ਨਵੀਂ ਦਿੱਲੀ- ਤੇਜ਼ ਧੁੱਪ ਦੀਆਂ ਕਿਰਨਾਂ ਗਰਮੀ ਹੋਰ ਵਧਾ ਦਿੰਦੀਆਂ ਹਨ। ਹੀਟ ਸਟ੍ਰੋਕ ਦੇ ਵੱਧਦੇ ਖਤਰੇ ਨੂੰ ਦੇਖ ਕੇ ਸਿਹਤ ਵਿਭਾਗ ਨੇ ਵੀ ਅਲਰਟ ਜਾਰੀ ਕਰ ਦਿੱਤਾ ਹੈ। ਲੋਕਾਂ ਨੂੰ ਇਹ ਅਪੀਲ ਵੀ ਕੀਤੀ ਜਾ ਰਹੀ ਹੈ ਕਿ ਤੇਜ਼ ਧੁੱਪ ਅਤੇ ਲੂ ਦੇ ਵਿਚਾਲੇ ਸੜਕਾਂ 'ਤੇ ਨਾ ਨਿਕਲੋ। ਕਿਸੇ ਜ਼ਰੂਰੀ ਕੰਮ ਨਾਲ ਤੇਜ਼ ਧੁੱਪ 'ਚ ਜਾਣਾ ਪਏ ਤਾਂ ਬਚਾਅ ਦੇ ਉਪਾਅ ਜ਼ਰੂਰ ਅਪਣਾਓ।
ਹੋ ਸਕਦੀਆਂ ਹਨ ਇਹ ਸਮੱਸਿਆਵਾਂ
ਥੋੜ੍ਹੀ ਜਿਹੀ ਲਾਹਪਰਵਾਰੀ ਵਰਤਣ 'ਤੇ ਸਰੀਰ 'ਚ ਪਾਣੀ ਦੀ ਘਾਟ ਨਾਲ ਉਲਟੀ, ਦਸਤ, ਬੇਹੋਸ਼ੀ ਜਿਹੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਖਸਰਾ ਸਕੈਬੀਜ, ਚੇਚਕ, ਲਾਲ ਰੰਗ ਦੇ ਧੱਬੇ ਅਤੇ ਟਾਈਫਾਈਡ ਆਦਿ ਰੋਗ ਵੀ ਇਸ ਮੌਸਮ 'ਚ ਆਪਣੇ ਪੈਰ ਜ਼ਿਆਦਾ ਪਸਾਰਦੇ ਹਨ। ਸਿਵਿਲ ਹਸਪਤਾਲ ਦੇ ਸੀਨੀਅਰ ਡਾ. ਨੇ ਦੱਸਿਆ ਕਿ ਮੈਡੀਸਿਨ ਓ.ਪੀ.ਡੀ. 'ਚ ਰੋਜ਼ਾਨਾ ਤਕਰੀਬਨ 250 ਲੋਕ ਇਲਾਜ ਲਈ ਪਹੁੰਚਦੇ ਹਨ।
ਵਾਇਰਲ ਬੁਖਾਰ ਦੇ ਮਰੀਜ਼ਾਂ ਦੀ ਗਿਣਤੀ ਜ਼ਿਆਦਾ
ਗਰਮੀ ਨਾਲ ਬਹਾਲ ਮਰੀਜ਼ਾਂ ਦੀ ਗਿਣਤੀ ਰੋਜ਼ਾਨਾ 20 ਨੂੰ ਪਾਰ ਕਰ ਰਹੀ ਹੈ। 100 ਤੋਂ ਜ਼ਿਆਦਾ ਮਰੀਜ਼ ਵਾਇਰਲ ਬੁਖਾਰ, ਟਾਈਫਾਈਡ, ਡਾਈਰੀਆ ਦੇ ਪਹੁੰਚ ਰਹੇ ਹਨ। ਐਮਰਜੈਂਸੀ 'ਚ ਰੋਜ਼ਾਨਾ ਚਾਰ-ਪੰਜ ਮਰੀਜ਼ਾਂ ਨੂੰ ਕੁਝ ਘੰਟਿਆਂ ਲਈ ਭਰਤੀ ਵੀ ਕਰਨਾ ਪੈ ਰਿਹਾ ਹੈ। ਗਰਮ ਹਵਾ ਦੀਆਂ ਲਪਟਾਂ ਨਾਲ ਸਕਿਨ ਖੁਸ਼ਕ ਹੋਣਾ, ਸਰੀਰ 'ਚ ਪਾਣੀ ਦੀ ਘਾਟ ਹੋਣੀ, ਅੱਖਾਂ 'ਚ ਜਲਨ, ਸਰੀਰ 'ਤੇ ਲਾਲ ਰੰਗ ਦੇ ਨਿਸ਼ਾਨ ਵਰਗੀਆਂ ਪਰੇਸ਼ਾਨੀਆਂ ਮਰੀਜ਼ਾਂ 'ਚ ਦੇਖੀਆਂ ਗਈਆਂ ਹਨ।
