ਗੈਜੇਟ ਡੈਸਕ - ਇਹ ਨਵਾਂ Vivo ਸਮਾਰਟਫੋਨ Vivo T5 Lite 44W 5G ਪਿਛਲੇ ਹਫ਼ਤੇ (16 ਜੁਲਾਈ) ਭਾਰਤੀ ਬਾਜ਼ਾਰ 'ਚ ਲਾਂਚ ਕੀਤਾ ਗਿਆ ਸੀ। ਇਸ ਮਿਡ-ਰੇਂਜ ਸਮਾਰਟਫੋਨ ਦੀ ਵਿਕਰੀ ਅੱਜ (22 ਜੁਲਾਈ) ਨੂੰ ਫਲਿੱਪਕਾਰਟ 'ਤੇ ਸ਼ੁਰੂ ਹੋ ਗਈ ਹੈ। ਇਹ ਫੋਨ ਗਾਹਕਾਂ ਲਈ ਦੁਪਹਿਰ 12:00 ਵਜੇ ਤੋਂ ਵਿਕਰੀ ਲਈ ਸ਼ੁਰੂ ਹੋ ਗਿਆ। ਅੱਜ, ਸੇਲ ਦੇ ਪਹਿਲੇ ਦਿਨ, ਤੁਹਾਨੂੰ Axis, HDFC, ਅਤੇ ICICI ਬੈਂਕ ਕਾਰਡਾਂ ਦੀ ਵਰਤੋਂ ਕਰਕੇ 1,500 ਰੁਪਏ ਦੀ ਤੁਰੰਤ ਛੋਟ ਮਿਲੇਗੀ। ਇਹ ਪੇਸ਼ਕਸ਼ ਸਿਰਫ਼ ਇਕ ਦਿਨ ਲਈ ਜਾਇਜ਼ ਹੈ।
ਇਹ ਵੀਵੋ ਫੋਨ ਦੋ ਵੇਰੀਐਂਟਸ 'ਚ ਆਉਂਦਾ ਹੈ: ਵੇਵ ਬਲੂ ਅਤੇ ਟਵਾਈਲਾਈਟ ਸ਼ੈਡੋ। ਫੋਨ ਦੇ 4GB RAM ਅਤੇ 128GB ਸਟੋਰੇਜ ਵੇਰੀਐਂਟ ਦੀ ਕੀਮਤ 19,999 ਰੁਪਏ ਹੈ, 6GB RAM ਅਤੇ 128GB ਸਟੋਰੇਜ ਵੇਰੀਐਂਟ ਦੀ ਕੀਮਤ 21,999 ਰੁਪਏ ਹੈ, ਅਤੇ 6GB RAM ਅਤੇ 256GB ਸਟੋਰੇਜ ਵੇਰੀਐਂਟ ਦੀ ਕੀਮਤ 24,999 ਰੁਪਏ ਹੈ। ਇਸ ਫੋਨ ਦੀ ਵਿਕਰੀ ਕੰਪਨੀ ਦੀ ਅਧਿਕਾਰਤ ਵੈੱਬਸਾਈਟ, ਫਲਿੱਪਕਾਰਟ ਅਤੇ ਸਾਰੇ ਪਾਰਟਨਰ ਰਿਟੇਲ ਸਟੋਰਾਂ 'ਤੇ ਸ਼ੁਰੂ ਹੋ ਗਈ ਹੈ। ਇਸ ਕੀਮਤ ਰੇਂਜ 'ਚ, Vivo ਦਾ ਨਵੀਨਤਮ ਮੋਬਾਈਲ ਫੋਨ Motorola G57 Power 5G, Redmi Note 15 SE 5G, ਅਤੇ Realme P4x 5G ਵਰਗੇ ਸਮਾਰਟਫੋਨਾਂ ਨਾਲ ਮੁਕਾਬਲਾ ਕਰਦਾ ਹੈ।
ਕੀ ਹਨ ਸਪੈਸਿਫਿਕੇਸ਼ਨਜ਼
ਫੋਨ 'ਚ 6.74-ਇੰਚ LCD ਡਿਸਪਲੇਅ ਅਤੇ ਕਈ ਮੁੱਖ ਫੀਚਰਜ਼ ਹਨ, ਜਿਸ 'ਚ 1200 nits ਪੀਕ ਬ੍ਰਾਈਟਨੈੱਸ, 120 Hz ਰਿਫਰੈਸ਼ ਰੇਟ ਅਤੇ ਅੱਖਾਂ ਦੀ ਸੁਰੱਖਿਆ ਸ਼ਾਮਲ ਹੈ। ਇਹ ਫੋਨ 6500 mAh ਬੈਟਰੀ ਨਾਲ ਲੈਸ ਹੈ ਜੋ 44 W ਫਾਸਟ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਇਸ ਹੈਂਡਸੈੱਟ ਦੀ ਬੈਟਰੀ 38 ਮਿੰਟਾਂ 'ਚ 1 ਤੋਂ 50 ਫੀਸਦੀ ਤੱਕ ਚਾਰਜ ਹੋ ਜਾਵੇਗੀ। ਇਹ ਫੋਨ ਰਿਵਰਸ ਵਾਇਰਡ ਚਾਰਜਿੰਗ ਨੂੰ ਵੀ ਸਪੋਰਟ ਕਰਦਾ ਹੈ।
ਸਪੀਡ ਅਤੇ ਮਲਟੀਟਾਸਕਿੰਗ ਲਈ, Vivo T5 Lite 5G MediaTek Dimensity 6300 5G ਚਿੱਪਸੈੱਟ ਦੁਆਰਾ ਸੰਚਾਲਿਤ ਹੈ। ਇਹ ਫੋਨ ਕਈ ਸ਼ਕਤੀਸ਼ਾਲੀ AI ਫੀਚਰਜ਼ ਦੀ ਪੇਸ਼ਕਸ਼ ਕਰਦਾ ਹੈ, ਜਿਸ 'ਚ AI ਕੈਪਸ਼ਨ, AI Creation, ਅਤੇ Google Gemini ਸ਼ਾਮਲ ਹਨ। ਇਸ ਤੋਂ ਇਲਾਵਾ, ਫ਼ੋਨ Vivo Dock Master ਅਤੇ Private Space ਵਰਗੇ ਫੀਚਰਜ਼ ਵੀ ਪੇਸ਼ ਕਰਦਾ ਹੈ। ਫੋਨ ਦੇ ਪਿਛਲੇ ਪੈਨਲ 'ਚ 50-ਮੈਗਾਪਿਕਸਲ ਦਾ IMX852 ਪ੍ਰਾਇਮਰੀ ਸੈਂਸਰ ਅਤੇ 0.08-ਮੈਗਾਪਿਕਸਲ ਦਾ ਸੈਕੰਡਰੀ ਸੈਂਸਰ ਹੈ। ਸੈਲਫੀ ਲਈ 5 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਉਪਲਬਧ ਹੈ।
ਬਦਲ ਜਾਏਗਾ X ਨੂੰ ਯੂਜ਼ ਕਰਨ ਦਾ Experience ! ਮਿਲੇਗੀ ਨਵੀਂ Look ਤੇ ਸੁਪਰਫਾਸਟ ਸਪੀਡ
NEXT STORY 
