ਗੈਜੇਟ ਡੈਸਕ- ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡੇ ਕੰਨਾਂ ਵਿੱਚ ਲੱਗੇ ਵਾਇਰਲੈੱਸ ਈਅਰਬਡਸ ਤੁਹਾਡੀ ਜਾਸੂਸੀ ਦਾ ਜ਼ਰੀਆ ਬਣ ਸਕਦੇ ਹਨ? ਸੁਰੱਖਿਆ ਮਾਹਿਰਾਂ ਨੇ ਬਲੂਟੁੱਥ ਹੈੱਡਫੋਨ ਅਤੇ ਈਅਰਬਡਸ ਵਿੱਚ ਇੱਕ ਅਜਿਹੀ ਵੱਡੀ ਖਾਮੀ ਦਾ ਪਤਾ ਲਗਾਇਆ ਹੈ, ਜਿਸ ਦਾ ਫਾਇਦਾ ਉਠਾ ਕੇ ਹੈਕਰ ਨਾ ਸਿਰਫ ਤੁਹਾਡੀਆਂ ਗੱਲਾਂ ਸੁਣ ਸਕਦੇ ਹਨ ਬਲਕਿ ਤੁਹਾਡੀ ਲੋਕੇਸ਼ਨ ਵੀ ਟ੍ਰੈਕ ਕਰ ਸਕਦੇ ਹਨ। ਇਸ ਖਤਰੇ ਦੀ ਮਾਰ ਹੇਠ ਸੋਨੀ, ਗੂਗਲ, ਸ਼ਾਓਮੀ, ਨਥਿੰਗ ਅਤੇ ਮਾਰਸ਼ਲ ਵਰਗੀਆਂ ਵੱਡੀਆਂ ਕੰਪਨੀਆਂ ਦੇ ਡਿਵਾਈਸ ਸ਼ਾਮਲ ਹਨ।
ਕੀ ਹੈ Whisper Pair? : ਇਸ ਨਵੇਂ ਸਾਈਬਰ ਹਮਲੇ ਨੂੰ ਮਾਹਿਰਾਂ ਨੇ ‘ਵਿਸਪਰ ਪੇਅਰ’ ਦਾ ਨਾਂ ਦਿੱਤਾ ਹੈ। ਇਹ ਹਮਲਾ ਗੂਗਲ ਦੇ 'ਫਾਸਟ ਪੇਅਰ' ਪ੍ਰੋਟੋਕੋਲ ਵਿੱਚ ਮੌਜੂਦ ਕਮਜ਼ੋਰੀ ਦਾ ਫਾਇਦਾ ਉਠਾਉਂਦਾ ਹੈ। ਜੇਕਰ ਕੋਈ ਹੈਕਰ ਤੁਹਾਡੇ ਤੋਂ 50 ਫੁੱਟ ਦੀ ਦੂਰੀ ਦੇ ਅੰਦਰ ਹੈ, ਤਾਂ ਉਹ ਤੁਹਾਡੀ ਜਾਣਕਾਰੀ ਤੋਂ ਬਿਨਾਂ ਆਪਣੇ ਡਿਵਾਈਸ ਨੂੰ ਤੁਹਾਡੇ ਈਅਰਬਡਸ ਨਾਲ ਜੋੜ ਸਕਦਾ ਹੈ। ਇੱਕ ਵਾਰ ਕਨੈਕਸ਼ਨ ਹੋ ਜਾਣ ਤੋਂ ਬਾਅਦ, ਤੁਹਾਡੇ ਈਅਰਬਡਸ ਦਾ ਪੂਰਾ ਕੰਟਰੋਲ ਹੈਕਰ ਦੇ ਹੱਥ ਵਿੱਚ ਚਲਾ ਜਾਂਦਾ ਹੈ। ਇਹ ਖਤਰਾ ਮੁੱਖ ਤੌਰ 'ਤੇ ਐਂਡਰਾਇਡ ਅਤੇ ਕ੍ਰੋਮ ਲਈ ਹੈ ਪਰ ਬਲੂਟੁੱਥ ਰਾਹੀਂ ਇਸ ਦਾ ਅਸਰ ਆਈਫੋਨ ਯੂਜ਼ਰਸ 'ਤੇ ਵੀ ਪੈ ਸਕਦਾ ਹੈ।
ਇਹ ਵੀ ਪੜ੍ਹੋ- ਮਹਿੰਗਾ ਹੋ ਗਿਆ ਫੋਨ ਰਿਚਾਰਜ! ਇਸ ਕੰਪਨੀ ਨੇ ਵਧਾ ਦਿੱਤੇ 9 ਫੀਸਦੀ ਤਕ ਰੇਟ
ਜਾਸੂਸੀ ਦੌਰਾਨ ਹੈਕਰ ਕੀ-ਕੀ ਕਰ ਸਕਦਾ ਹੈ?