ਸ਼ੂਗਰ ਦੇ ਰੋਗੀਆਂ ਲਈ ਜ਼ਿਆਦਾ ਖਤਰਾ
ਇਕ ਡਾ. ਨੇ ਦੱਸਿਆ ਕਿ ਸੀਨੀਅਰ ਸਿਟੀਜ਼ਨ, ਸ਼ਰਾਬ ਪੀਣ ਵਾਲੇ, ਸ਼ੂਗਰ ਦੇ ਰੋਗੀਆਂ ਨੂੰ ਬੁਖਾਰ ਦਾ ਖਤਰਾ ਜ਼ਿਆਦਾ ਰਹਿੰਦਾ ਹੈ। ਘਬਰਾਹਟ, ਬੇਚੈਨੀ, ਚਿੜਚਿੜਾਪਨ ਵਰਗੇ ਲੱਛਣ ਦਿਖਣ ਤਾਂ ਤੁਰੰਤ ਇਲਾਜ ਕਰਵਾਉਣ 'ਚ ਸਮਝਦਾਰੀ ਹੈ।
ਇਨ੍ਹਾਂ ਨੂੰ ਰੱਖਣਾ ਹੋਵੇਗਾ ਬੇਹੱਦ ਧਿਆਨ
ਹੀਟ ਸਟ੍ਰੋਕ ਗਰਭਵਤੀ ਔਰਤਾਂ ਨੂੰ ਵੀ ਜਲਦ ਚਪੇਟ 'ਚ ਲੈ ਲੈਂਦਾ ਹੈ। ਦੋ-ਪਹੀਆ ਵਾਹਨ ਚਾਲਕਾਂ, ਪੈਦਲ ਚੱਲਣ ਵਾਲੇ, ਇੱਟਾਂ ਦੇ ਭੱਠਿਆਂ ਅਤੇ ਕੰਸਟਰਕਸ਼ਨ ਸਾਈਟਾਂ 'ਤੇ ਕੰਮ ਕਰ ਰਹੇ ਮਜ਼ਦੂਰਾਂ ਅਤੇ ਧੁੱਪ 'ਚ ਖੇਡਣ ਵਾਲੇ ਬੱਚਿਆਂ ਨੂੰ ਜ਼ਿਆਦਾ ਸਾਵਧਾਨ ਰਹਿਣਾ ਹੋਵੇਗਾ। ਤੇਜ਼ ਸਿਰਦਰਦ, ਬੁਖਾਰ, ਉਲਟੀ, ਪਸੀਨਾ ਅਤੇ ਚੱਕਰ ਆਉਣਾ ਵਰਗੇ ਹੀਟ ਸਕ੍ਰੋਟ ਦੇ ਸ਼ੁਰੂਆਤੀ ਲੱਛਣ ਹਨ।
ਬਚਾਅ ਦੇ ਢੰਗ
-ਘਰ ਤੋਂ ਬਾਹਰ ਨਿਕਲਣ ਤੋਂ ਪਹਿਲੇ ਪਾਣੀ ਪੀਓ।
-ਸੂਤੀ, ਢਿੱਲੇ ਅਤੇ ਆਰਮਦਾਇਕ ਕੱਪੜੇ ਪਾਓ।
-ਧੁੱਪ ਤੋਂ ਬਚਾਅ ਲਈ ਸਿਰ 'ਤੇ ਟੋਪੀ ਪਾਓ, ਛੱਤਰੀ ਦੀ ਵਰਤੋ ਕਰੋ।
-ਲੱਸੀ, ਓ.ਆਰ.ਐੱਸ. ਘੋਲ, ਨਿੰਬੂ ਪਾਣੀ, ਅੰਬ ਪੰਨਾ ਪੀਓ।
-ਘਰ 'ਚ ਬਣਿਆ ਤਾਜ਼ਾ ਭੋਜਨ ਖਾਓ ਅਤੇ ਭੁੱਖੇ ਨਾ ਰਹੋ।
-ਤੇਜ਼ ਮਿਰਚ ਮਸਾਲੇ ਯੁਕਤ ਅਤੇ ਬਾਸੀ ਭੋਜਨ ਨਾ ਖਾਓ।
-ਬਾਜ਼ਾਰ 'ਚ ਵਿਕ ਰਹੇ ਕੱਟੇ ਹੋਏ ਫਲ ਬਿਲਕੁੱਲ ਨਾ ਖਾਓ।
'ਵਿਸ਼ਵ ਹਾਈਪਰਟੈਨਸ਼ਨ ਦਿਵਸ' 'ਤੇ ਜਾਣੋ ਕਿਵੇਂ ਪਾਈਏ ਹਾਈ ਬਲੱਡ ਪ੍ਰੈਸ਼ਰ ਤੋਂ ਛੁਟਕਾਰਾ
NEXT STORY 
