ਜਲੰਧਰ- ਚੀਨ ਦੀ ਇਲੈਕਟ੍ਰਾਨਿਕ ਅਤੇ ਸਮਾਰਟਫੋਨ ਨਿਰਮਾਤਾ ਕੰਪਨੀ ਸ਼ਿਓਮੀ ਨੇ ਭਾਰਤ 'ਚ ਆਪਣੇ ਨਵੇਂ ਫਿਟਨੈੱਸ ਬੈਂਡ ਮੀ ਬੈਂਡ 2 ਨੂੰ ਲਾਂਚ ਕਰ ਦਿੱਤਾ ਹੈ । ਸ਼ਿਓਮੀ ਮੀ ਬੈਂਡ 2 ਦੀ ਕੀਮਤ 1,999 ਰੁਪਏ ਹੈ ਅਤੇ ਇਸ ਦੀ ਵਿਕਰੀ 27 ਸਿਤੰਬਰ ਤੋਂ ਸ਼ੁਰੂ ਹੋਵੇਗੀ। 30 ਸਿਤੰਬਰ ਤੋਂ ਇਹ ਈ-ਕਾਮਰਸ ਸਾਈਟ ਐਮਾਜ਼ਾਨ ਇੰਡੀਆਂ 'ਤੇ ਵੀ ਉਪਲੱਬਧ ਹੋਵੇਗਾ।
ਇਸ ਨਵੇਂ ਮੀ ਬੈਂਡ 2 'ਚ 0.42 ਇੰਚ ਦੀ ਓਲੇਡ ਡਿਸਪਲੇ ਹੈ ਜੋ ਸਕ੍ਰੈਚ-ਰੇਸਿਸਟੇਂਟ ਗਲਾਸ, ਐਂਟੀ-ਫਿੰਗਰਪ੍ਰਿੰਟ ਕੋਟਿੰਗ ਨਾਲ ਲੈਸ ਹੈ। ਡਿਸਪਲੇ ਦੇ ਹੇਠਾਂ ਦਿੱਤੇ ਗਏ ਬਟਨ 'ਤੇ ਟੈਪ ਕਰਨ ਤੇਂ ਸਟੈਪ ਅਤੇ ਹਾਰਟ ਰੇਟ ਦਾ ਪਤਾ ਲਗਾਇਆ ਜਾ ਸਕਦਾ ਹੈ। ਜ਼ਿਆਦਾ ਬਿਹਤਰ ਅਤੇ ਸਟੀਕ ਹਾਰਟ ਰੇਟ ਟ੍ਰੈਕਿੰਗ ਅਤੇ ਫਿੱਟਨੈੱਸ ਅਤੇ ਸਲੀਪ ਡਾਟਾ ਲਈ ਮੀ ਬੈਂਡ 2 'ਚ ਅਪਗਰੇਡਡ ਪੀਡੋਮੀਟਰ ਐਲਗੋਰਿਥਮ ਦਿੱਤਾ ਗਿਆ ਹੈ। ਇਸ ਬੈਂਡ 'ਚ ਫੋਟੋ ਪਲੇਥੋਸਮੋਗਰਾਫੀ (ਪੀ. ਪੀ. ਜੀ/ਹਾਰਟ ਰੇਟ ਸੈਂਸਰ ਦਿੱਤਾ ਗਿਆ ਹੈ।
ਮੀ ਬੈਂਡ 2 'ਚ 70 ਐੱਮ. ਏ. ਐੱਚ ਦੀ ਬੈਟਰੀ ਦਿੱਤੀ ਗਈ ਹੈ ਜਿਸ ਦੇ ਬਾਰੇ 'ਚ 20 ਦਿਨ ਤੱਕ ਦੇ ਸਟੈਂਡ-ਬਾਏ ਟਾਇਮ ਦੇਣ ਦਾ ਦਾਅਵਾ ਕੀਤਾ ਗਿਆ ਹੈ। ਕੁਨੈੱਕਟੀਵਿਟੀ ਲਈ ਨਵਾਂ ਮੀ ਬੈਂਡ ਬਲੂਟੁੱਥ 4.0 ਸਪੋਰਟ ਕਰਦਾ ਹੈ। ਨਵਾਂ ਮੀ ਬੈਂਡ 2 ਵਾਟਰ ਪਰੂਫ਼ ਵੀ ਹੈ। ਇਸ ਤੋਂ ਇਲਾਵਾ ਸ਼ਿਓਮੀ ਮੀ ਬੈਂਡ 2 'ਚ ਨਵੇਂ ਰਿਸਟਬੈਂਡ ਡਿਜ਼ਾਇਨ ਹੈ ਜਿਸ ਨੂੰ ਸਕੀਨ ਦੇ ਹਿਸਾਬ ਨਾਲ ਜ਼ਿਆਦਾ ਬਿਹਤਰ ਮਟੀਰਿਅਲ ਨਾਲ ਬਣਾਇਆ ਗਿਆ ਹੈ।
5-ਇੰਚ ਦੀ ਸਕ੍ਰੀਨ ਨਾਲ ਲਾਂਚ ਹੋਇਆ ਨਵਾਂ Lava A56
NEXT STORY 
