ਗੈਜੇਟ ਡੈਸਕ - ਲਾਵਾ ਨੇ ਆਪਣਾ ਨਵਾਂ ਹੈਂਡਸੈੱਟ ਲਾਂਚ ਕਰ ਦਿੱਤਾ ਹੈ ਜਿਸ ਦੀ ਕੀਮਤ ਤੁਹਾਡੇ ਬਜਟ ਦੇ ਅੰਦਰ ਹੀ ਆਉਂਦੀ ਹੈ। ਦੱਸ ਦਈਏ ਕਿ ਕੰਪਨੀ ਨੇ ਲਾਵਾ ਯੁਵਾ ਸਟਾਰ 2 ਨੂੰ ਪੇਸ਼ ਕੀਤਾ ਹੈ, ਜੋ ਕਿ ਲਾਵਾ ਯੁਵਾ ਸਟਾਰ ਦਾ ਸਕਸੈਸਰ ਹੈ। ਕੰਪਨੀ ਨੇ ਪਿਛਲੇ ਸਾਲ ਅਗਸਤ ’ਚ ਯੁਵਾ ਸਟਾਰ ਲਾਂਚ ਕੀਤਾ ਸੀ। ਕੰਪਨੀ ਦੇ ਇਸ ਲੇਟੈਸਟ ਫੋਨ ’ਚ, ਤੁਹਾਨੂੰ ਇਕ ਵੱਡੀ ਸਕ੍ਰੀਨ, ਵੱਡੀ ਬੈਟਰੀ ਅਤੇ ਸ਼ਕਤੀਸ਼ਾਲੀ ਫੀਚਰਜ਼ ਮਿਲਦੇ ਹਨ। ਆਓ ਇਸ ਦੇ ਬਾਕੀ ਫੀਚਰਜ਼ ’ਤੇ ਨਜ਼ਰ ਮਾਰਦੇ ਹਾਂ।
ਇਸ ਸਮਾਰਟਫੋਨ ’ਚ 13MP ਦਾ ਰੀਅਰ ਕੈਮਰਾ ਹੈ। ਹੈਂਡਸੈੱਟ ਨੂੰ ਪਾਵਰ ਦੇਣ ਲਈ 5000mAh ਦੀ ਬੈਟਰੀ ਦਿੱਤੀ ਗਈ ਹੈ। ਸੁਰੱਖਿਆ ਲਈ, ਇਸ ’ਚ ਸਾਈਡ ਫਿੰਗਰਪ੍ਰਿੰਟ ਸੈਂਸਰ ਹੈ। ਆਓ ਜਾਣਦੇ ਹਾਂ ਇਸ ਸਮਾਰਟਫੋਨ ਦੀ ਕੀਮਤ ਅਤੇ ਹੋਰ ਵੇਰਵੇ।
ਕੀਮਤ
ਕੰਪਨੀ ਨੇ ਇਸ ਹੈਂਡਸੈੱਟ ਨੂੰ ਸਿਰਫ਼ ਇਕ ਹੀ ਕੌਂਫਿਗਰੇਸ਼ਨ ’ਚ ਲਾਂਚ ਕੀਤਾ ਹੈ। ਇਸਦੇ 4GB RAM + 64GB ਸਟੋਰੇਜ ਵੇਰੀਐਂਟ ਦੀ ਕੀਮਤ 6,499 ਰੁਪਏ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਕੰਪਨੀ ਨੇ ਪਿਛਲੇ ਸਾਲ Lava Yuva Star ਨੂੰ 6,499 ਰੁਪਏ ’ਚ ਲਾਂਚ ਕੀਤਾ ਸੀ ਭਾਵ ਕਿ ਸਕਸੈਸਰ ਦੀ ਕੀਮਤ ’ਚ ਕੋਈ ਵਾਧਾ ਨਹੀਂ ਕੀਤਾ ਗਿਆ ਹੈ। ਤੁਸੀਂ Lava Yuva Star 2 ਨੂੰ ਦੋ ਰੰਗਾਂ ਦੇ ਵਿਕਲਪਾਂ ’ਚ ਖਰੀਦ ਸਕਦੇ ਹੋ ਜੋ ਕਿ ਹੈ Radiant Black ਅਤੇ Sparking Ivory। ਇਹ ਸਮਾਰਟਫੋਨ ਰਿਟੇਲ ਸਟੋਰਾਂ 'ਤੇ ਵਿਕਰੀ ਲਈ ਉਪਲਬਧ ਹੈ।
ਫੀਚਰਜ਼ ਅਤੇ ਸਪੈਸੀਫਿਕੇਸ਼ਨਜ਼
Lava Yuva Star ’ਚ 6.75-ਇੰਚ HD+ LCD ਡਿਸਪਲੇਅ ਹੈ। ਇਹ ਸਮਾਰਟਫੋਨ ਫੇਸ ਅਨਲਾਕ ਅਤੇ ਕਾਲ ਰਿਕਾਰਡਿੰਗ ਫੀਚਰ ਦੇ ਨਾਲ ਆਉਂਦਾ ਹੈ। ਇਹ ਫੋਨ ਔਕਟਾ-ਕੋਰ ਯੂਨੀਸੋਕ ਪ੍ਰੋਸੈਸਰ 'ਤੇ ਕੰਮ ਕਰਦਾ ਹੈ। ਇਸ ’ਚ 4GB RAM ਅਤੇ 64GB ਸਟੋਰੇਜ ਹੈ। ਫੋਨ ’ਚ ਵਰਚੁਅਲ ਰੈਮ ਦਾ ਵਿਕਲਪ ਵੀ ਦਿੱਤਾ ਗਿਆ ਹੈ।
ਇਹ ਹੈਂਡਸੈੱਟ ਐਂਡਰਾਇਡ 14 ਗੋ ਓਪਰੇਟਿੰਗ ਸਿਸਟਮ 'ਤੇ ਕੰਮ ਕਰਦਾ ਹੈ। ਇਸ ’ਚ 13MP AI ਡਿਊਲ ਰੀਅਰ ਕੈਮਰਾ ਸੈੱਟਅਪ ਹੈ। ਇਸ ਦੇ ਨਾਲ ਹੀ, ਕੰਪਨੀ ਨੇ ਫਰੰਟ ’ਚ 5MP ਸੈਲਫੀ ਕੈਮਰਾ ਦਿੱਤਾ ਹੈ। ਸਮਾਰਟਫੋਨ ਨੂੰ ਪਾਵਰ ਦੇਣ ਲਈ, 5000mAh ਬੈਟਰੀ ਦਿੱਤੀ ਗਈ ਹੈ, ਜੋ 10W ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ। ਸੁਰੱਖਿਆ ਲਈ ਇਕ ਸਾਈਡ ਮਾਊਂਟਡ ਫਿੰਗਰਪ੍ਰਿੰਟ ਸੈਂਸਰ ਉਪਲਬਧ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਫੋਨ ’ਚ ਕੋਈ ਵੀ ਪਹਿਲਾਂ ਤੋਂ ਸਥਾਪਿਤ ਐਪ ਉਪਲਬਧ ਨਹੀਂ ਹੋਵੇਗਾ।
ਸਟਾਰਲਿੰਕ ਲਈ ਨਹੀਂ ਕਰਨਾ ਹੋਵੇਗਾ ਹੁਣ ਇੰਤਜ਼ਾਰ, ਇਸ ਦਿਨ ਤੋਂ ਸ਼ੁਰੂ ਹੋਵੇਗੀ ਇੰਟਰਨੈੱਟ ਸਰਵਿਸ
NEXT STORY 
