਣ ਦੀ ਉਮੀਦ ਹੈ।
ਕੈਮਰਾ ਅਤੇ ਹੋਰ ਫੀਚਰਸ
ਫੋਟੋਗ੍ਰਾਫੀ ਲਈ ਇਸ ਵਿੱਚ ਡੁਅਲ ਰੀਅਰ ਕੈਮਰਾ ਸੈੱਟਅੱਪ ਦਿੱਤਾ ਜਾ ਸਕਦਾ ਹੈ, ਜਿਸ 'ਚ 50MP ਦਾ ਪ੍ਰਾਇਮਰੀ ਕੈਮਰਾ ਹੋਵੇਗਾ। ਸੈਲਫੀ ਅਤੇ ਵੀਡੀਓ ਕਾਲ ਲਈ 13MP ਦਾ ਫਰੰਟ ਕੈਮਰਾ ਮਿਲ ਸਕਦਾ ਹੈ। ਖਾਸ ਗੱਲ ਇਹ ਹੈ ਕਿ ਫੋਨ ਨੂੰ IP69 ਰੇਟਿੰਗ ਮਿਲਣ ਦੀ ਵੀ ਚਰਚਾ ਹੈ, ਜੋ ਇਸਨੂੰ ਧੂੜ ਅਤੇ ਪਾਣੀ ਤੋਂ ਸੁਰੱਖਿਆ ਪ੍ਰਦਾਨ ਕਰੇਗੀ।
ਬੈਟਰੀ ਅਤੇ ਚਾਰਜਿੰਗ
ਇਸ ਸਮਾਰਟਫੋਨ ਦੀ 7000mAh ਦੀ ਬੈਟਰੀ ਆਮ ਵਰਤੋਂ ਵਿੱਚ ਆਸਾਨੀ ਨਾਲ ਦੋ ਦਿਨ ਤੱਕ ਚੱਲ ਸਕਦੀ ਹੈ। ਚਾਰਜਿੰਗ ਲਈ ਇਸ 'ਚ 45W ਫਾਸਟ ਚਾਰਜਿੰਗ ਸਪੋਰਟ ਮਿਲਣ ਦੀ ਸੰਭਾਵਨਾ ਹੈ।
ਦੱਸ ਦੇਈਏ ਕਿ Oppo K14 5G ਪਿਛਲੇ ਸਾਲ ਲਾਂਚ ਹੋਏ Oppo K13 5G ਦਾ ਅਪਗ੍ਰੇਡ ਵਰਜ਼ਨ ਹੈ। ਜਿੱਥੇ ਪਿਛਲੇ ਮਾਡਲ 'ਚ 80W ਚਾਰਜਿੰਗ ਸੀ, ਉੱਥੇ ਹੀ ਨਵੇਂ ਮਾਡਲ 'ਚ ਕੰਪਨੀ ਨੇ ਚਾਰਜਿੰਗ ਸਪੀਡ ਨਾਲੋਂ ਲੰਬੀ ਬੈਟਰੀ ਲਾਈਫ ਨੂੰ ਜ਼ਿਆਦਾ ਤਰਜੀਹ ਦਿੱਤੀ ਹੈ।
iPhone 16 Pro 'ਤੇ ਮਿਲ ਰਿਹੈ ਭਾਰੀ Discount!
NEXT STORY 