ਹੈਕਰ ਇਸ ਤਕਨੀਕ ਦੀ ਵਰਤੋਂ ਕਰਕੇ ਤੁਹਾਡੀ ਪ੍ਰਾਈਵੇਸੀ ਨੂੰ ਕਈ ਤਰੀਕਿਆਂ ਨਾਲ ਨੁਕਸਾਨ ਪਹੁੰਚਾ ਸਕਦੇ ਹਨ:
ਗੱਲਬਾਤ ਸੁਣਨਾ: ਤੁਹਾਡੇ ਫੋਨ ਕਾਲਾਂ ਦੀਆਂ ਗੱਲਾਂ ਹੈਕਰ ਤੱਕ ਪਹੁੰਚ ਸਕਦੀਆਂ ਹਨ।
ਮਾਈਕ੍ਰੋਫੋਨ ਦੀ ਵਰਤੋਂ: ਹੈਕਰ ਤੁਹਾਡੇ ਈਅਰਬਡਸ ਦਾ ਮਾਈਕ ਆਨ ਕਰ ਸਕਦਾ ਹੈ, ਜਿਸ ਨਾਲ ਉਹ ਤੁਹਾਡੇ ਆਲੇ-ਦੁਆਲੇ ਦੀਆਂ ਗੁਪਤ ਗੱਲਾਂ ਸੁਣ ਸਕਦਾ ਹੈ।
ਲੋਕੇਸ਼ਨ ਟ੍ਰੈਕਿੰਗ: ਗੂਗਲ ਅਤੇ ਸੋਨੀ ਦੇ ਡਿਵਾਈਸਾਂ ਵਿੱਚ ਮੌਜੂਦ 'ਜੀਓ-ਲੋਕੇਸ਼ਨ ਟ੍ਰੈਕਿੰਗ' ਫੀਚਰ ਦੀ ਮਦਦ ਨਾਲ ਤੁਹਾਡੀ ਰੀਅਲ-ਟਾਈਮ ਲੋਕੇਸ਼ਨ ਟ੍ਰੈਕ ਕੀਤੀ ਜਾ ਸਕਦੀ ਹੈ।
ਆਡੀਓ ਕੰਟਰੋਲ: ਹੈਕਰ ਤੁਹਾਡੀ ਮਰਜ਼ੀ ਤੋਂ ਬਿਨਾਂ ਈਅਰਬਡਸ ਵਿੱਚ ਕੋਈ ਵੀ ਆਡੀਓ ਜਾਂ ਬਹੁਤ ਤੇਜ਼ ਆਵਾਜ਼ ਚਲਾ ਸਕਦਾ ਹੈ।
ਇਹ ਵੀ ਪੜ੍ਹੋ- 108 MP ਕੈਮਰਾ ਵਾਲੇ Redmi ਫੋਨ 'ਤੇ ਮਿਲ ਰਹੀ ਭਾਰੀ ਛੋਟ
ਬਚਾਅ ਦੇ ਤਰੀਕੇ ਅਤੇ ਗੂਗਲ ਦਾ ਜਵਾਬ
ਇਸ ਖੁਲਾਸੇ ਤੋਂ ਬਾਅਦ ਗੂਗਲ ਨੇ ਅਧਿਕਾਰਤ ਤੌਰ 'ਤੇ ਇਸ ਕਮਜ਼ੋਰੀ ਨੂੰ ਸਵੀਕਾਰ ਕੀਤਾ ਹੈ ਅਤੇ ਕੰਪਨੀ ਨੇ ਕਿਹਾ ਹੈ ਕਿ ਉਹ ਇਸ ਸਮੱਸਿਆ ਨੂੰ ਹੱਲ ਕਰਨ ਲਈ ਸੁਰੱਖਿਆ ਅਪਡੇਟ (Security Update) ਜਾਰੀ ਕਰ ਰਹੇ ਹਨ।
ਆਪਣੇ ਆਪ ਨੂੰ ਸੁਰੱਖਿਅਤ ਰੱਖਣ ਲਈ ਇਹਨਾਂ ਗੱਲਾਂ ਦਾ ਧਿਆਨ ਰੱਖੋ:
1. ਸਾਫਟਵੇਅਰ ਅਪਡੇਟ: ਆਪਣੇ ਈਅਰਬਡਸ ਅਤੇ ਸਮਾਰਟਫੋਨ ਨੂੰ ਤੁਰੰਤ ਨਵੀਨਤਮ ਸਾਫਟਵੇਅਰ ਵਰਜ਼ਨ 'ਤੇ ਅਪਡੇਟ ਕਰੋ।
2. ਅਣਜਾਣ ਡਿਵਾਈਸ: ਜੇਕਰ ਤੁਹਾਡੇ ਫੋਨ 'ਤੇ ਅਚਾਨਕ ਕਿਸੇ ਅਣਜਾਣ ਡਿਵਾਈਸ ਨੂੰ ਪੇਅਰ ਕਰਨ ਦਾ ਨੋਟੀਫਿਕੇਸ਼ਨ ਆਵੇ, ਤਾਂ ਉਸ ਨੂੰ ਤੁਰੰਤ Reject ਕਰੋ।
3. ਬਲੂਟੁੱਥ ਬੰਦ ਰੱਖੋ: ਜਦੋਂ ਤੁਸੀਂ ਈਅਰਬਡਸ ਦੀ ਵਰਤੋਂ ਨਹੀਂ ਕਰ ਰਹੇ ਹੋ, ਤਾਂ ਬਲੂਟੁੱਥ ਨੂੰ ਬੰਦ ਰੱਖਣਾ ਹੀ ਸੁਰੱਖਿਅਤ ਹੈ।
ਇਹ ਵੀ ਪੜ੍ਹੋ- WhatsApp ਚੈਟਿੰਗ ਹੋਵੇਗੀ ਹੁਣ ਹੋਰ ਵੀ ਮਜ਼ੇਦਾਰ! ਆ ਰਹੇ ਇਹ ਧਾਕੜ ਫੀਚਰਜ਼
ਮਹਿੰਗਾ ਹੋ ਗਿਆ ਫੋਨ ਰਿਚਾਰਜ! ਇਸ ਕੰਪਨੀ ਨੇ ਵਧਾ ਦਿੱਤੇ 9 ਫੀਸਦੀ ਤਕ ਰੇਟ
NEXT STORY 
