ਨਵੀਂ ਦਿੱਲੀ— ਪੇਟ ਦੀ ਚਰਬੀ ਕਾਰਨ ਅਕਸਰ ਲੜਕੀਆਂ ਸਾੜੀ ਜਾਂ ਪੈਂਟ ਪਹਿਨਣ ਤੋਂ ਕਤਰਾਉਂਦੀਆਂ ਹਨ ਜਿੱਥੇ ਟਮੀ ਫੈਟ ਲੁੱਕ ਨੂੰ ਖਰਾਬ ਕਰਦਾ ਹੈ ਉੱਥੇ ਹੀ ਸਿਹਤ ਸਮੱਸਿਆਵਾਂ ਦਾ ਕਾਰਨ ਵੀ ਬਣ ਸਕਦਾ ਹੈ। ਅਨਿਯਮਿਤ ਖਾਨ-ਪੀਣ ਅਤੇ ਸਰੀਰਕ ਗਤੀਵਿਧੀ 'ਚ ਕਮੀ ਕਾਰਨ ਇਹ ਸਮੱਸਿਆ ਹੁੰਦੀ ਹੈ। ਇਸ ਤੋਂ ਛੁਟਕਾਰਾ ਪਾਉਣ ਲਈ ਲੜਕੀਆਂ ਅਕਸਰ ਅਜਿਹੇ ਉਪਾਅ ਦੀ ਤਲਾਸ਼ 'ਚ ਰਹਿੰਦੀਆਂ ਹਨ, ਜਿਨ੍ਹਾਂ ਦੇ ਇਸਤੇਮਾਲ ਨਾਲ ਪੇਟ 'ਤੇ ਜਮ੍ਹਾ ਚਰਬੀ ਆਸਾਨੀ ਨਾਲ ਗਾਇਬ ਹੋ ਜਾਏ। ਜੇਕਰ ਤੁਸੀਂ ਵੀ ਅਜਿਹਾ ਹੀ ਤਰੀਕਾ ਲੱਭ ਰਹੀ ਹੋ ਤਾਂ ਅੱਜ ਅਸੀਂ ਤੁਹਾਨੂੰ ਸਭ ਤੋਂ ਕਾਮਨ ਨੁਸਖਾ ਮਤਲਬ ਜੀਰੇ ਅਤੇ ਅਦਰਕ ਦਾ ਪਾਣੀ ਪੀਣ ਦੀ ਸਲਾਹ ਦਿੰਦੇ ਹਨ ਜਿਸ ਨੂੰ 10 ਦਿਨ ਲਗਾਤਾਰ ਪੀਣ ਨਾਲ ਪੇਟ ਦੀ ਚਰਬੀ ਘੱਟ ਕਰ ਸਕਦੇ ਹੋ।
ਡ੍ਰਿੰਕ ਬਣਾਉਣ ਲਈ ਸਮੱਗਰੀ
- 1 ਚੱਮਚ ਜੀਰਾ
- 50 ਮਿਲੀਲੀਟਰ ਪਾਣੀ
- ਅੱਧਾ ਟੁਕੜਾ ਅਦਰਕ
- ਦਾਲਚੀਨੀ
- ਇਲਾਇਚੀ
- ਨਿੰਬੂ ਦਾ ਰਸ
ਡ੍ਰਿੰਕ ਤਿਆਰ ਕਰਨ ਦਾ ਤਰੀਕਾ
500 ਐੱਮ.ਐੱਲ ਪਾਣੀ 'ਚ 1 ਚੱਮਚ ਜੀਰਾ ਜਾਂ ਇਸ ਦਾ ਪਾਊਡਰ ਪਾ ਕੇ ਉਬਾਲ ਲਓ। ਇਸ ਨੂੰ ਉਦੋਂ ਤਕ ਉਬਾਲੋ ਜਦੋਂ ਤਕ ਪਾਣੀ 500 ਐੱਮ.ਐੱਲ ਤੋਂ 250 ਐੱਮ.ਐੱਲ. ਤਕ ਨਾ ਘੱਟ ਜਾਵੇ। ਉਬਲਦੇ ਪਾਣੀ 'ਚ ਅੱਧਾ ਟੁਕੜਾ ਅਦਰਕ ਪਾਓ ਅਤੇ ਥੋੜ੍ਹੀ ਦੇਰ ਉਬਲਣ ਦਿਓ। ਫਿਰ ਇਸ 'ਚ ਚੰਗੇ ਸੁਆਦ ਲਈ ਦਾਲਚੀਨੀ ਇਲਾਇਚੀ ਅਤੇ ਨਿੰਬੂ ਦਾ ਰਸ ਮਿਲਾਓ।
ਡ੍ਰਿੰਕ ਪੀਣ ਦਾ ਤਰੀਕਾ ਅਤੇ ਜ਼ਰੂਰੀ ਨਿਯਮ
ਇਸ ਡ੍ਰਿੰਕ ਨੂੰ ਘੱਟ ਤੋਂ ਘੱਟ 10 ਦਿਨਾਂ ਤਕ ਲਗਾਤਾਰ ਸਵੇਰੇ ਪੀਓ। ਇਸ ਤੋਂ ਬਾਅਦ ਘੱਟ ਤੋਂ ਘੱਟ 45 ਮਿੰਟ ਕਸਰਤ ਅਤੇ ਪ੍ਰੋਪਰ ਡਾਈਟ ਜ਼ਰੂਰ ਲਓ। ਇਸ ਨਾਲ ਪੇਟ ਦੀ ਚਰਬੀ ਤੇਜ਼ੀ ਨਾਲ ਘੱਟ ਹੁੰਦੀ ਹੈ।
ਕਿਵੇਂ ਚਰਬੀ ਘੱਟ ਕਰਦੀ ਹੈ ਜੀਰੇ ਅਤੇ ਅਦਰਕ ਦੀ ਡ੍ਰਿੰਕ?
