ਗੈਜੇਟ ਡੈਸਕ - ਵਟਸਐਪ ਆਪਣੇ ਯੂਜ਼ਰਸ ਦੇ ਅਨੁਭਵ ਨੂੰ ਬਿਹਤਰ ਬਣਾਉਣ ਲਈ ਲਗਾਤਾਰ ਨਵੇਂ ਫੀਚਰ ਪੇਸ਼ ਕਰ ਰਿਹਾ ਹੈ। ਹੁਣ ਕੰਪਨੀ ਗਰੁੱਪ ਚੈਟ ਨੂੰ ਹੋਰ ਵੀ ਸੁਵਿਧਾਜਨਕ ਬਣਾਉਣ ਲਈ ਇਕ ਆਟੋਮੈਟਿਕ ਵੈਲਕਮ ਮੈਸੇਜ ਫੀਚਰ 'ਤੇ ਕੰਮ ਕਰ ਰਹੀ ਹੈ। ਇਸ ਫੀਚਰ ਦੀ ਮਦਦ ਨਾਲ, ਜਿਵੇਂ ਹੀ ਕੋਈ ਨਵਾਂ ਮੈਂਬਰ ਗਰੁੱਪ 'ਚ ਸ਼ਾਮਲ ਹੋਵੇਗਾ, ਉਸ ਨੂੰ ਆਪਣੇ ਆਪ ਇਕ ਸਵਾਗਤੀ ਸੰਦੇਸ਼ ਦਿਖਾਈ ਦੇਵੇਗਾ।
ਗਰੁੱਪ ਐਡਮਿਨਾਂ ਨੂੰ ਮਿਲੇਗੀ ਵੱਡੀ ਰਾਹਤ
ਇਹ ਨਵਾਂ ਫੀਚਰ ਖਾਸ ਤੌਰ 'ਤੇ ਵਟਸਐਪ ਗਰੁੱਪ ਐਡਮਿਨਾਂ ਲਈ ਕਾਫੀ ਫਾਇਦੇਮੰਦ ਸਾਬਤ ਹੋਵੇਗਾ। ਅੱਜ-ਕੱਲ੍ਹ ਵਟਸਐਪ ਦੀ ਵਰਤੋਂ ਸਿਰਫ਼ ਪਰਿਵਾਰਕ ਗੱਲਾਂ ਤੱਕ ਸੀਮਤ ਨਹੀਂ ਰਹੀ, ਸਗੋਂ ਆਫਿਸ, ਸਕੂਲ, ਬਿਜ਼ਨੈੱਸ ਅਤੇ ਕਮਿਊਨਿਟੀ ਨਾਲ ਜੁੜੇ ਲੱਖਾਂ ਗਰੁੱਪ ਰੋਜ਼ਾਨਾ ਚਲਾਏ ਜਾਂਦੇ ਹਨ। ਅਜਿਹੇ 'ਚ, ਜਦੋਂ ਵੀ ਕੋਈ ਨਵਾਂ ਮੈਂਬਰ ਜੁੜਦਾ ਹੈ, ਤਾਂ ਐਡਮਿਨ ਨੂੰ ਉਸ ਦਾ ਸਵਾਗਤ ਕਰਨ ਲਈ ਵੱਖਰੇ ਤੌਰ 'ਤੇ ਮੈਸੇਜ ਭੇਜਣ ਦੀ ਲੋੜ ਨਹੀਂ ਪਵੇਗੀ।
ਕਿਵੇਂ ਕੰਮ ਕਰੇਗਾ ਇਹ ਫੀਚਰ?
ਰਿਪੋਰਟਾਂ ਅਨੁਸਾਰ, ਜਦੋਂ ਕੋਈ ਨਵਾਂ ਮੈਂਬਰ ਗਰੁੱਪ 'ਚ ਸ਼ਾਮਲ ਹੋਵੇਗਾ, ਤਾਂ ਇੱਕ ਸਵਾਗਤੀ ਮੈਸੇਜ ਆਪਣੇ ਆਪ ਸਕ੍ਰੀਨ 'ਤੇ ਆ ਜਾਵੇਗਾ। ਇਹ ਮੈਸੇਜ ਇਕ ਪਹਿਲਾਂ ਤੋਂ ਤੈਅ ਫਾਰਮੈਟ 'ਚ ਹੋ ਸਕਦਾ ਹੈ ਅਤੇ ਇਸ 'ਚ ਨਵੇਂ ਮੈਂਬਰ ਦਾ ਨਾਮ ਵੀ ਸ਼ਾਮਲ ਹੋ ਸਕਦਾ ਹੈ। ਹਾਲਾਂਕਿ, ਅਜੇ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਐਡਮਿਨ ਇਸ ਮੈਸੇਜ ਨੂੰ ਆਪਣੀ ਮਰਜ਼ੀ ਅਨੁਸਾਰ ਬਦਲ ਸਕਣਗੇ ਜਾਂ ਨਹੀਂ।
ਨਵੇਂ ਮੈਂਬਰਾਂ ਲਈ ਹੋਵੇਗੀ ਆਸਾਨੀ
ਕਈ ਵਾਰ ਨਵੇਂ ਮੈਂਬਰਾਂ ਨੂੰ ਵੱਡੇ ਗਰੁੱਪਾਂ 'ਚ ਗੱਲਬਾਤ ਸ਼ੁਰੂ ਕਰਨ 'ਚ ਝਿਜਕ ਮਹਿਸੂਸ ਹੁੰਦੀ ਹੈ। ਇਹ ਸਵਾਗਤੀ ਸੰਦੇਸ਼ ਉਨ੍ਹਾਂ ਨੂੰ ਗਰੁੱਪ ਦਾ ਹਿੱਸਾ ਮਹਿਸੂਸ ਕਰਵਾਉਣ ਅਤੇ ਜਲਦੀ ਘੁਲਣ-ਮਿਲਣ 'ਚ ਮਦਦ ਕਰੇਗਾ।
ਕਦੋਂ ਹੋਵੇਗਾ ਜਾਰੀ?
ਇਹ ਫੀਚਰ ਫਿਲਹਾਲ ਐਂਡਰਾਇਡ ਬੀਟਾ ਵਰਜ਼ਨ 'ਚ ਟੈਸਟ ਕੀਤਾ ਜਾ ਰਿਹਾ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਜਲਦੀ ਹੀ ਇਸ ਨੂੰ ਸਾਰੇ ਆਮ ਯੂਜ਼ਰਸ ਲਈ ਵੀ ਜਾਰੀ ਕਰ ਦਿੱਤਾ ਜਾਵੇਗਾ।
Social media 'ਤੇ ਲੀਕ ਹੋਈਆਂ ਨਿੱਜੀ ਤਸਵੀਰਾਂ 2 ਘੰਟੇ 'ਚ ਹੋਣਗੀਆਂ ਡਿਲੀਟ ! ਸਰਕਾਰ ਨੇ ਨਿਯਮਾਂ 'ਚ ਕੀਤੀ ਸਖ਼ਤੀ
NEXT STORY 
