ਗੈਜੇਟ ਡੈਸਕ- ਮੇਟਾ ਦੀ ਮਲਕੀਅਤ ਵਾਲਾ ਇੰਸਟੈਂਟ ਮੈਸੇਜਿੰਗ ਐਪ ਵਟਸਐਪ ਕਥਿਤ ਤੌਰ 'ਤੇ ਸੂਚਨਾ ਬ੍ਰਾਡਕਾਸਟ ਕਰਨ ਲਈ 'ਚੈਨਲ' ਨਾਮ ਦੇ ਇਕ ਨਵੇਂ ਵਨ-ਟੂ-ਮੈਨੀ ਟੂਲ 'ਤੇ ਕੰਮ ਕਰ ਰਿਹਾ ਹੈ। ਚੈਨਲ ਫੀਚਰ ਦੇ ਨਾਲ ਯੂਜ਼ਰਜ਼ ਆਸਾਨੀ ਨਾਲ ਉਨ੍ਹਾਂ ਲੋਕਾਂ ਤੋਂ ਜ਼ਰੂਰੀ ਅਪਡੇਟਸ ਪ੍ਰਾਪਤ ਕਰਨ ਸਕਣਗੇ ਜਿਨ੍ਹਾਂ ਤੋਂ ਉਹ ਸਮਾਚਾਰ ਪ੍ਰਾਪਤ ਕਰਨਾ ਚਾਹੁੰਦੇ ਹਨ। ਇਹ ਸੁਵਿਧਾ ਫਿਲਹਾਲ ਡਿਵੈਲਪਿੰਗ ਮੋਡ 'ਚ ਹੈ ਅਤੇ ਇਸਨੂੰ ਭਵਿੱਖ ਦੀ ਅਪਡੇਟ 'ਚ ਉਪਲੱਬਧ ਕੀਤਾ ਜਾ ਸਕਦਾ ਹੈ।
ਕੀ ਹੈ ਚੈਨਲ
WABetaInfo ਨੇ ਵਟਸਐਪ ਦੇ ਆਗਾਮੀ ਫੀਚਰ ਨੂੰ ਲੈ ਕੇ ਜਾਣਕਾਰੀ ਦਿੱਤੀ ਹੈ। WABetaInfo ਦੁਆਰਾ ਸ਼ੇਅਰ ਕੀਤੇ ਗਏ ਸਕਰੀਨਸ਼ਾਟ ਮੁਤਾਬਕ, ਵਟਸਐਪ ਸਟੇਟਸ ਟੈਬ ਦਾ ਨਾਮ ਬਦਲ ਕੇ ਅਪਡੇਟ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ ਕਿਉਂਕਿ ਐਪ ਦੇ ਇਸ ਸੈਕਸ਼ਨ 'ਚ ਚੈਨਲ ਵੀ ਲਿਸਟ ਹੋਣਗੇ। ਦਰਅਸਲ, ਵਟਸਐਪ ਚੈਨਲ ਇਕ ਨਿੱਜੀ ਟੂਲ ਹੈ ਜਿੱਥੇ ਫੋਨ ਨੰਬਰ ਅਤੇ ਚੈਨਲ ਨਾਲ ਜੁੜਨ ਵਾਲੇ ਯੂਜ਼ਰਜ਼ ਦੀ ਜਾਣਕਾਰੀ ਹਮੇਸ਼ਾ ਲੁਕੀ ਰਹਿੰਦੀ ਹੈ।
