ਆਟੋ ਡੈਸਕ– ਸੁਪਰ ਬਾਈਕ ਨਿਰਮਾਤਾ ਕੰਪਨੀ ਟ੍ਰਾਇਮਫ ਮੋਟਰਸਾਈਕਲ ਨੇ ਆਪਣੀ ਸਭ ਤੋਂ ਮਹਿੰਗੀ ਕਰੂਜ਼ਰ ਬਾਈਕ Triumph Rocket 3 GT ਨੂੰ ਆਖ਼ਿਰਕਾਰ ਭਾਰਤ ’ਚ ਲਾਂਚ ਕਰ ਦਿੱਤਾ ਹੈ। ਭਾਰਤੀ ਬਾਜ਼ਾਰ ’ਚ ਇਸ ਬਾਈਕ ਦੀ ਕੀਮਤ 18.40 ਲੱਖ ਰੁਪਏ ਰੱਖੀ ਗਈ ਹੈ।
ਇਸ ਸੁਪਰ ਬਾਈਕ ’ਚ ਥੋੜ੍ਹੇ ਬਦਲਾਅ ਕਰਦੇ ਹੋਏ ਕੰਪਨੀ ਨੇ ਇਸ ਵਿਚ ਨਵੀਂ ਹੈਂਡਲਬਾਰ ਦਿੱਤੀ ਹੈ ਜਿਸ ਨੂੰ ਚਾਲਕ ਆਪਣੀ ਸੁਵਿਧਾ ਅਨੁਸਾਰ ਫਰੰਟ ਅਤੇ ਰੀਅਰ ਵਲ ਅਡਜਸਟ ਕਰ ਸਕਦਾ ਹੈ। ਇਸ ਤੋਂ ਇਲਾਵਾ ਫਾਰਵਰਡ-ਸੈੱਟ ਫੁਟਰੈਸਟ ਇਸ ਵਿਚ ਦਿੱਤਾ ਗਿਆ ਹੈ ਨਾਲ ਹੀ ਅਡਜਸਟੇਬਲ ਫੁਟਬੈਗ ਮੌਜੂਦ ਹੈ। ਹੀਟੇਡ ਗਰਿੱਪਸ ਇਸ ਬਾਈਕ ’ਚ ਸਟੈਂਡਰਡ ਤੌਰ ’ਤੇ ਮਿਲਦੀਆਂ ਹਨ। ਇਸ ਦਾ ਭਾਰ 294 ਕਿਲੋਗ੍ਰਾਮ ਹੈ।
ਇੰਜਣ
Triumph Rocket 3 GT ’ਚ 2,500 ਸੀਸੀ ਦਾ ਇਨ-ਲਾਈਨ 3-ਸਿਲੰਡਰ ਇੰਜਣ ਲੱਗਾ ਹੈ ਜੋ 6,000 rpm ’ਤੇ 165 bhp ਦੀ ਪਾਵਰ ਅਤੇ 221 ਨਿਊਟਨ ਮੀਟਰ ਦਾ ਟਾਰਕ ਜਨਰੇਟ ਕਰਦਾ ਹੈ। ਦੱਸ ਦੇਈਏ ਕਿ ਇਸ ਬਾਈਕ ਦਾ ਟਾਰਕ ਬਾਕੀ ਸਾਰੀਆਂ ਪ੍ਰੋਡਕਸ਼ਨ ਬਾਈਕਸ ਨਾਲੋਂ ਸਭ ਤੋਂ ਜ਼ਿਆਦਾ ਹੈ। ਇਸ ਬਾਈਕ ’ਚ 6-ਸਪੀਡ ਗਿਅਰਬਾਕਸ ਦਾ ਇਸਤੇਮਾਲ ਕੀਤਾ ਗਿਆ ਹੈ।
WhatsApp ’ਤੇ ਕਿਸ ਨਾਲ ਕੀਤੀ ਹੈ ਸਭ ਤੋਂ ਜ਼ਿਆਦਾ ਗੱਲ, ਸਕਿੰਟਾਂ ’ਚ ਕਰੋ ਪਤਾ
NEXT STORY 