ਜੀਰੇ ਅਤੇ ਅਦਰਕ ਦੀ ਡ੍ਰਿੰਕ ਪੀਣ ਨਾਲ ਮੈਟਾਬਾਲੀਜ਼ਮ ਵਧੇਗਾ ਅਤੇ ਮੋਟਾਪਾ ਘੱਟਣ ਲੱਗੇਗਾ। ਅਸਲ 'ਚ ਮੈਟਾਬਾਲੀਜ਼ਮ ਵਧਣ ਨਾਲ ਸਰੀਰ ਦੀ ਕੈਲੋਰੀ ਬਰਨ ਹੋਵੇਗੀ ਕਿਉਂਕਿ ਤੁਸੀਂ ਜੋ ਵੀ ਖਾਓਗੇ ਉਹ ਪ੍ਰੋਪਰ ਤਰੀਕਿਆਂ ਨਾਲ ਪਚਣ ਲੱਗੇਗਾ। ਇਹ ਡ੍ਰਿੰਕ ਤੁਹਾਡੀ ਭੁੱਖ ਨੂੰ ਵੀ ਕੰਟਰੋਲ 'ਚ ਰੱਖਦੀ ਹੈ, ਜਿਸ ਨੂੰ ਤੁਸੀਂ ਬੇਵਜ੍ਹਾ ਖਾਣ ਤੋਂ ਵੀ ਬਚੇ ਰਹੋਗੇ।
ਅਦਰਕ ਦੇ ਫਾਇਦੇ
ਅਦਰਕ ਹਰ ਭਾਰਤੀ ਰਸੋਈ 'ਚ ਆਸਾਨੀ ਨਾਲ ਮਿਲ ਜਾਂਦਾ ਹੈ। ਅਦਰਕ ਦੱਸ ਲੱਖ ਸਾਲਾਂ ਤੋਂ ਪਾਚਨ ਕਿਰਿਆ ਨੂੰ ਦਰੁਸਤ ਰੱਖਣ ਲਈ ਇਸਤੇਮਾਲ ਹੁੰਦਾ ਆ ਰਿਹਾ ਹੈ। ਅਦਰਕ 'ਚ ਮੌਜੂਦ ਐਂਟੀ-ਆਕਸੀਡੈਂਟ ਸਰੀਰ ਦੇ ਮੈਟਾਬਾਲੀਜ਼ਮ ਨੂੰ ਵਧਾਉਂਦੇ ਹਨ, ਜਿਸ ਨਾਲ ਪਾਚਨ ਤੰਤਰ ਵੀ ਦਰੁਸਤ ਰਹਿੰਦਾ ਹੈ। ਇਸ 'ਚ ਮੌਜੂਦ ਥਰਮੋਜੇਨਿਕ ਸਮਰੱਥਾ ਸਰੀਰ ਦੇ ਤਾਪਮਾਨ ਨੂੰ ਕੰਟਰੋਲ ਰੱਖਣ 'ਚ ਮਦਦ ਕਰਦੀ ਹੈ।
ਜੀਰੇ ਦੇ ਫਾਇਦੇ
ਜੀਰੇ 'ਚ ਆਇਰਨ, ਫਾਈਬਰ ਅਤੇ ਪੋਟਾਸ਼ੀਅਮ ਦੀ ਮਾਤਰਾ ਬਹੁਤ ਜ਼ਿਆਦਾ ਹੁੰਦੀ ਹੈ। ਇਸ ਤੋਂ ਇਲਾਵਾ ਇਸ 'ਚ ਵਿਟਾਮਿਨ ਸੀ, ਈ ਅਤੇ ਕੇ ਹੁੰਦਾ ਹੈ। ਰੋਜ਼ਾਨਾ ਇਸ ਦਾ ਸੇਵਨ ਕਰਨ ਨਾਲ ਸਰੀਰ 'ਚ ਜਮ੍ਹਾ ਚਰਬੀ ਘੱਟ ਹੁੰਦੀ ਹੈ ਅਤੇ ਬੈਡ ਕੋਲੈਸਟਰੋਲ ਲੈਵਲ ਘੱਟ ਹੁੰਦਾ ਹੈ।
ਨਾਭੀ (ਧੁੰਨੀ) 'ਤੇ ਇਹ ਤੇਲ ਲਗਾਉਣ ਨਾਲ ਸਰੀਰ ਨੂੰ ਹੁੰਦੇ ਹਨ ਕਈ ਫਾਇਦੇ
NEXT STORY 