ਹਾਲਾਂਕਿ ਇਕ ਚੈਨਲ ਦੇ ਅੰਦਰ ਪ੍ਰਾਪਤ ਮੈਸੇਜ ਐਂਡ-ਟੂ-ਐਂਡ ਐਨਕ੍ਰਿਪਟਿਡ ਨਹੀਂ ਹੁੰਦੇ ਕਿਉਂਕਿ ਇਕ-ਤੋਂ-ਕਈ ਦੀ ਧਾਰਣਾ ਚੈਨਲਮਾਂ ਲਈ ਬਹੁਤ ਮਾਇਨੇ ਨਹੀਂ ਰੱਖਦੀ। ਇਹ ਧਿਆਨ ਰੱਖਣਾ ਮਹੱਤਵਪੂਰਨ ਹੈ ਕਿ ਚੈਨਲ ਨਿੱਜੀ ਮੈਸੇਜਿੰਗ ਦੇ ਐਂਡ-ਟੂ-ਐਂਡ ਐਨਕ੍ਰਿਪਸ਼ਨ ਨੂੰ ਪ੍ਰਭਾਵਿਤ ਨਹੀਂ ਕਰਨਗੇ, ਯਾਨੀ ਇਹ ਮੈਸੇਜ ਐਂਡ-ਟੂ-ਐਂਡ ਐਨਕ੍ਰਿਪਟਿਡ ਹੀ ਰਹਿਣਗੇ।
ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਇਹ ਪ੍ਰਾਈਵੇਟ ਮੈਸੇਜ ਸਰਵਿਸ ਦਾ ਇਕ ਵਿਕਲਪਿਕ ਵਿਸਤਾਰ ਹੈ ਅਤੇ ਪਬਲਿਕ ਸੋਸ਼ਲ ਨੈੱਟਵਰਕ 'ਤੇ ਕੇਂਦਰਿਤ ਨਹੀਂ ਹੈ। ਯਾਨੀ ਲੋਕਾਂ ਦਾ ਹਮੇਸ਼ਾ ਇਸ 'ਤੇ ਕੰਟਰੋਲ ਹੁੰਦਾ ਹੈ ਕਿ ਉਹ ਕਿਹੜੇ ਚੈਨਲਾਂ ਦੀ ਮੈਂਬਰਸ਼ਿਪ ਲੈਣਾ ਚਾਹੁੰਦੇ ਹਨ ਅਤੇ ਕੋਈ ਵੀ ਇਹ ਨਹੀਂ ਦੇਖ ਸਕਦਾ ਕਿ ਉਹ ਕਿਸਨੂੰ ਫਾਲੋ ਕਰਦੇ ਹਨ, ਭਲੇ ਹੀ ਉਨ੍ਹਾਂ ਨੇ ਸੰਪਰਕ ਦੇ ਰੂਪ 'ਚ ਐਡ ਕੀਤਾ ਹੋਵੇ ਜਾਂ ਨਹੀਂ।
ਇਸਤੋਂ ਇਲਾਵਾ ਲੋਕਾਂ ਨੂੰ ਚੈਨਲਾਂ ਲਈ ਆਟੋ-ਸਬਸਕ੍ਰਾਈਬਰ ਨਹੀਂ ਕੀਤਾ ਜਾਵੇਗਾ ਕਿਉਂਕਿ ਕੋਈ ਐਲਗੋਰਿਦਮ ਰਿਕਮੰਡੇਸ਼ਨ ਜਾਂ ਸੋਸ਼ਲ ਗ੍ਰਾਫ ਨਹੀਂ ਹਨ ਜੋ ਯੂਜ਼ਰਜ਼ ਨੂੰ ਅਜਿਹੇ ਕੰਟੈਂਟ ਭੇਜਦੇ ਹਨ ਜਿਸਨੂੰ ਉਨ੍ਹਾਂ ਨੇ ਦੇਖਣਾ ਨਹੀਂ ਚੁਣਿਆ।
Jio ਉਪਭੋਗਤਾਵਾਂ ਨੇ ਰਚਿਆ ਇਤਿਹਾਸ, ਇੱਕ ਮਹੀਨੇ 'ਚ 10 ਅਰਬ GB ਡੇਟਾ ਦੀ ਕੀਤੀ ਖ਼ਪਤ
NEXT STORY 
